Zakarya 11:8 - Bible en Guidar

⁸ Yaŋ nəzet məzuteɗəŋge hoku aka təla taka. Maɗɗulaw dəɓəs əsan aket ɓa, net pak mekret tay akaw ɓa.

Zakarya 11:8 ပူးပေါင်းရင်းမြစ်များ

1Milyeŋge 11:25

Rezon asanək məzuseɓ net mə Israyelɗe hã ənziya egge na Salomoŋ gərakə. Mbərayən an Hadad agəɗ na: azelenək Israyel, azəmək məlĩ aka Aramə.

Gəlyaɗe 106:40

Yawe akiyək herɗe aket ɗiy nani, azelik ɗiy nawray nani.

Gəlyaɗe 5:5

Vi Maŋgəlva mənneken zən də daraw kənan ɓa; mbərayən tay anokda ɓa,

Gəlyaɗe 78:9

Zev Efrayim, tahəŋ dit gulomɗe nawhõn hara, anzoŋguk pay nalpa,

Isaya 49:7

Vaŋki Yawe Salala məzubit Israyel adawpel sən ɗəf məzeleni məs ɗiy adawlaŋ va zəga ɗarə, sən balam net məsdarawɗe: Milyeŋge wawlanni, wasilyoŋgu, ɗiy gugriɗ wappu'oŋ aka wən na moggon na Yawe Salala na Israyel məs dəwelko.

Yeremiya 12:8

Ɗiy zəganawzəmgəla nawa akkpaŋgaŋgək va ɓoolu addivit wəleŋɗe: Abayaŋgək gagay viwa. Vini neŋgliw əmpa ɓa.

Yeremiya 14:21

Vi iya noko, kəzgam ɓa, kədawla gagdak na mazaŋga na məlĩ nok va zəga ɗar ɓa. Aɗɗumon na is tat ərsla wənmiyna nok də mənamə ɓa.

Yeremiya 6:30

Dayenin na təbəz babar məzelni vi in Yawe nəzelike.

Ezekiyel 14:5

Vi wanəvok kiyit mə Israyelɗe, ndəɗaŋ məs dəkkpaŋganən mekret səkaw ammbet meŋgilveɗ net ndəɗaŋ pakəŋka.

Ezekiyel 16:45

Wətət mok kənani, ndət məs təzel zələt dit kirtət mezeŋgleketi, məlmit milmiŋgiɗuk muguluŋgit kənan məs dəzelnin zilŋgiɗit dit kirtit mezeŋgleketi. Mokum, mə Hitittə, afukum tam mə Amori yi.

Hose'a 4:6

Ɗiy naw azaŋka vi dəsənwən ɓa. Adan kəzganək əsəna, wanəzgoko, kəsok na məsdələv naw əmpa ɓa: kəzgətək ki mahenziŋ na Maŋgəlva noko, naw pak wanəzgət kiyit kirtuk mezeŋgleketi.

Hose'a 5:7

Araygənənək iya na Yawe, vi awaŋ sulomɗe; kakaŋ wəzləra na təla ama gərəm wazim də zəga an haran net pakə.

Hose'a 9:15

Mambray net pak arbanək zən a Gilgal: vi aski nəzele; aka mbərayən na wəza neti wanərɓehet siŋgil anawda, niŋgliw na əmpa ɓa; deyeɗe net pak məɓoŋtiŋgə.

Məsdəlveŋge 26:11

wanəɗi təki nassa naw awalaŋkum; nəzelkum na ɓa;

Məsdəlveŋge 26:30

Wanəzet gəleɗe-nettuyeŋge nokum, wanəzet gəla matuyaɗe na tursan nokum; wanəzget gəbayɗe nokum aket matuyaɗe sit tuyeŋge nokum gəm wanəzelkum.

Məsdəlveŋge 26:44

Mbara pay adossoŋ aka dələv net məzuzelɗe neti, nəzget ɓa, nəzel gala nawzet gəm nappan wənmiyna naw dənɗaŋ ɓa, vi intə Yawe Maŋgəlva neti.

Luka 12:50

Baptem tay nədawrəha; haya va asan su gədak hã dəknahgəni!

Luka 19:14

Ya ɗiy nan azelnənka, aslənaŋgək maslənɗe dərɓagan dawnəh na: Məŋgəm na ɗəfəs dəzəmgən məlĩ akam ɓa.

Yohanna 15:18

An dələv tay əzelkum, məsən na anaw azel daabəŋ.

Yohanna 7:7

Ənziya egge azelkum na ɓa, ya naw wazelwa, vi in tat ərban na, wəzeɗe nan mbəreytiŋ.

Əmsak aka Mahenziŋ 32:19

Yawe awlak va kirtin mezeŋgleket dit muguluŋgit amasaŋ akani yas azele.

Ibriɗe 10:38

Ɗəf naw təstəsə, də wətaf adawsan madarani. Ya an amilik dərɓe, zu asana nek dəndən ɓa.