Zakarya 7:12 - Bible en Guidar

¹² Akkpaŋganənək mekret va təbəz ɓəɓəla, vi adaprəmnən mahenziŋ də əpel an Yawe Məzuɓappak aslən sit də Əmpəs nan də met məskəleŋɗe en far ɓa. Makra Yawe Məzuɓappak affyõhək diyɗa.

Zakarya 7:12 ပူးပေါင်းရင်းမြစ်များ

2Alabaraɗe Də Mabərkiziti 36:13

Gəm ndən əmpa tem aka məlĩ Nabukodonozor məs dəswaygən də iya na Maŋgəlva naka. Yaŋ aɓɓəlan kiyən də makran dərəŋgə, ki ndən əmə' aza Yawe Maŋgəlva na Israyel.

2Alabaraɗe Də Mabərkiziti 36:16

Yaŋ adasmaygitin maslənɗe na Maŋgəlva neki, adawzelenən əpel nani, adawmasaŋ aket maslənɗe nan neki, hã herɗe na Yawe prik aket ɗiy nani, kpaŋ mihã net tay ɓa.

Ɗerewel na Yob 9:4

Məs maɗɗulani, zlimrim zlimrim gboŋgboŋgu, nawa dəɓoŋ sən ɗah ndən ɗew zay di?

Gəlyaɗe 50:17

is məzelen əzga' naw may məzgan əpel naw dərɓogokəŋ di?

Əgilye 7:13

Də as pak makra Farawən aɓɓəlka; dəprəm met ɓa, va Yawe anahə.

Isaya 46:12

Məprəmwa, makra ɓəɓəlɗe məssoŋ ɓa səza təstəsə.

Isaya 48:4

Vi nəsənək na nokum kiykum ɓəliyə, bələt na wəlokum tay va təbəza, mirbizkum tay mətokun va təbəz pepreŋge.

Isaya 6:10

Akkpaŋgan mekret ɗiyis difsiriki, asuk sləmeti, atip hereti; vi adawlaŋ də heret ɓa, sləmet adaprəm ɓa gəm mekret adawsən gabba zəga ɓa! Vas ɓa na waɗiyaŋ marava kamblaŋgə.

Isaya 65:12

Wanəŋɗokum ka na masalam. Wakəkdukun tokprokum pak vi kawtaw wəlokum. Vi nəyukumko ya kəzlanən ɓa, nəpel sukumko ya kəprəmwən ɓa. Kəɗɗaŋgək mambray ama harawa; an məs kəweleŋgi, zəga məs nəzeli yi!

Yeremiya 17:1

Mambray net ɗiy na Yuda məverni də mabəl na təbəz ɓəɓəla. Məverni aka kalaɓ na mekreti gəm aka moho təki nawzaɓ Maŋgəlva neti.

Yeremiya 17:23

Net dəprəmaŋ ɓa, dəpakən sləmet ɓa, aɓɓəlanənək kiyti, vi adaprəmnən ɓa, ka adawrahaŋ əzga' ɓa.

Yeremiya 26:19

Hizkiya məlĩ na Yuda dit ɗiy na Yuda pak abayənək sa? Nam na Yawe ageslne sən ɓa sa? Yas affeten makra Yawe, ndəni Yawe appan tatwãh an apel nawki aketi, ya nam na mənam tat əki tatwãh metiŋgin aka zəmə.

Yeremiya 42:21

Dəpas vani nənah sukum, ya kəprəmnən ma Yawe Maŋgəlva nokum aka an aslənu azokum pak ɓa.

Yeremiya 5:3

Yawe horok tay ɗəhərra ammba ula ədaw təstəs ɓa sa? Kərgeke, ya dəttəmanən azet va zəga ɓa. Kəkgrekke, aɓoŋgoŋguk dawtaf əzga'a. Aɓɓəlanənək heret day ki gərma, aɓoŋgoŋguk dawmilye azoko.

Yeremiya 7:20

Vini kana, vaŋ Yawe Maŋgəlva anahə: Ədagədəv naw dit herɗe naw yeŋ əgbo'oŋ aka təkiyəŋka, aket ɗiyi, zəgeɗ memeyẽɗi, wəleŋɗe nawra gəm uwa na zəga na mabardaw. Wazlə, amtə na ɓa.

Ezekiyel 11:19

Wanəpsit mekret an təstəsə, əmpəs meleketen nədapsit addivti, wanəgdəh mekret na gərəm səzeti, wanəpsit mekret na sluwa,

Ezekiyel 14:5

Vi wanəvok kiyit mə Israyelɗe, ndəɗaŋ məs dəkkpaŋganən mekret səkaw ammbet meŋgilveɗ net ndəɗaŋ pakəŋka.

Ezekiyel 2:4

Kirin vet kiyit ɓəli, mekret ɓələ; azet nədaslənko, kənah sitgən na: “Vaŋ Daya Maŋgəlva anahə.”

Ezekiyel 36:26

Wanəpsukum mokrokum meleketeni gəm əmpəs meleketen nədawɗi addəvkum; wanəkdəh makra na gərəm səzokum, wanəpsukum makra na sluwa.

Zakarya 1:2

«Yawe adək gədəv dərwadərwa aket efiŋgiɗkum.»

Zakarya 7:7

Aski əpel an Yawe anah də met məskəleŋɗe far pay Yerusalem asan fendeŋ, walaŋgəleɗe gugriɗ nan kiyən tərwəslə, Negev də dələv na Bagərəm məknihit dit ɗiy addəvit ɓa sa?

Matiye 13:15

Vi mekret ɗiyəŋ aɓɓəlka, asukunək sləmeti, atipinik hereti vi adawlaŋ ɓa, adaprəmaŋ ɓa, adawsənaŋ gabba zəga ɓa, gəm adawɗiyaŋ marava ɓa, ka nədawmbəlgit ɓa.

Markus 4:12

Vi vaski, Wawlaŋ də hereti, ya asənən na ɓa. Waprəmaŋ də sləmeti, ya aprəmnən na ɓa. Vi adawmilyoŋ əɗi marava ka mambray net dəvvugən ɓa.

Luka 8:12

Ɗiy en va ba tive na, ndəɗaŋgə en dəprəməni, Satan payə, agəm əpel nak sə mekreti, vi adawtafənən dəkõhoŋgən ɓa.

Wəza net Masləŋɗe 28:27

Vi ɗiyiŋki mekret aɓɓəlka, asukunək sləmeti, aɗupunək hereti, vi adawlaŋ də heret ɓa, adaprəmaŋ də sləmet ɓa, makret adaprəm gabba zəga ɓa, wakkpaŋgaŋ azawa, wanəmbəlgiti.

2Piyer 1:21

Vi kleŋ dəde ɗah səza əŋgla na ɗəf ɓa, Zeŋgile Salalay dədawkol met ɗiy dəpelingən an Maŋgəlva anah siti.