Zakarya 3:9 - Bible en Guidar

⁹ Vi gərəm yaŋ nəɗi aba Yosuwa. Gərəm məs haran buhulu, in yakəŋ əver an nawver akani, Yawe Məzuɓappak aɗiyman na, wanəzan heslepe naka dəlvəŋ addəv pay taka.

Zakarya 3:9 ပူးပေါင်းရင်းမြစ်များ

1Milyeŋge 1:20

Ya isi, daya naw məlyã, Israyel pak aziyək haran akoko, ka kənah sitgən ɗəf an nawsan aka mazaŋga na daya naw məlĩ dərɓagani.

2Alabaraɗe Də Mabərkiziti 16:9

Vi hara Yawe tay balbal aka dələv pak kampəsit ɗiy en mekret taka dəndəni. Ya nok kəgəɗək zəga na dərwa. Vi aski kan kədargisl dit wəgayɗe təŋ dəpaŋka.»

Gəlyaɗe 103:12

Va mammba pay nampum asan faraɗa səza an na moskoyo, vas adawɗi əggbak ma nam səzam faraɗa.

Gəlyaɗe 118:22

Gərəm məs mərkaŋ gəla azgaŋgə akkpaŋgək gərəm kiwən naka bezler.

Əgilye 28:11

Mətaw gərəm dədawtip iya net mə Israyelɗe aketi, va adawɗiyaŋ tampoŋ; kəgulgin addəvit gəlet na meleŋge.

Əgilye 28:21

Gərmeŋɗe vet wassoŋ aza iya na mahəlfa net mə Israyelɗe, gərmeŋɗe vet kəlaw kiyit sulaŋgə; wassoŋ məverit va tampoŋ aza iya pakə, wassoŋ vi mahəlfa kelaw kiyən sula.

Əgilye 28:36

Kəvotgən miypa'a na meleŋge saksakə, kətiɗipgən azan va adawɗiyaŋ tampoŋ: «Məpsən Yawe»,

Isaya 28:16

Vini Daya, Yawe anah na: «Nəɗiyək gabba gəla a Siyon addəvən na nəɗiyək gərma, gərəm məwele na bezler məmpan ɓəlɓələ. Ɗəf an dəges azani, zəga tay naɓlan ɓa.»

Yeremiya 31:34

Ɗəf tay nawyagan ɗəf maɓɓani awaniɓa məlmən əmpa də wənah na: Asən Yawe ɓa, vi wasənwən baymet təŋ səzet memeɗeŋɗe net hã gap azet gugriɗ neti Yawe aɗiymani. Vi wanəvvuyon sit heslepe net də mambray neti, nəɗɗum na akan əmpa ɓa.

Yeremiya 50:20

Əvoŋ nan aka pay dəpaska, Yawe aɗiymani: Kawkayani heslepe na Israyel ya kawrahi ɓa, gəm mambray na Yuda, zəga tay mərəhən ɓa. Vi wanəvvuyoŋ sən ɗəf an nədambra pakə.

Zakarya 13:1

Pay nan na, met iŋkile wakol sən zev Davit gəm sit ɗiy na Yerusalem ka naskoɓ mambray net də haramba neti.

Zakarya 3:4

Maslay aɓsit ɗiy en ziwziw nabani, amna: «Məggbuk sin lukutɗe mərgẽ'it nazani.» Sissiŋ anah sən Yosuwa na: «Awle, nəzargənək heslepe nok səzoko, in tat əgul suk lukutɗe kukuɗɗe.»

Zakarya 4:10

Vi naway dəzelet zəgeɗ memeɗeŋɗe ɗah di? Wannekenin ziti, wawlanən gərəm na way təbəz ava Zorobabel, «lalamɗe buhuliŋ tahəŋ ərbanən hara Yawe dədabbalan dəlvafuŋ gboŋgu.»

Yohanna 1:29

Vit pumpum nani, Yohanna awlak Yesu dazzan azani, yaŋ amna: Akəŋtə ndargayãk na Maŋgəlva məzəvvuyon mambray naka dəlva.

Yohanna 6:27

Kədaɗɗaŋ wəza vi zəga nawzəm məs naŋgənaŋ ɓa, məgəɗ wəza vi zəga nawzəm an na zeŋgile an faɗə məs Wətən Ɗəf adapsukum. Vi anani Maŋgəlva Afən aɗi van akani.

Wəza net Masləŋɗe 4:11

Ndəni: Gərəm məs mənokum məzərkaŋ gəla kəzelenəni, ndən dəkkpaŋ gərəm kiwən naka bezler.

Roma 9:33

Va məverin na: Awle, a Siyon nədawɗi gərəm nawtaŋgbaygit ɗiyi, milɓe məzləb ɗəfa. Ɗəf məs dətaf pak, arbə na wil ɓa.

2Korintus 1:22

Ndəni dəɗi tampon nan akamə gəm aɗi Əmpəs nan a makram va zəga nawtaf taf basə.

2Korintus 3:3

Təstəs nan na letər na Kristu kənanaŋge, məpsəm sən wəza namə, məverin məza dit iŋkile nawveri ɓa, də Əmpəs na Maŋgəlva madarani. Məverni aket kalaɓɗe net gərmeŋge yi ɓa, aket kalaɓɗe na sluwi, makra ɗəfa.

2Timote 2:19

Də as pak gabban məs Maŋgəlva aɗi tay ziw ɓəlɓələ, məver əpeləŋ akani: Daya asinik ɗiy nani. Gəm əmpa na: Məzuya iya na Daya pak dəzar səza mambraya.

Ibriɗe 7:27

Nan tay də wəray va net deyeɗe net məsdəlveŋge meɓɓet nawzaɓ-Maŋgəlva pay pak ammbet mambrayɗe nan tagay asna ammban net ɗiy pak ɓa. Təl taka aɗɗa as ka faɗə də əpsən ki zəni.

1Yohanna 2:2

Vi ndəni dəmtə kavviyan mambray namə; ya an nami kaka' ɓa, vi an net ɗiy nammba dələv paki ye'e.

Hənhən 5:6

Yaŋ nəwəl Ndargayãk ziwe a walaŋ mazaŋga na məlĩ dit zəgeɗ memeyẽɗ poɗo a waleŋgit ɗiy məsɓeti, ndargayãk vat tat va kəɓəs na mətawni wəlata. Mohon tay buhul, haran buhul, ndəɗaŋgəŋ Əmpəsɗe na Maŋgəlva buhul məs aslən aka dəlvafuŋ gboŋgu.