Zakarya 7:14 - Bible en Guidar

¹⁴ Nətəraygitik aket dəlveŋge məs dəsinin ɗah ɓa temtemi. Dələv arayək dərɓegeti, əgilye tay ɓa, ətoŋ tay ɓa. Akkpaŋganənək dələv moggon ka muyã ɗarə.»

Zakarya 7:14 ပူးပေါင်းရင်းမြစ်များ

2Alabaraɗe Də Mabərkiziti 36:21

vas əpel na Yawe məs apel də ma Yeremiya aknahə: «Kappani dələv dəman gap wəzva kaklaw buhul, hã pay neffet nan gərakə, vi kaknahan pay məs məppani əffet ɓaŋka.»

Gəlyaɗe 58:9

Dəssoŋ va ambalyãmbalyã məzəddan mefɗe tolorro! Va daway məkiyən dula pay ɓa!

Isaya 17:13

Ŋgbititi net ɗiy məstakay də wooo na pehe. Daya tay əheyeti yaŋ adanzoŋ səzan faraɗa, tay əɓɓehit va eslesle məs səmyã naka mossorgo metiŋ adawka, va herɗe ŋgav məs vẽŋvil adalma.

Isaya 21:1

Əpel aka kapta-muyã dəsan a maŋgava pehe. Va vẽŋvil sə kəla dohoŋ məzəɓlaŋ aket iŋkile məzuzel tay əzzan sə kapta-muyã, səka dələv mədə pəlu ɗəfa.

Isaya 60:15

Nazga kənan kəta, nawzele ɗəf atoŋ na dəkok ɓa. Ya wanəɗiyuk addəv ənneke, wakəsok təki nannek hã faɗə.

Isaya 66:15

Vi Yawe yaŋ əzzan addəv offo, mawteŋɗe net pilseŋge nan tahəŋ va barkataŋɗe. Waki gagay na ədagədəv nani kawhãy addəv hərzlum offo.

Yeremiya 12:10

Məzuteɗeŋɗe diyɗa araygitinik megezlembirkeɗ nawa, andapanənək guli nawa. Akkpaŋganənək guli məs nəŋgəl ka kapta-muyã daŋdaŋgə,

Yeremiya 23:19

Səmyã yaŋka: Ədagədəv na Yawe dəgili. Barkataŋ tay əgəmnən zit əgul məsdarawɗe.

Yeremiya 30:23

Barkataŋ na Yawe yaŋka: ədagədəv agilke Barkataŋ tay əkkpaŋga wabət aket məsdarawɗe.

Yeremiya 36:19

Yaŋ ɗiy gugriɗ anah sənən Baruk na, dok aɗamə, isi gəm Yeremiya, ɗəf adawsən gəlokum ɓa!

Yeremiya 44:6

Ndəni herɗe naw gəm ədagədəv naw afyohoŋgu, azlenin walaŋgəleɗe na Yuda dit tiveɗ na Yerusalem akkpaŋgaŋ kiməskiya, mbəreyit va dəpaŋkəŋka.

Yeremiya 5:15

In yakəŋ əki ɗiy-ɗar akokum sə faraɗa, ɗiy na Israyel, Yawe aɗiymani; ɗiy məs awyaŋ ɓaŋ, ɗiy na maguwa, ɗiy məs kəsən met ɓaŋ məs kaprəm an adawpeleŋ ɓaŋ.

Yeremiya 52:30

Addəv əzva makaklaw sula kiyən hoku na Nabukodonozor, Nebuzaradan daya net məzugaŋ asimgitik mə Yudeɗ səkat buhul də kaklaw poɗo kiyən sle'i 745. Sap pak ɗiy gabal poɗo də səkat sləre 4 600.

Ezekiyel 12:19

Kənah sitgin ɗiy naka dələv na: Vaŋki Daya Yawe anah sit ɗiy dəssoŋ də gəla a Yerusalem aka dələv na Israyel: Də geslne adawzəmaŋ way neti, də mekret gbawgbaw adawsenin iŋkile neti, vi dələv nan waray də zəga an dəknah aka batam gagay net ɗiy en dəssoŋ akan pakə.

Ezekiyel 22:15

Wanətərayguk aket dəlveŋge na guwa, wanəzləɗok aket dəlveŋge; wanəzan aramba nokəŋ faraɗɗa səzoko.

Ezekiyel 5:10

Vini yi, efiŋgiɗit kirin wazimnin kirtit anokda, kirin tam wazimnin efiŋgiɗti, wanətawwən akoko, wanəndolet madembirgit pak ammba səmyã.

Daniyel 8:9

Yaŋ mohoŋguk muzliyək təgil səza taka nereti, təɓay diyɗa kəla dohoŋ, dəmmba pay nampum gəm dəka dələv an lelewe.

Hose'a 9:17

Maŋgəlva naw wandole, vi dəprəmnən man ɓa, waddoŋ slorslor aret ɗiy-ɗarə.

Yo'el 2:3

Offo tay əzəm təki abani, dərɓagani, offo tay əzla nzilim nzilimi. Va guli na Eden dələv asan abani, dərɓagan tam, kapta-muyã məraygəni. Zəga tay dəkõh səman ɓa.

Məsdəlveŋge 26:22

Wanəslin zəgeɗ memeyẽɗ nawra akokum, wampirnin kirtukum, wazetin zəgeɗ memeyẽɗ nokum, wakkpaŋgokumən ŋgbəra'ə, hã kpaŋgit tiveɗ nokum hələw hələwə.

Məsdəlveŋge 26:33

Wanətrayokum aret ɗiy nammba dəlva, wanəptu masalam akokum; dələv nokum wakkpaŋ muyã ɗarə gəm walaŋgəleɗe nokum kiməskiɗe.

Amos 1:14

Wanəsɗa offo sən zlava na Rabba; dəzlegin gəleɗe nawzəm məlĩ nani, addəv vaŋvəl nawgay pay nalpa, addəv buwən də səmyã pay na barkataŋ.

Nahum 1:3

Yawe awda gədəv gu' ɓa, tay də wəɓap metiŋgini, appan na məgəɗ zəga ka məs man bartata ɓa. Tive na Yawe tay addəv buwən də səmyã gəm addəv barkataŋ; slaybuna, ndəni ologudum nammba təlni.

Habakuk 3:14

Kətilikik kiyit deyeɗe nan dit herɗe net dəvet dəveti, yaŋ adazzoŋ va barkataŋ kazza əndolomə, va kəmna, kazza əvovõh məzuray də mahaɗamma.

Sefanya 3:6

Nəzetik dəlveŋge, nəɓzluwik zlavaɗe net məɓeyti; nəreygitik tiveɗ neti: məzutoŋgoŋ tahəŋ ɓa; məreygiti walaŋgəleɗe gugriɗ neti: ɗəf taka tay ɓa, ɗiy tahəŋ də gəla addəvən ɓa.

Zakarya 2:6

Nəssõhon na: «Aŋga kədaddok di?» Yaŋ aɓsu na: «Əsla Yerusalem, kawla zezek nan də slosloprok nan gbaŋgbari di?»

Zakarya 8:1

Əpel na Yawe Məzuɓappak ade suka, amna:

Zakarya 9:14

Yawe disiŋ kiyit warban zəni, har nan wawiɗ va iwiɗ na buna. Yawe Maŋgəlva waffon gozloro, wambat addəv barkataŋ na dohoŋ.

Əmsak aka Mahenziŋ 28:33

Zəgeɗ na mabardaw nok də iya nok pak ɗiy meɓɓet məs kəsin ɓa dədawzimini, ɗiy wazəmgukun sahã də wəsər mok pay pakə.

Əmsak aka Mahenziŋ 28:49

Yawe waslin ɗiy sə təki faraɗa akoko, sə metteɓ ma dəlva, əveŋgeŋ va gazla, ɗiy məs kaprəm ma net ɓa,

Əmsak aka Mahenziŋ 28:64

Yawe watərayguk a weleŋgit ɗiy-ɗar gboŋgu, adaka wakəgəɗ wəza sit meŋgilveɗ meɓɓeti, is dit efiŋgiɗuk kəsinin ɓa: na wəlaŋga gəm na gərma!

Əmsak aka Mahenziŋ 4:27

Yawe, watəraygukum a waleŋgit ɗiy, wakəssoŋ ŋgbəra a weleŋgit ɗiy-ɗarə, a təki Yawe nokum adawkukum.