Zakarya 14:2 - Bible en Guidar

² Wanəkkelet ɗiy naket dəlveŋge meɓɓet pak a Yerusalem vi kawgaya. Kawgəmni walaŋgəla-metiŋ, kakkporti zəgeɗ səŋgili, kawvoŋgiti gil na gagay. Wəɗak net ɗiy kawsimgiti na gagay, en dədappaŋ kawzeti sə walaŋgəla-metiŋ van ɓa.

Zakarya 14:2 ပူးပေါင်းရင်းမြစ်များ

Isaya 13:16

Kawpiweti kirtit a ma hereti, kawsləpatni zəga səŋgil anetda, kawvoŋgiti gil net na gagayə.

Isaya 4:3

Asna, kawyani ɗəf an dəpəl a Yerusalem də ɗəf an dəpəl a Siyon na ɗiy salala, vaska'e ɗiy en məverit sə Yerusaləm vi dəssoŋgən medereti.

Isaya 5:26

Aslanən gabaga nawsən dələv azan sit ɗiy-ɗar en faraɗa; yas agəɗ fofyoko siti, dəzzoŋgən hã sə təki dələv abaymani. Yeŋ əzzoŋ də kakara petpeti.

Isaya 65:18

Dərəŋ na, mənneki, mərban ənnek nokum pay pakə vi wanəzəməɗ: Yerusalem mərban ənnek nani ɗiy nan wannekeŋ sawɓa.

Yeremiya 21:4

Vaŋki Yawe Maŋgəlva na Israyel anahə: Gulomɗe nalpa nammba vokumiŋki, məs kədawgayaŋ də məlĩ na Babilon gəm mə Kaldiyeɗiŋki inyakəŋ əmndeget akokumu. Ɗiy en dəvoŋgoŋ sukumən də baŋla, wanəkkelet addak walaŋgəla-metiŋginiŋka.

Yeremiya 34:1

Əpel na Yawe yaŋ dəde sən Yeremiya aka pay na Nabukodonozor məlĩ na Babilon dit məzəlpaŋ nani gəm milyeŋge naka dələv məs asan daya aketi dit ɗiy pak tahəŋ əlpaŋ də Yerusalem gəm dit walaŋgəleɗe gugriɗ na Yuda meɓɓet dawnah na:

Əɓuhma 1:10

Məzuzel nan atələk van aket zəgeɗ nan en na sləma pakə. Gesiŋ, awlek ɗiy-ɗar ətoŋgoŋ addəv gəlamatuya, məs kəɗi sit wən nan na adaddoŋ addəv əkkal na mahenziŋ nok ɓa naka.

Ezekiyel 5:8

Vini Daya Yawe anah vaŋka: In yakəŋ əzzaw akok tamə; wanətawwən akok a maheret dəlveŋge na guwa.

Yo'el 3:2

Pay nan na, wanətərayan Əmpəs naw aket məɗɗaŋ wəza mezeŋgleket dit muguluŋgit daydayə.

Amos 7:17

An Yawe anah yaŋka: Guluk nok watəkkpaŋ məpolkoyok a walaŋgəla-metiŋ, kirtuk mezeŋgleket dit muguluŋgit pak waskotoŋ ama masalam. Gulyeŋge nok pak kawɗeketi əslet dəsle də helege. Is sən kiyuk kpak wakəmtə aka dələv net ɗiy dəsənən Maŋgəlva ɓa, ɗiy na Israyel tam kawsimgiti disim səka dələv neti.»

Zakarya 12:2

In yakəŋ əkkpaŋgan Yerusalem ka huloŋguk na mbazla nakkpaŋgan kiyit ɗiy en dətərwəslnən pakə. Na Yuda pak wasan məstaka'e va pay məsərŋgəsl Yerusalem.

Zakarya 12:3

Dəpas na, wanəɗi Yerusalem va gərəm beppe məza awsla ɓa abet ɗiyi. Ɗiy en dəŋglaŋ əslanən pak waplote. Ɗiy naka dəlvafuŋ baymet wasapaŋ akani.

Zakarya 12:9

Dəpas na, wanəkay tive nawzet dəlveŋge məs dəzzoŋ aka Yerusalem pakə.

Matiye 22:7

Gədəv məlĩ adəka, aslənik məzəlpaŋ nani azet məbayaŋ gəbay neki, azla walaŋgəla-metiŋ neti.

Markus 13:14

An kulanənək daryaw məraygən təkiya, aziwik a təki məs dəslə dəziwgən ɓa. (Məzənɗani dəprəm gabbani.) Asna ɗiy en dədassoŋ a Yude dənzoŋ aket mossorgoɗe gugriɗe.

Markus 13:19

Vi pay nani, pay na əzəm sahã adawsani, əzəmsahã wasan diyɗa, va ndən dəgəɗ ɗah ɓa va dələv asan hã gap kakaŋka, sessel agəɗ na ɗah ɓa'e.

Luka 2:1

Pay dəpaska, Məlĩ Ogustu aɗiyək wən nan nawver iya net ɗiy naka dələv pakə.