Zakarya 6:12 - Bible en Guidar

¹² Kənah səngəni, is na: An Yawe Məzuɓappak anah yaŋka, amna: Ɗəf yaŋ iya nan na Maməŋkənzeŋve, sə gəla tələn zeŋgile adawgilyeni, warka Gəla na Yawe.

Zakarya 6:12 ပူးပေါင်းရင်းမြစ်များ

2Samiyel 7:13

Ndəni narkə su Gəla aka iya nawa, naw wanəsɓan mazaŋga na məlĩ nan ka faɗə.

Ezra 3:10

Yaŋ mərkaŋ gəla nek aɗiynən gabba Gəla na Yawe, yaŋ məki məsdəlveŋge dit lukutɗe na wəza, dit mohõɗe, vaski mə leviɗe kirtin Asaf dit ndayɗe, vi dəɗinəngən ki Yawe va Davit, məlĩ na Israyel aɗi wən nani.

Ezra 3:8

Dukki na wəzva məs agapaŋ addəv Gəla na Maŋgəlva a Yerusalem, aka təla masulani, Zorobabel, wətən Salatiyel, də Yosuwa, wətən Yosadak, dit madembirgit milmiŋgiɗti, məsdəlveŋge, mə leviɗe, dit ɗiy dəmndoŋ a Yerusalem səka balam pak, atəŋ əɗinin mə leviɗe məs wəzva net kaklaw sula əmbat abe a gəlet vi nawdawgən wəza naddəv Gəla na Yawe.

Isaya 11:1

Gbugburzlo Yesse wandəfə, meggeɗe na slalwayən wawə.

Isaya 4:2

Pay dəpaska, zeŋve an Yawe agilgini, wasan moggoni gəm gagdak aka dəlva. Wakkpaŋ əmasa gəm ənnek azet ɗiy en dəndəwəɗaŋ na Israyel.

Isaya 53:2

Vi aɓayək aban va wəlaŋga məgilyani, va siwere digil a təki məkuro. Aza ulan na, tay lalaw ɓa, awiɗ ɓa, aza əzəməɗ nan tamə tay məs dəgəm haram ɓa.

Yeremiya 23:5

Pay tay əzzani, Yawe aɗiymani, wanəsilgin zev Davit an təstəsə Wazəm məlyã, wagəɗ zəga də maɗɗula, də tiveni.

Yeremiya 33:15

Aka pay nani, dəpas na, wanəgilgin zeŋve na təstəs səza Davit, waɗɗa zəga də tiven təstəs aka dəlva.

Ezekiyel 37:25

Wamndoŋ aka dələv məs nəpsən gawla naw Yakob, məs efiŋgiɗkum assoŋ akan də gəla, wassoŋ akan adak də gəla dit kirtiti gəm kirtit kirtit hã faɗə; Davit gawla naw wasan məlĩ net hã faɗə.

Ezekiyel 41:1

Atoŋguwək addəv Gəla na Maŋgəlva, aslak zit gəleɗe: slosloprok net metər hoku na aŋka, metər hoku na an mbərni, slosloprok na zə gəla diŋgili.

Amos 9:11

«Pay dəpas na: wanəsilgin guɗuk na Davit. An dəɓəsl na, wanəsuko, an diɓlu gəm an dəray na wanəsilgini, wanərkan va aka pay asan lahəŋka.

Mika 5:5

Net wataɗən dələv na Asiri də masalam gəm dələv na Nimrod tam də slohõ. Nan wakõhgəm səva Asiri, an azzoŋguk aka dələv namə, atoŋgoŋguk kiyit meŋge.

Zakarya 13:7

Masalam, afɗah aka məzutaɗa nawa, aka həlfu na gogo, vaski Yawe Məzuɓappak aɗiymani. Abay məzutaɗa, timeŋgiɗ dətərayaŋgəni, wanəmndagan vaw kawbey kirit timeŋgiɗi.

Zakarya 3:8

Aprəm ɗa Yosuwa, daya net məsdəlveŋge, is dit geleŋgiɗuk en dəssoŋ ɗewɗew aboko, vi ndəɗaŋgə ɗiy dədawlaŋ an nabe: Vi in yakəŋ əɗɗa ka məgəɗ wəza naw dədegini, iya nan na, Maməŋkənzeŋve.

Zakarya 8:9

Vaŋ Yawe Məzuɓappak anahə: Məsok zukum, mənokum məzəprəmən əpel an məskəleŋɗe apeleŋ pay məɗi gabba Gəla na Yawe, gəm narkan Gəla na Maŋgəlva.

Matiye 16:18

Naw in tat ənah suko: Piyer (Milɓe) kənani, ya aka milɓes nədarka Gəla nakkam nawa, maddembeɗe na təki nanziya net mimtit aska na wəlan ɓa.

Matiye 26:61

aɓɗaŋ na: Anahək na: Wanəɓzlu Gəla na Maŋgəlva wanərka addəv pay hoku.

Markus 14:58

Nam məprəmək ənah na: Naw, wanəɓzlu Gəla na Maŋgəlva an məs ɗiy arkaŋ də veti, pay hoku wanərka maɓɓani məza də vet ɗiy ɓa.

Markus 15:29

Məzutoŋgoŋ dədak aranənka, aɓlanənək kiyti, aɓɗaŋ na: Iskəŋ naɓzlu Gəla na Maŋgəlva, karkan addəv pay hokuŋ,

Markus 15:39

Daya net məzəlpaŋ səkat tay ziwwe adak haran sek akani, awlak va Yesu amtə, amna: Ɗəfəŋka Wətən Maŋgəlva yi gesiŋ.

Luka 1:78

sən mbəlembəle na ulasahã na Maŋgəlva namə. Ndəndəni pay məzugilyen adawkasak akam hã sə disiŋ,

Yohanna 1:45

Filip mbat ərəh Natanayel, aɓsən na: An məs Moyis aver wən nan addəv mahenziŋ gəm an məskəleŋɗe apeleŋ akan naka mərəhəka, ndəni Yesu na Nazaret wətən Yosef.

Yohanna 19:5

Yesu vit kana, kulpupu net gedirgeɗ akani, gəm lukut pepreŋ nak azani. Yaŋ Pilat aɓsit na: Ɗəf van yaŋka.

Wəza net Masləŋɗe 13:38

Milmiŋgiɗwa, məsən na, alabara na əvvuy mambray ade sukumək dəndəni gəm təstəs məs kərahaŋ də mahenziŋ na Moyis ɓaŋ pakə,

Wəza net Masləŋɗe 17:31

Vi aɗiyək pay nawtawwən aka dəlvafuŋ pak də təstəs, də ɗəf məs aweli, dədah nawtaf net ɗiy pakə, asilgənək səka əmta.

1Korintus 3:9

Vi wəza na Maŋgəlva mədaɗɗa sapə, mənokumtə guli na Maŋgəlva. Mənokumtə ərka na Maŋgəlva.

Ibriɗe 10:12

Kristu, nan dərəŋ na, səza azaɓ-Maŋgəlva navvuyon mambray təl taka, asanək ka faɗ aka dəzəŋ na Maŋgəlva

Ibriɗe 7:24

Ya Yesu, nan tay madaran hã faɗə, wəza na məsdələv nan agrak na ɓa.

Ibriɗe 7:4

Mula gagdak na ɗəfəs məs dəhəm Abraham apsən makəlaw zəga na sləma na ərəh nan səma wəgaya.

Ibriɗe 8:3

Daya net məsdəlveŋge pak məɗiyən napsən əvəla gəm əzaɓ-Maŋgəlva yi; vasna wəray nan wasan nawrəh zəga naɗɗa əvəla.