Zakarya 7:5 - Bible en Guidar

⁵ Anah sit ɗiy naka dələv pakə, gəm məsdəlveŋge dawnəh na: «Gala kəɗɗaŋ meme, kəɓuhnən mokum aka təla masle'en də mabuhuloni, əzva kaklaw buhul kəɗɗaŋ meme, suwi kəɗɗaŋ meme van gesiŋ sa?

Zakarya 7:5 ပူးပေါင်းရင်းမြစ်များ

2Milyeŋge 25:23

Adan deyeɗe net məzəlpaŋ dit ɗiy net aprəmən na, məlĩ na Babilon aɗiyək Gedalya va guverner, yaŋ azzoŋ aza Gedaliya a Mispa. Yismayel, wətən Netaniya, Yohanan, wətən Kareya, Seraya, wətən Tanhume an na Netofa, gəm Ya'azaniya wətən mə Ma'aka.

2Milyeŋge 25:25

Ya aka təla mabuhulon na, Yismayel wətən Netaniya, dəhən Elisama, nan mazlãywã məlĩ yi, adek a Mispa dit ɗiy kəlaw; abaynənək Gedaliya zamə, gəm mə Yudeɗ dit mə Kaldiyeɗ na Mispa ananda adak pakə.

Isaya 43:23

Kəkisu time nawzaɓ-Maŋgəlva nok na əvəl nawzla kurmbuɗuk ɓa, kəgagdakaw də əzaɓ-Maŋgəlva mədan nok ɓa. Nəska wəlok nawkisu əvəl ɓa, ya nəyok də əttok tursan ɓa.

Isaya 58:3

Aɓɗaŋ na: Vi miyi mədaɗɗa meme an kuləm na ɓa di? Əɓegən ki zəm mi adawtər, an kəzək na sləma ɓa di? Ya naw nənah sukum na, vasna pay kədaɗɗaŋ meme, mənokum tat ərəh zukum, gəm əzəmgit sahã net məɗɗaŋ wəza nokum.

Yeremiya 25:11

Dələvəŋ pak wakkpaŋ kiməski muyã ɗarə, ɗiy naka dəlvəŋ waɗɗaŋ wəza sən məlĩ na Babilon əzva kaklaw buhul.

Yeremiya 29:10

Vi yaŋ an Yawe anahə: Ha'aw, an Babilon agəɗək əzva kaklaw buhul va nətawsən na, wanəzək slema akokum, asna wanəknahan əpel naw moggon vikum vi kawmilgukum a təkiyəŋka.

Yeremiya 52:12

Aka wəzva na Nabukodonozor, makəlaw kiyən vaytak aka məlyã, də wəvoŋ kəlaw na təla məsle'eni, Nebuzaradan, daya net məzugaŋ məziwweŋ aba məlĩ na Babilon, poh a Yerusalem.

Daniyel 9:2

aka əzva nan taka aka məlĩ nani, in Daniyel, nəŋɗanək addəv ɗerewel salala na, Yerusalem wasan va kiməski wəzva kaklaw buhul va Yawe anah sən məskəleŋ Yeremiya.

Hose'a 7:14

Səddəv kpukpum na mekret adakkamawən ɓa, an tay əɓuhun met aka zəga nawvoŋ neti, may əntarnən ziti aka wən na haykəmari gəm mbazla na meketepe gəɓet adaktuhoŋ vas səzawa.

Zakarya 1:12

Yaŋ maslay na Yawe azlani amna: «Yawe Məzuɓappak, hã gap dewɗe kula na sasãh Yerusalem ɓa dit walaŋgəleɗe gugriɗ na Yuda en məs kədəgədəv aket əzva kaklaw buhuləŋ di?»

Zakarya 7:3

kassohẽt məsdəlveŋge məɗɗaŋ wəza addəv Gəla na Yawe Məzuɓappak gəm məskəleŋɗe na: «Nəhəmgən aka təla masle'en də əppet zəget nawzəm va nəɗɗa əzva gbaŋkəŋ sa?»

Zakarya 7:4

Yawe Məzuɓappak apel suka, amna:

Zakarya 7:6

Ya pay kədawzəmaŋ də kədawsaŋ na, sən kiykum kədawzəmaŋ də kədawsaŋ ɓa sa?»

Zakarya 8:19

Vaŋ an Yawe Məzuɓappak anahə, amna: Wəɗɗa meme na təla mapoɗoni, na təla masle'eni, na təla mabuhuloni gəm na təla makəlawan wassoŋ ka pay na hĩyã hĩyã də nanneke gəm wəzləra nannek viyit ɗiy na Yuda. Məŋglu gegesiŋ də zazaya.

Matiye 23:5

Əɗɗanən wəza net pak vi ɗiy duleningəni. Ndəɗaŋ əslosloproketin filakterɗe neti, ndəɗaŋ əɗɗaŋ moksoy zezek aza gabba lukut net.

Matiye 6:16

An munokum tat əɗɗa meme na, kədassoŋ so'or so'or va net muluvuluvuɗe ɓa, gesiŋ tay ərosnən ki hereti, vi karban sit ɗiy na tay əɗɗaŋ meme. Gesiŋ nədawnah sukum: Net arəhənək iya neti.

Matiye 6:2

An mok aka ulasahã kan na, kədaɗɗan vi kawgəm maɗɗulet ɗiy akok va net muluvuluvuɗe adaɗɗaŋ addəvit gəlaɗe nakkal net mə Yudeɗi gəm aket tiveɗ vi ɗiy dəgagdaketingin ɓa. Gesiŋ nədawnah sukum: Arəhənək əfaɗ net səkay.

Matiye 6:5

An munokum tat əkkama, kədassoŋ va net muluvuluvuɗe ɓa, vi aŋglaŋgək iziw addəvit gəlaɗe nakkal net mə Yudeɗi gəm aka zlazlaŋgbra tiveɗ əkkam vi ɗiy duleningəni. Gesiŋ nədawnah sukum: Arəhənək əfaɗ net səzeti.

1Korintus 10:31

An əzəm kədawzəmaŋgə, an əsa kədawsaŋgə, zəga an kədaɗɗaŋ pak, məɗɗa vi gagdak na Maŋgəlva.

2Korintus 5:15

Amtək viyit ɗiy pakə, vi ɗiy en dəssoŋ mederet pak adassoŋ mederet na kiyit ɓa, dəssoŋgən sən an dəmtə gəm dəsil səka əmta viti.

Kolosi 3:23

An kədaɗɗaŋ pak dəde səza megenegenekum, va sən Daya məza va sit ɗiy ɓa,