Zakarya 4:7 - Bible en Guidar

⁷ Nawa kənan is mossorgo metiŋ di? Aba Zorobabel Kəkkpaŋgək va təki məpəlayya məs agdah gərəm kiwən sədaka, də vaŋvəl Yawwa! Yawwa nani!

Zakarya 4:7 ပူးပေါင်းရင်းမြစ်များ

Ezra 3:10

Yaŋ mərkaŋ gəla nek aɗiynən gabba Gəla na Yawe, yaŋ məki məsdəlveŋge dit lukutɗe na wəza, dit mohõɗe, vaski mə leviɗe kirtin Asaf dit ndayɗe, vi dəɗinəngən ki Yawe va Davit, məlĩ na Israyel aɗi wən nani.

Gəlyaɗe 114:4

mossorgoɗe gugriɗ əpepɗekeŋ va ndergeyẽɗi, mossorgoɗe tam əpepɗek va kirit gilewi.

Gəlyaɗe 114:6

Mossorgoɗe gugriɗe, vimi kədawpepɗekeŋ va ndergeyẽɗi gəm mossorgoɗe tam əpepɗek va kirit gilew di?

Gəlyaɗe 118:22

Gərəm məs mərkaŋ gəla azgaŋgə akkpaŋgək gərəm kiwən naka bezler.

Gəlyaɗe 84:11

Vi əvoŋ taka adaŋgla anokda, adayək ki əvoŋ gabal a təki mbərni, An nəwel na: əssa aka ma tive na gəla na Maŋgəlva nawi, day ki əssa a gizlirkeɗe net məs mambrayɗe.

Isaya 28:16

Vini Daya, Yawe anah na: «Nəɗiyək gabba gəla a Siyon addəvən na nəɗiyək gərma, gərəm məwele na bezler məmpan ɓəlɓələ. Ɗəf an dəges azani, zəga tay naɓlan ɓa.»

Isaya 41:15

Awla nəɗikuk va mawta narga haya, məs slayən meleketeni. Wakəsir mossorgoɗe gugriɗe, wakətekeɗe, wakəkkpeŋget mossorgoɗe va eslesle.

Yeremiya 33:11

gogoyo na əpepɗeke, gogoyo na ənneke, gəlya na məɓel gulku də əɗɗəla nat məɓelta, wəlet ɗiy məzunəhaŋ na: məɗi ki Yawe Məzuɓappakə, vi Yawe moggoni yi, vi moggon nan hã faɗi yi. Kaprəmi wəlet məkiyaŋ zəga nawfet addəv gəla na Yawe. Vi wanəzaɓan wən na dəlvəŋ va asan lahəŋka» Yawe anahə.

Yeremiya 51:25

In yakəŋ əwak suko is mossorgo məzuzan təkiya Yawe aɗiymani. Is məzan dələv pakəŋkə, nəslanək vaw akoko, wanəslaŋguk səket milɓeɗi. Wanəkkpaŋgok va mossorgo na slayoffo,

Mika 1:4

Mossorgoɗe gugriɗ tay əlyuɓoŋ ammba təlni walaŋɗe tay əpɗakaŋ va timbe akoffo va iŋkile darɓəzlaŋ səka mossorgo metiŋ.

Mika 4:1

Addivit əvoŋɗe nabe na mossorgo metiŋ na gəla na Yawe waday kiyit mossorgoɗe gugriɗe meɓɓeti, gəm waday kiyit təki ɗagarraɗi. Asna ɗiy naka dələv dəwənnet pak wazzoŋ ɗakɗak akani.

Habakuk 3:6

Ndən ziw asla dəlvafuŋ. Awlaka, aɗɗe dəlveŋge hirɗiki. Mossorgoɗe gugriɗ na sete apoŋgoŋko, mossorgoɗe na maguw atirifeŋke. Tiveɗ na maguw nanəŋgə.

Zakarya 4:8

Əpel na Yawe ade azawa, amna:

Zakarya 4:9

Va Zorobabel dəɗi gabba Gəlaŋka, van vani dədawvãhni, wakəsən na, Yawe Məzuɓappak dəslənu azokum.

Matiye 21:21

Yesu azlani, aɓsit na: Gesiŋ nədawnah sukum: An munokum tat də ətafa, məza kuzuŋ ɓa, an dəgəɗ aka sokoyo kədaɗɗaŋ kaka ɓa. An kənah sənənək mossorgo metiŋgiŋ na azar saŋka, dok abət a pehe, wagəɗə.

Matiye 21:42

Yesu aɓsit əmpa na: Kəŋɗanən ɗah an məs məverin ɓa sa? Gərəm məs mərkaŋ gəla azgaŋgə, akkpaŋgək gərəm kiwən naka bezler. Səza Daya ade, zəga na sekene yi ama haramə.

Markus 12:10

Kəŋɗanən məs Ɗerewel anah ɓa sa? Gərəm məs mərkaŋ gəla azgaŋgə, akkpaŋgək gərəm kiwən naka bezler.

Luka 20:17

Ya Yesu awleke amna: Mbar an məverinəŋ aŋgəl ənah di? Gərəm məs mərkaŋ gəla azgaŋgə akkpaŋgək gərəm kiwən naka bezler.

Luka 3:5

Məzzoro pak kawndəkni, mossorgo metiŋ də mossorgo pak kaɓliwti, tiveɗ polndoŋpolndoŋ pak kawziwgiti, tiveɗ giɗikgiɗik pak kawziyeti.

Wəza net Masləŋɗe 4:11

Ndəni: Gərəm məs mənokum məzərkaŋ gəla kəzelenəni, ndən dəkkpaŋ gərəm kiwən naka bezler.

Roma 11:6

Ya an də mbəlembəle yi na, də wən na wəza yi ɓa; an vaski na mbəlembəle van mbəlembəle əmpa ɓa.

Efesus 2:20

Mərkukumi aka gabba gəla məs məɗiyən dit maslənɗe gəm məskəleŋɗe, Yesu Kristu zək nani gərəm na bezler.

1Piyer 2:7

Azokum munokum məs kətafaŋ kan na, gərəm na sləmay sawɓa, ya azet ɗiy məs dətafaŋ ɓa na: Gərəm məs mərkaŋ gəla azgaŋgə, akkpaŋ gərəm kiwən naka bezler,

Hənhən 16:20

Mətuwəraɗe diyɗa dit massorgeɗe pak azaŋka.