Zakarya 14:7 - Bible en Guidar

⁷ Wasan pay təttaka kpesli, Yawe asənəka. Kapay asan na ɓa, dəfəɗ ɓa, ya də pay moskoy na, təki wakekeɓe'i.

Zakarya 14:7 ပူးပေါင်းရင်းမြစ်များ

Gəlyaɗe 37:18

Yawe, asənək pay net ɗiy təstəs-gərakə. An nawray vet wasan hã faɗə.

Isaya 11:9

Aɗɗaŋ na mambray ɓa, tay məs adawraygənən səka mossorgo metiŋ salala naw ɓa, vi dəlvafuŋ waknah də wəsən gagdak na Yawe va iŋkile adaknahənən pehe.

Isaya 24:23

Wil wadanən təla, paya warbə wili. Vi Daya Məzuɓappak məlĩ yi aka mossorgo metiŋ na Siyon gəm a Yerusalem. Gagdak nan warbə a ma heret ɗiy məsɓet nani.

Isaya 30:26

Pay Yawe adaynan huwa net ɗiy nan, an anzeɗik huweɗi, təla wakasak va paya, ya pay wawiɗ təl buhul va əkeɗeɗe na pay təl buhul.

Isaya 45:21

Məpele, mərban əɗɗum nokum məsapə, məpeleni! Naway dəpel dafsən aka an dədaɗɗa kəkaŋ van arban aka dəpas di? In Yawe tə ɓa sa? Dabərkiwa, Maŋgəlva tay maɓɓan əmpa ɓa. Maŋgəlva təstəsə, məkõhgən ɗəf tay mbərən abbəruk ɓa.

Isaya 58:10

an kuɗakanək way nok də ɗəf məs may adawda pakə, kəbetik məssehẽŋɗe, asna əkeɗeɗe nok warbə ara guzliyo; dəfəɗ nok wasan va tataŋpaya.

Isaya 9:7

Daya azkanək əpel nan aka Yakob, yaŋ abət aka Israyel.

Yeremiya 30:7

Əray midi miy aŋ di? Pay metiŋgin tay va ndən ɓay; pay na əzəmsãhãy yi viyit ɗiy na Yakob! Ya wakohoŋ səddəvən hara.

Daniyel 12:4

Isi Daniyel, arma əpelis haɗamə, atip ma ɗereweləska hã gap pay na əgrak adazzani. Ɗiy diyɗa wakayanən wekweki ya əsən wanzlərə.

Hose'a 3:5

Dərɓaga asna, mə Israyelɗe wamndoŋ wakayanən Yawe Maŋgəlva neti, gəm Davit məlĩ neti. Abe na, wakkpaŋgaŋ də əkker aza Yawe də moggon nani.

Amos 8:9

Pay dəpas na, Yawe Maŋgəlva aɗiymani: wanətəpgən pay aka tətaŋpaya; addak wəsɓəta dələv adawtoŋ ara guzluyo.

Matiye 24:36

Aka wən na pay nani gəm wənziya nan na ɗəf tay dəsən ɓa. Maslayɗe na disiŋ ɓa, wətən ɓa, abbər ki Afən kaka' ɓa.

Markus 13:32

Aka wən na pay nani awaniɓa wənziya nan na ɗəf tay dəsən ɓa. Maslayɗe na disiŋ ɓa, wətən ɓa, abbər ki Afən ɓa.

Wəza net Masləŋɗe 1:7

Yas azlan sit na, wən nokum tay aza əsən əvoŋ nan də pay nan məs Afən aɗi də gagdak nan ɓa.

Wəza net Masləŋɗe 15:18

Məsənti far vaska.

Wəza net Masləŋɗe 17:26

Səza ɗəf taka yi azəmiɗ ɗiy pak dəssoŋgən aka dəlvafuŋ gboŋgu. Səza aziwgin pay nan aɗiya, azi meŋge na təki nassa neti.

Wəza net Masləŋɗe 17:31

Vi aɗiyək pay nawtawwən aka dəlvafuŋ pak də təstəs, də ɗəf məs aweli, dədah nawtaf net ɗiy pakə, asilgənək səka əmta.

1Tesaloniki 5:2

Vi munokum sən kikum kəsənənək lewlew na, pay na Daya na, va məhal dəfɗa vas adazzani.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.

Hənhən 14:6

Yaŋ nula maslay maɓɓan dawveŋ a disiŋ faraɗa, tay də alabara nenek an faɗ na Maŋgəlva avani vi kawtəl ma akan sit ɗiy naka dəlvafuŋ pakə: sit ɗiy-ɗar pakə, sən mahəlfa pakə, sən ma awandi pakə gəm sit ɗiy pakə.

Hənhən 21:23

Wəray tay na paya awaniɓa na təla ɓa, vi dəkasakgən a walaŋgəla nan ɓa, ndargayã na Maŋgəlva yi lalam na walaŋgəla nani.

Hənhən 21:25

Pay pak metiveɗ na walaŋgəla nan tahəŋ viŋŋge, kampeti ɓa, vi dəfəɗ tayadak əmpa ɓa.

Hənhən 21:3

Nəprəmək wəla ɗəf əzzan səka mazaŋga na məlĩ nak dayadaya adawnəh na: Təki nassa na Maŋgəlva aweleŋgit ɗiy yi! Wasan dənɗaŋgə, wassoŋ ka ɗiy nani, Maŋgəlva wasan Maŋgəlva dəsan dənɗaŋgə.

Hənhən 22:5

Dəfəɗ tay adak ɓa, wəray tay na lalam adak ɓa, awaniɓa na pay ɓa, vi Daya Maŋgəlva sən kiyən wasan əkeɗeɗe neti. Wazəmaŋ məlĩ hã dudan.