Zakarya 2:12 - Bible en Guidar

¹² Vi an Yawe Məzuɓappak anah yaŋka: aslənu də gagdak azet dəlveŋge məs dəgəmkumən ka ərəh na mawgaya: «Vi ɗəf an dərəŋgukum pak mawyãk haran arəŋgəni.»

Zakarya 2:12 ပူးပေါင်းရင်းမြစ်များ

2Alabaraɗe Də Mabərkiziti 6:6

Ya nəwelik Yerusalem, ka iya naw dəsangən adaka gəm nəwelik Davit dəsangən aket ɗiy naw mə Israyelɗe.”

Ester 6:13

Haman abotonək an dəgəɗ akan pak sət ɗak nan Zeres gəm sit beyneŋgiɗni. Məsmaɗɗulet naban gəm ɗak nan Zeres aɓsənən na: «An Mardokay məs kətəŋ əzbər abanəŋ zevit mə Yudeɗi na, kəska na wəlan ɓa, əzbər kədazbər abani.»

Gəlyaɗe 105:15

«Kədawrəŋgitin en məpeslit naw ɓa; kədaɗɗaŋ mbərayən sit məskəleŋɗe naw ɓa.»

Gəlyaɗe 132:13

Vi Yawe awelik Siyon, aŋgluwək ka təki nassa nani:

Gəlyaɗe 132:14

«Aŋki təki naffet naw hã faɗə, aŋ nədawsawa, vi anan nəŋgələ.

Gəlyaɗe 135:4

Vi Yakob Yawe awel ka nani, aɗɗak Israyel ka nani.

Gəlyaɗe 33:12

Əzaɓi azet ɗiy en dəɗinən Yawe ka Maŋgəlva neti! Əzaɓi azet ɗiy en awel ka nawray vani!

Gəlyaɗe 82:8

Maŋgəlva, asili! Asok mətawwən naka dəlvafuŋ, vi ɗiy pak ammba vokəŋgə.

Isaya 14:1

Ha'aw Daya wawla sasah Yuda, wamsak əwel Israyel əmpa. Wamndeget ɗiy nan aka dələv neti, molhõyẽɗ wasapaŋ azeti gəm kawsapaŋ azet ɗiy na Yuda.

Isaya 17:14

Də moskoyo geslne yi, tak təki əddaŋga zəga tay dədappa ɓa. Aski haran net ɗiy en məzəppətməni, aski an nawrih ɗiy məzəmõhoməni.

Isaya 41:9

Is məs nəkoyok hã sə təki dələv abaymani, sə təki dələv abayman nəyuko, yas nənah suk na: Istə məgəɗ wəza nawa, nəwelkuko, nəzgok ɓa.

Yeremiya 10:16

An na Yakob na va zəgeɗiski ɓa, ndən dəzeɓ zəgeɗ pakə, Israyel dəsan mahəlfa an haran nani. Iya nan na Yawe Məzuɓappakə.

Yeremiya 30:16

Ɗiy en dəzlatkuməni kawzletti yi; məzuseɓɗe nok pak waddoŋ baymet aka balamə; məzundolokun wakkpaŋgaŋ ka zəgeɗ nawndoleti, məzuppohõkuni, wanəpet sən popoho.

Yeremiya 51:19

An na Yakob na va zəgeɗiski ɓa, ndən dəzeɓ zəgeɗ pakə, Israyel dəsan mahəlfa an haran nani. Iya nan na Yawe Məzuɓappakə.

Zakarya 1:17

Atəlma əmpa dawnəh na: An Yawe Məzuɓappak anah yaŋka: «Walaŋgəleɗe gugriɗ naw waknəhaŋ dit aryeɗ əmpa. Yawe waffeten makra Siyon əmpa, gəm wawel Yerusalem əmpa.»

Zakarya 3:2

Maslay aɓsən Məzəmkiya na: «Yawe dəslaŋguko Məzəmkiya; kəta Yawe məs dəwel Yerusalem dəslaŋguko. Ɗəf aŋ van motoffo məgdəhən səkoffo yi ɓa sa?»

Əmsak aka Mahenziŋ 32:10

Arihik ɗiy nan a kapta-muyã, sək addak əhəm net zəgeɗ nawra. Azgək sləma aketi, ayegetike, agek va adawga wãwyãk harani.

Əmsak aka Mahenziŋ 32:9

Vi Yawe awelike, ɗiy nanəŋgə, Yakob aɗi ka nawray vani.