Zakarya 14:5 - Bible en Guidar

⁵ Wakənzoŋ də walaŋ net mossorgoɗe gugriɗ nawa, vi walaŋ net mossorgoɗe gugriɗ van wagap a Asal. Wakənzoŋ va kənzoŋ aba wəkker na dəlvafuŋ aka pay na Oziyas, məlĩ na Yuda. Sissiŋ Yawe Maŋgəlva naw wade, sap dit maslayɗe nani.

Zakarya 14:5 ပူးပေါင်းရင်းမြစ်များ

Gəlyaɗe 96:13

aba Yawe, vi tay əzzani, vi tay əzzan ətawwən aka dəlvafuŋ. Watawwən aka dəlvafuŋ də təstəsə, gəm aket ɗiy də moggon nani.

Gəlyaɗe 98:9

aba Yawe, vi tay əzzan kawtaw wən aka dəlvafuŋ. Watawwən aka dələv də təstəsə gəm aket ɗiy tam də tiveni.

Isaya 29:6

Yawe Məzuɓappak wade uluk də əhay na buna, də əɓla na dəlva, də vẽŋvil də barkataŋ gəm də nzilimnzilim na offo məzəm təkiya.

Amos 1:1

Əpel na Amos, taka naret məzuteɗeŋɗe na Tekowa. An məs awəl aka wən na Israyel aka pay na Oziyas məlĩ na Yuda gəm aka pay na Yerobo'am wətən Yo'as məlĩ na Israyel əzva sula tak əɓla na dəlva.

Mika 1:11

Ɗiy na Safir, məddoŋgu, zukum mekeleŋ gəm net wili. Ɗiy na Sa'anan agilyoŋ na ɓa. Tay əɓuhnən met a walaŋgəla na Bet-Essel, əbbah nan pak wagəm səzokum.

Zakarya 4:7

Nawa kənan is mossorgo metiŋ di? Aba Zorobabel Kəkkpaŋgək va təki məpəlayya məs agdah gərəm kiwən sədaka, də vaŋvəl Yawwa! Yawwa nani!

Əŋɗa 16:34

Ɗiy na Israyel en dəssoŋ kiyit tərwəsl, anzoŋguk sən vaŋvəl neti, vi tay ənəhaŋ sən zit na: «Mənzamsəmə, vas ɓa dəlvafuŋ wasərət akamə!»

Matiye 16:27

Vi Wətən Ɗəf wade addəv gagdak na Afən dit maslayɗe nani, wafaɗsən ɗəf pak aza wəza nani.

Matiye 24:3

Adan Yesu asan aka gərəm net heremeɗi, ɓuh səzet ɗiyi, gewleɗ nan pay azani, aɓsənən na: «Anah səm ɗa dewɗe zəgeɗis adaɗɗaŋ di? Mi dədarban na pay naziya noko gəm na əgrak dələv di?»

Matiye 25:31

Pay Wətən Ɗəf adazzan də gagdak nan dit maslayɗe nan baymet ammbani, pay nani, wasan aka mazaŋga na məlĩ na gagdak nani.

Luka 21:27

Asna kawlani Wətən Ɗəf əzzan aka slaybuwən də əɓapa gəm də gagdak diyɗa.

Əmsak aka Mahenziŋ 33:2

Amna: Yawe adek sə Sinay, «va pay səkəla Se'ir, hã səka gərəm na Paran, akekeɓe' ɗiy nani; Adek azet dit maslayɗe diyɗa. Armak mahenziŋ də van dəzəŋ va offo kerkeri.

1Tesaloniki 3:13

Vi dəsɓangən mokrokum, kəssoŋgən məza heslepe ɓa, salala aba Maŋgəlva Afəm pay əzza na Daya nam Yesu dit ɗiy salala nan pakə.

2Tesaloniki 2:8

As kan na, ɗəf mbərayən nak warban zəni, Daya Yesu wabay də əmpəs na mani, wazan də gagdak na əzza nani.

Yakob 5:8

Nokum pak, məɓəs vaska, kədawyaŋ də wən nan ɓa, vi pay nazza na Daya go'oy.

Hənhən 11:13

Addəv ənziya vanəska'e ləŋ dəlvafuŋ aɓələk dayadaya, yaŋ taka səddəv əprasl kəlaw na walaŋgəla-metiŋ aɓəslə, ɗiy gabal buhul dəmtaŋ addəv wəɓla na dələv nani. Ɗiy məs dəplaŋ pak ageslen'eŋgək sawɓa, agagdakanənək Maŋgəlva na disiŋ.

Hənhən 20:11

Yaŋ nula mazaŋga babar na məlyã də ɗəf məs dəsan akani. Dəlvafuŋ də disiŋ tahəŋ wənzoŋ sənəni, kawleti ɗah əmpa ɓa.

Hənhən 20:4

Yaŋ nula mezeŋgeɗ na məlyã, ɗiy məs dəssoŋ aket arəhaŋgək gbogboŋ nawtawwəna. Nulak zeŋgilet ɗiy məs məbeyit vi adawpelin wən na Yesu gəm əpel na Maŋgəlva gəm ɗiy məs dəgagdakanən zəga mamayã ɓa mãy zeŋgilen ɓa, dətafən voɗoko nan a mirbizit ɓa, awaniɓa aza vet ɓa. Assoŋguk mederet də Kristu, tahəŋ wəzəmaŋ məlĩ dəndən gap wəzva gabalə.