Zakarya 13:7 - Bible en Guidar

⁷ Masalam, afɗah aka məzutaɗa nawa, aka həlfu na gogo, vaski Yawe Məzuɓappak aɗiymani. Abay məzutaɗa, timeŋgiɗ dətərayaŋgəni, wanəmndagan vaw kawbey kirit timeŋgiɗi.

Zakarya 13:7 ပူးပေါင်းရင်းမြစ်များ

Gəlyaɗe 2:2

Milyẽŋge naka dələv wasilyoŋgu ɗiy gugriɗ tahəŋ əsapən met aka Yawe gəm aka mesiya nani:

Isaya 1:25

Yerusalem, wanəkkpaŋ dəzoko: anəskoɓuk də bətuwa, wanətor haramba sə zoko.

Isaya 27:1

Pay dəpaska, Yawe wasil akan də əptu masalam nan məs man hoɓhoɓ ɓəɓəl metiŋgini, vi kaskot aka heŋzle, dohõ məzənzani, aka heŋzle, dohõ məs pepete; wabay dohõtuya na pehe.

Isaya 40:11

Wataɗ gazlaŋ nan va məzutaɗa adawtaɗ gazlaŋ nani, waslet kirit timeŋgiɗ də vani, wambu' a makrani. Walmet timeŋgiɗ məzəweɗgitin kirtit də maɗɗula.

Isaya 9:6

Waɓaygən gagdak na məlĩ nani, wapsən zazay gəm əzəm məlĩ məza əgrak ɓa sən Davit. Wasɓan aka məlĩ nani, watawwən net ɗiy təstəs aka tiveni, təŋ kakaŋka hã faɗə, aski an Daya Məzuɓappak adaɗɗa addəv əŋgla nani.

Yeremiya 47:6

Haya əraya! Masalam na Yawe, hã gap dewɗe kədaffet di? Agul addəv gəloko, asok ɓatəɓatə, kədaɓla əmpa ɓa.

Ezekiyel 21:28

Wawlanən azet va helig nawwa wən ɗarə: ndəɗaŋ məs dəswayaŋgə. Nan tay əɗɗumon sit əmpa na, karmeti aka heslepe neti.

Ezekiyel 21:3

Kənah səngən wəlaŋga na Negev na: Aprəm əpel na Yawe: An Daya Yawe anah yaŋka: In yakəŋ əsɗa offo addəvko, wazla wəleŋɗe məkdəket naddəvuk pak dit en məkleket pakə; hərzlum offo məŋgiɗŋgiɗ amtə na ɓa, zəgeɗ nadak pak wazlaŋgə, təŋ sə Negev gap kəla disiŋgi.

Ezekiyel 37:24

Gawla naw Davit wazəm məlĩ aketi, məzutaɗa taka viyit pakgiti; wadawaŋ aket tiveɗnanziya nawa, warmenin mahenziŋɗe nawa, wazbetini.

Ezekiyel 7:6

Əgrak tay əzzani; əgraki dədazzani, wateh akoko, yaŋ tay əzzani.

Mika 5:2

Vini kana, wappet hã gap ɗak nawa təwəgəni. Asna madambirgit milmiŋgiɗ wamndoŋ azet ɗiy na Israyel.

Mika 5:4

Ndən nawsan zazaya. An mə Asiriɗe tay əzzoŋ əgul dələv namə gəm ətoŋ addəv gəla na məlĩ namə, waməsilgit məzuteɗeŋge buhul akani dit deyeɗe dudopoɗo.

Zakarya 11:11

Apələk dəpas ləŋgə, məvəlaŋ zəgeɗ memeyẽɗ məs heret yarra akaw nek asənənək na, aŋ əpel na Yawe yi.

Zakarya 11:4

An Yawe Maŋgəlva naw anah yaŋka: «Ateɗ gilew məɗiyit ka nawtaw wəleti.

Zakarya 11:7

Wanəteɗ gilew en məmanən vet adawkaŋ a təki nawtaw wəlet əŋka. Nəndək zleŋɗe sula. Niya taka na Neneke, maɓɓan tam niya na, wəslere, in ɗew əteɗ gilewi.

Matiye 1:23

Waŋ ŋgbuɓɓo watəɗi daway watəwə wiyna, kalvani na Emanuwel, va wənah na: Maŋgəlva tay də mənamə.

Matiye 10:42

Ɗəf an dəpsən iŋkile zazay dayday addəv huloŋguk sən taka səmmbet muzliyeɗ nawiŋki, vi asan gawla nawa, gesiŋ nədawnah sukum: Sessel azəna dawrəh zəga na van ɓa.

Matiye 11:27

Zəga pak Əbba apsuka. Ɗəf tay dəsən Wətən an Afəni ɓa ɓa, ɗəf tay dəsən Afən an Wətəni ɓa ɓa, gəm ɗəf an Wətən aŋgəl narban səni.

Matiye 18:10

Məzi zukum kədawzelenən taka səmmbet muzliyeɗəŋ ɓa. In tat ənah sukum gesiŋ: Maslayɗe net tahəŋ aba Afu na disiŋ ziwziwi. [

Matiye 18:14

Vaski yi'e, Afukum na disiŋ dəŋgəl ɗəf taka dəzəgən səmmbet kirin muzliyeɗiŋ ɓa.

Matiye 26:31

Yaŋ Yesu aɓsit gewleɗ nan na: Dəfɗəŋka munokum pak wakərgisleŋ də zəga nazbərgukum, vi məverni na: Wanəbay məzutaɗa, timiŋgiɗ watrayaŋgə.

Matiye 26:56

Ya as pak agəɗ na, vi an məverin addəv Ɗerewel net məskəleŋɗe dəgəɗgəni yi. Yaŋ gewleɗ pak appanəni, anzoŋgu.

Markus 14:27

Yesu aɓsit gewleɗ nan na: Munokum pak wakərgisleŋ də zəga nazbərgukum, vi məverni na: Wanəbay məzutaɗa, timiŋgiɗ watərayaŋgə.

Markus 14:50

Yaŋ gewleɗ nan baymet appanəni, anzoŋgu.

Luka 12:32

Kədawgeslne'eŋ ɓa, gebet muzliya, vi Afukum awlak lew napsukum məlĩ nani.

Luka 17:2

Ɗəɗah sən iynan gərəm metiŋgin awlan əzgan addəv kpukpum na pehe ki ndən əskotgən təttaka səmmbet kirin muzliyeɗiŋki.

Yohanna 1:29

Vit pumpum nani, Yohanna awlak Yesu dazzan azani, yaŋ amna: Akəŋtə ndargayãk na Maŋgəlva məzəvvuyon mambray naka dəlva.

Yohanna 10:30

In də Afəni taka mənani.

Yohanna 10:38

Ya an in tat əɗɗeti, an kətafən na wən naw ɓa zlaŋ, mətaf wəzeɗe veti, vi kəprəmnəgəni gəm kəsənnəgən na Afən tay addəvwa, in tat addəv Afəni!

Yohanna 14:1

Yesu aɓsit gewleɗ nan na, mokrokum adazlzlaɓ ɓa. Mətaf Maŋgəlva, mətafwa.

Yohanna 14:23

Yesu azlanka, aɓsən na: An ɗəf aŋgluwəka, warma əpel nawa, Əbba waŋgluwa. Waməde azani, waməzaɓ təki nassa nam azani.

Yohanna 16:15

Zəga na Əbba pak nawi. Vini nənah na: Əmpəs wagəm səza an naw kawnah sukum.

Yohanna 16:32

Mula pay tay əzzani, agapək səkay, kawtəragukumi, naway pak əmbat azet zəgeɗ nani, wakəppawən takərguwa. Ya takərgu nan ɓa, vi Afən tay də ina.

Yohanna 5:23

vi ɗiy pak dəgagdakanəngən Wətən va adawgagdakanən Afəni. Ɗəf məs awgagdakan Wətən ɓa, awgagdakan Afən məs dəslən ɓa.

Yohanna 8:58

Yesu azlan sitik na: Gesiŋ gesiŋ nədawnah sukum: Tak muwani Abraham ɓa, in tatə.

Wəza net Masləŋɗe 2:23

Ndəni məs Maŋgəlva aynan də əsən nan far nappan avet ɗiy məza mahenziŋ ɓa, kəzanən də əppan sit ɗiy məza maheŋziŋ ɓa akkpa'nən aka məzliwrihe.

Roma 4:25

ndən məs məppan əmta viyit heslepeɗe namə, gəm dəsil səka əmta, vi mərahgən əssa təstəsə.

Roma 8:32

Ndən məs dərma van aka Wətən ɓa, yaŋ appan əmta ammbam pakə, an vaski na, apsəm na zəga pak dəndəne'e də mbəlembəle ɓa sa?

2Korintus 5:21

Ndən məs dəsən mambray ɓa, akkpaŋgan ka məs dəgəɗ mambray vimə, vi namə, məkkpaŋgən təstəs na Maŋgəlva addəvni.

Galatiyen 3:13

Kristu abitmək səza mefɗeke na mahenziŋ, adan akkpaŋ zəga na mefɗeke vimə, vi məverni na: Məs məlawən aka wəlaŋga pak məraygəni.

Filipi 2:6

Nan va Maŋgəlva yi asani, ya də as pak dula zən nawsla ki zən də Maŋgəlva ɓa.

Ibriɗe 13:20

Kəta Maŋgəlva afən zazaya məs dəsilgin Yesu Kristu, məzutaɗa net timiŋgiɗ metiŋgin sə walaŋgit ɗiy mimtit də mbel na wənmiyna an faɗə,

1Piyer 3:18

Vi Kristu sən kiyən amtək tel taka mək vi mambray net ɗiyi, ndən məs salala amtək viyit məs mambrayɗe vi kakukum aza Maŋgəlva. Məbayni gəɓa zəni, ya madarani addəv Əmpəsa.

1Piyer 5:4

Pay məzutaɗa an daya adazzan na, wakərəhaŋ mətərkiya an də gagdaka, məza awray ɓa.

1Yohanna 2:2

Vi ndəni dəmtə kavviyan mambray namə; ya an nami kaka' ɓa, vi an net ɗiy nammba dələv paki ye'e.

Hənhən 1:11

ətəlma na: An kədawlaŋka aver addəv ɗerewel, aslən sit gəleɗe na Maŋgəlva buhul: a Efesus, a Samirna, a Pergame, a Tiyatira, a Sardis, a Filadelfiya, də a Lawdikiya.

Hənhən 1:17

Səza nula vaska, nəzbərək ammba tələn afuŋ va məmtuwa. Yaŋ aɗi van dəzəŋ akawa amna: Kəgeslne' ɓa. Intə wətəŋ na zəga, Intə əgrak nani.

Hənhən 1:8

Daya Maŋgəlva Məzuɓappak amna: Intə ətəŋga, intə əbaymani. Ɗəf məs kakaŋka, məs lahəŋka gəm məs dədazani.

Hənhən 13:8

Ɗiy naka dəlvafuŋ pak wagagdakanəni, anet ɗiy en iya net tay məverin addəv ɗerewel na zeŋgile nat ndargayãk mətaw wəlat də ətəŋ na gabba dəlvafuŋ ɓa.

Hənhən 2:23

Gewleɗ nat na, wanəbeye, gəleɗe na Maŋgəlva pak wasənnən na intə məkoson əɗɗumo gəm makret ɗiyi. Wanəfaɗsən naway di pak va azet wəzaɗe nani.

Hənhən 21:6

Yaŋ anah su na: Agəɗək səkay grakə. Intə an daabəŋ wətəŋ nani, də an dirɓe pakə wəgrak nani. Ɗəf məs meme adaŋ pak wanəpsən iŋkile miyma na zeŋgile na mekeleŋ.