Zakarya 13:9 - Bible en Guidar

⁹ Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Zakarya 13:9 ပူးပေါင်းရင်းမြစ်များ

2Samiyel 7:24

Kəɗiyik mə Israyelɗe ɗiy nok ka ɗiy nok hã faɗə, Yawe, kəsokuk Maŋgəlva neti.

Ɗerewel na Yob 23:10

Vi asənək tive an nawa, an asləwək va adawslaŋ meleŋge, wanəgil saksakə.

Ɗerewel na Yob 28:1

Vov nawgilgin təbəz babar tay, gəm təki nazzoron meleŋge tay.

Gəlyaɗe 144:15

Əzaɓ azet ɗiy məs dəsan sit vaska! Əzaɓ azet ɗiy məs Yawe yi Maŋgəlva neti!

Gəlyaɗe 43:4

Wanəgap a matuya na Maŋgəlva, Maŋgəlva nannek zu diyɗa kənani. Wanəgəm gəzləŋtəndəŋ naw kalvoko Maŋgəlva, Maŋgəlva nawa!

Gəlyaɗe 50:15

Ayuwa an tatwãh aruhkuko, wanəkõhguko, wakəgagdakawa.

Gəlyaɗe 91:15

Wayuwa, wanəzlan səni, wanəsaw dəndən addəv tatwãhã; wanəbite, wanəgagdakani;

Wənməkkpaŋga 17:3

Vov tay vi nawhə̃s təbəz babara, movoro vi nawhə̃s meleŋge; Yawe tam dədawsəŋgləkan mekret ɗiyi.

Gəlya net Gəlyaɗe 2:16

Gəraw na makraw nawi, in tamə nani, tay ətaɗ addəvit dəndəfmeɗi.

Isaya 43:2

An is tat əkaɗ kiyit iŋkile, wanəsaw də isi; addivit məlpeŋge, iŋkile atəpgukunən na ɓa. An kətoŋguk akoffo, ahhətuk na ɓa, nzilimnzilim na offo azluk na ɓa.

Isaya 48:10

Awla, nəbburkumuk də offo, va adabburoŋ təbəz babari nəbburkum ɓa, addəv mesteɓe na tatwãhi.

Isaya 58:9

An kəkkamka, Yawe wazlani; an kəŋgələk əbbaha, wanənah na: In yakəŋkə! An kəppanək əhasl ɗiy na gagayə gəm əttəlan ɗəfa, awaniɓa əpel mbərayən aka ɗəfa,

Yeremiya 24:5

An Yawe Maŋgəlva na Israyel anah yaŋka: Va sokoyeɗ mogget sawɓeŋki, vaski nədawle mə Yudeɗ məs nəslən aka balam aka dələv net mə Kaldiyeɗ də ula sasãhti.

Yeremiya 30:22

Wakəssoŋ ɗiy nawa, wanəsaw Maŋgəlva nokum.

Yeremiya 31:33

Vi aŋki wənmiyna məs nədawziwgin dit ɗiy na Israyel dərɓaga payəska Yawe aɗiymani: Wanəɗi mahenziŋ addivti, wanəver a mekreti, wanəsaw Maŋgəlva neti, net wassoŋ ɗiy nawa.

Yeremiya 32:38

Wassoŋ ɗiy nawa, naw wanəsaw Maŋgəlva neti.

Yeremiya 9:6

Vini kana, aŋki an Yawe Məzuɓappak anahə: Wanəhĩs akoffo, kawlan an təstəsəŋgə. An vaski ɓa na mbar nədawgəɗ sit ɗiy naw əmpa di?

Ezekiyel 11:20

vi dədawaŋgən va mahenziŋ naw aŋgələ, dərmeningən tivenanziya nawa, dəɗɗaŋgə wəza dənɗaŋgə, dəssoŋgən ɗiy nawa, nəsawgən Maŋgəlva neti.

Ezekiyel 14:11

Vi adawzetin ɗiy na Israyel əmpa səmmbaw ɓa, adarnokonən zit əmpa də wəɓoŋ net ɓa, wassoŋ ka ɗiy nawa, naw wanəsaw ka Maŋgəlva neti, Daya Yawe aɗiymani.»

Ezekiyel 20:38

Wanəɗoh ɗiy məɓoŋgit dit en dəɓoŋgoŋ akaw sərokum, wanəgilgit səka dələv məs asmeŋ adaka, azzoŋ na aka dələv na Israyel ɓa: asna wakəsənnən na, intə Yawe.

Ezekiyel 36:28

Wakəssoŋ də gəla aka dələv nəpsit efiŋgiɗkum, wakəssoŋ ka ɗiy nawa, wanəsaw ka Maŋgəlva nokumu.

Ezekiyel 37:27

Təki nassa naw wasan azeti; wanəsaw Maŋgəlva neti, net wassoŋ ɗiy nawa.

Daniyel 11:35

Kawbayə səret məsmaɗɗuleti, əmta net wasan ka zəga nappay heslepe səzeti, nabburti, nakkpaŋget salala hã gap pay na wəggraka, vi pay məɗiyən van abe yi.

Daniyel 12:10

Ɗiy diyɗa na kabburti, kakkpeŋgeti salala, gəm kappayni heslepe sezeti. Ɗiy mbəreyit wazbanən əɗɗa mbərayən, ɗəf mbərayən pak zəga tay adaprəm ɓa, ya məs əsən aket na, net waprəmən an dədawtoŋgo.

Məsdəlveŋge 26:12

wanəbbal awalaŋkum; wanəsaw Maŋgəlva nokum, wakəssoŋ ɗiy nawa.

Zakarya 10:6

Wanəɓɓəlet ɗiy na Yuda, wanəkõhgən gəla na Yosef. Wanəzi də gəla, vi wanula sasẽhti, wassoŋ va nəzget ɗah ɓa, vi Yawe Maŋgəlva net nani, wanəzlan a meti.

Zakarya 12:10

Wanəknəh zev Davit gəm ɗiy na Yerusalem də əmpəs moggon gəm nakkama. Wawlaŋ azawa, in ɗəf məs ambokoŋ naka. Waɓuhnən met ammban va adawɓuhoŋ ma ammba wiyən karmalay. Waskaŋ morkoyo ammban va adaskaŋ morkoyo ammba uwa maddaabəŋ.

Zakarya 8:8

Wanəmilgiti, wassoŋ də gəla a Yerusalem. Wassoŋ ɗiy nawa, wanəsaw Maŋgəlva net də gegesiŋ gəm də təstəsə.

Wəza net Masləŋɗe 2:21

Vasna, ɗəf an dədawya iya na Daya pak na wakõhũ.

Ibriɗe 8:10

Daya amna: Aŋki wənmiyna məs nədayna dit ɗiy na Israyel dərɓeget əvoŋɗeski, Daya anahə wanəpsit mahenziŋɗe nawa, a makreti gəm aka maɗɗulet nədawverti, wanəsaw Maŋgəlva neti, net wassoŋ ɗiy nawa.

Yakob 1:12

Əzaɓ aza ɗəf məzuɓəs əsla, vi an aɓəsək əsla, warah mətərkiya na zeŋgille məs Maŋgəlva anah napsit ɗiy məs dəŋgluwəni.

1Piyer 4:12

Bayneŋgiɗəw na makrawa, kədassoŋ gərəŋ an mənokum tat addəv offo na əzəmsahã naslukum, va kəmna zəga məs də tiveni ɓa ɓa.

Hənhən 21:7

Ɗəf məskəwəla pak aski nədapsiti, wanəsaw Maŋgəlva nani, wasan wətuwa.

Hənhən 8:10

Maslay mahoko'it affonək gozloro nani: Yaŋ ngərzla metiŋgin apət sə disiŋ, tay əzla va offo. Abətək aka taka səddəv əprasl hoku net məlpeŋge gəm aket iŋkile miyma.

Hənhən 8:11

Iya nan na: Ndərzla. Taka səddəv əprasl hoku net iŋkile kpaŋ ndərzla, ɗiy diyɗa amtaŋgək sən iŋkile akkpaŋgək tatrãhɗe.

Hənhən 8:12

Maslay mapoɗo'it affonək gozloro nani: Taka səddəv əprasl hoku na paya, taka səddəv əprasl hoku na təla gəm taka səddəv əprasl hoku net ngərzleɗ mərgeti. Attireŋgik taka səddəv əprasl hoku neti: əsɓəta azanək əkeɗeɗe nan taka səddəv əprasl hoku, dəfəɗ pak vaska'e.

Hənhən 8:7

An maddaabəŋ affonək gozloro nani: Yaŋ ɓeɓrezleɗ sap də offo gəm mbel aziyaŋ aka dəlvafuŋgu; taka səddəv əprasl hoku na dələv arəmək offo, taka səddəv əprasl hoku net wəleŋɗe arəmək offo, gaslamba məddəkan pak arəmək offo.

Hənhən 8:8

Maslay masula'ən affonək gozloro nani: Yaŋ agəɗ va kəɓəs na mossorgo metiŋgin dərəm offo, yaŋ məzgan a pehe. Taka səddəv əprasl hoku na pehe kpaŋ mbeli.

Hənhən 8:9

Taka səddəv əprasl hoku net zəgeɗ məzəmiɗit mederet na pehe pak amtaŋka, taka səddəv əprasl hoku net bəlayɗe arayaŋka.