Zakarya 3:4 - Bible en Guidar

⁴ Maslay aɓsit ɗiy en ziwziw nabani, amna: «Məggbuk sin lukutɗe mərgẽ'it nazani.» Sissiŋ anah sən Yosuwa na: «Awle, nəzargənək heslepe nok səzoko, in tat əgul suk lukutɗe kukuɗɗe.»

Zakarya 3:4 ပူးပေါင်းရင်းမြစ်များ

2Samiyel 12:13

Davit azlan sən Natan na: «Nəgəɗək mambray aza Yawe.» Natan aɓsən Davit na: «Yawe avvuyonək mambray noko; Kəmtə na ɓa.

1Milyeŋge 22:19

Amna: «Aprəm əpel na Yawe dərəŋgə. Nulak Yawe tay ɗewwe aka mazaŋga nan dit məzəlpaŋ na disiŋ ziwziw a maŋgavani, dəka dəzəŋ gəm dəka zlaɓay.

Gəlyaɗe 51:9

Avvuyon mambray naw də isop, wanəsaw saksakə; askoɓwa, wanəsaw babar day ki gaɓmayã.

Isaya 43:25

Naw, intə navvuyon əɓoŋ nok də əŋgla nawa nəɗɗum na aket mambrayɗe nok əmpa ɓa.

Isaya 44:22

Wanəvvuyon əɓoŋ nokum va slaybuwna. Mambray nok va maŋglavay, məmil azawa, vi nəkõhgukumko.

Isaya 52:1

Afɗahə, afɗahə, agul gbogboŋ noko Siyon agul lukut na sləma noko Yerusalem, walaŋgəla-metiŋ salala! Vi gayã may ɗəf mərnokun azzoŋ na anokda əmpa ɓa.

Isaya 61:10

Ənnek nədannek addəv Yawe, wanəɗɗəl sən Maŋgəlva nawa, vi askəsuwək lukut nawkohõ, asərətwək də lukut məkso'o na təstəs va ɗəf dəɓel gulku adawɗi zən va məsdəlva, adawɗup kulpup na məlyã, va waŋ məɓelət tədawzaɓan zət dit zəgeɗ na gawla nata.

Isaya 61:3

Vi kawɗup kulpupu na məlĩ sit məzuɗəkaŋ na Siyon, kapsit kulpupu na məlyã, məza moŋglo ɓa; mel nanneke, məza əɗəka ɓa; lukut nawɗikiya məza na əddak ɓa. Kawyeti na: Wəlaŋga məpsən gagdak sən Maŋgəlva, guli na Yawe vi karban gagdak nani.

Yeremiya 52:33

Addəɗet sinik lukutɗe na fərsəna, azəmək way ɗayɗay dəndən addəv ənziya nan pakə.

Ezekiyel 36:25

Wanəggbo' iŋkile salala akokum, wakəssoŋ məbburkum səza heslepe nokum pakə; wanəbburkum səzet zəgeɗmeŋgiveɗ nokum pakə.

Ezekiyel 42:14

Pay məsdəlveŋge atoŋgoŋ addəv gəla salala na, agilyoŋ na a meŋgle ɓa, adak adawziynin lukutɗe net məs aɗɗaŋ wəza dənɗaŋgə, vi lukutɗe vet na matuyaŋgə. Waguloŋ lukutɗe meɓɓeti; asna waɓap əddoŋ a təki nakkal net ɗiyi.»

Mika 7:18

Maŋgəlva tay va is ɓa, məvvuyon mambraya, məppan əɓoŋ net ɗiy nan en dəppaŋ medereti. Ədagədəv nan awsan faɗ ɓa, vi zən neki dəɗɗa moggoni.

Mika 7:19

Wakəmsak ulasãsahmə, wakəndapet mambrayɗe namə, wakəzgan mambray nam pak addəv kpukpum na pehe.

Zakarya 3:1

Yaŋ arban su Yosuwa, daya net məsdəlveŋge ziwwe aba maslay na Yawe gəm Məzəmkiya ziwwe aka va dəzəŋ nan kawzəm kini.

Zakarya 3:7

An Yawe Məzuɓappak anah yaŋka: «An is tat ədaw aka tive nawa, an is tat ərma wəsəɓɗe nawa, wakəsok daya aka gəla nawa, gəm wakəga daŋglaɗe nawa, wanəpsuk tive nawtoŋ aweleŋgit en ziwziwiŋki.»

Zakarya 3:9

Vi gərəm yaŋ nəɗi aba Yosuwa. Gərəm məs haran buhulu, in yakəŋ əver an nawver akani, Yawe Məzuɓappak aɗiyman na, wanəzan heslepe naka dəlvəŋ addəv pay taka.

Matiye 22:11

Adan məlĩ atoŋ kawle ɗiy məyeti. Awələk ɗəf aweleŋgit ɗiyi, məs dəgul lukut nawɓel ɓa.

Luka 1:19

Maslay azlan sənək na: Intə Gabriyel aba Maŋgəlva nədawsawa vi kawgəɗ sən wəza. Məslənu na, vi kawpel suk gəm kawnah suk alabara neneke.

Luka 15:22

Yaŋ afən aɓsit belemɗe nan na: Go' məki lukut an moggoni, məgul səni, məgul sən ndama aka vani, məkkpa sən henseki.

Yohanna 1:29

Vit pumpum nani, Yohanna awlak Yesu dazzan azani, yaŋ amna: Akəŋtə ndargayãk na Maŋgəlva məzəvvuyon mambray naka dəlva.

Roma 3:22

Təstəs na Maŋgəlva də ətaf Yesu Kristu viyit ɗiy məs dətafaŋ pakə. Vi uɗak tay aban ɓa.

Roma 6:23

Vi əfaɗ na mambray na, əmta yi, ya əvəl na mbəlembəle na Maŋgəlva na, zeŋgile an faɗ məs mərah də Yesu Kristu Daya nami.

1Korintus 6:11

Vas ɗiy meɓɓet sərokum assoŋ lahəŋka. Ya məslslaykumi, məkkpaŋgokumi salala, məbburkumi addəv iya na Daya nam Yesu Kristu gəm də Əmpəs na Maŋgəlva namə.

2Korintus 5:21

Ndən məs dəsən mambray ɓa, akkpaŋgan ka məs dəgəɗ mambray vimə, vi namə, məkkpaŋgən təstəs na Maŋgəlva addəvni.

Kolosi 3:10

Kugulunək ɗəf meleketeni, məs dədawnduf kawgap aza əsən an gərrakə kawgilye va məs dəzəməɗa.

Ibriɗe 8:12

Vi wanəwəl sãhã aket viyit heslepeɗe neti nəɗɗumet na mambrayɗe net ɗah əmpa ɓa.

Hənhən 5:11

Yaŋ nəzi haraw əmpa: Nəprəm wəllet maslayɗe diyɗa tuwəɗ ki mazaŋga na məlĩ dit zəgeɗ memeyẽɗ gəm ɗiy məsɓet neki, wəŋɗa net tay dubu dubuɗe gəm gabal kaklawɗe.

Hənhən 7:14

Nəzlan sənək na: Daya nawa kəsənka! Aɓsu na, ndəɗaŋgəŋ ɗiy məs dəgilyoŋ səddəv əzəmsãhã metiŋgini. Askoɓunik lukutɗe neti, azzoretinik lukutɗe net addivit mbel nat ndargayãk kpaŋgaŋ babarɗe.