Zakarya 11:7 - Bible en Guidar

⁷ Wanəteɗ gilew en məmanən vet adawkaŋ a təki nawtaw wəlet əŋka. Nəndək zleŋɗe sula. Niya taka na Neneke, maɓɓan tam niya na, wəslere, in ɗew əteɗ gilewi.

Zakarya 11:7 ပူးပေါင်းရင်းမြစ်များ

Gəlyaɗe 23:4

An in tat ədaw addəv guzli titir dayday na, nəgeslne' na sən zəga mbərayən ɓa, vi is tat də iyna; zleŋ nok də mikke nok tay əvayaŋ gbogboŋgo.

Gəlyaɗe 27:4

Zəga taka nədassõh ava Yawe, anan nədawkayan pikpiki: ndəni əssa addəv gəla na Yawe pay nanziya egge naw pakə, vi kawla lelew na Yawe gəm kakgət aka gəla nani.

Gəlyaɗe 90:17

Wəŋgla na Yawe Maŋgəlva nam dəsan akamə! Asɓan səm wəza na vamə, ha'aw, asɓan səm wəza na vam vani.

Isaya 11:4

Watawwən aket məssehẽŋɗe təstəsə, gəm wasan təstəs azet məzurayɗe naka dəlva. Əpel na mani, ndəni zleŋge məs adawvər dəlva, də səmyã na man adawbay məsdaraw zamə.

Isaya 40:11

Wataɗ gazlaŋ nan va məzutaɗa adawtaɗ gazlaŋ nani, waslet kirit timeŋgiɗ də vani, wambu' a makrani. Walmet timeŋgiɗ məzəweɗgitin kirtit də maɗɗula.

Isaya 61:1

Əmpəs na Daya Yawe tay akawa, vi Yawe awelwək nawka alabara nenek sit məssehẽŋɗe, aslənwək əgip mekret ɗiy məs mekkret aɓohu; vi kawtəl ma sit ɗiy en məsimgit aka wən nappeti gəm sit məfərsəneɗi, aka wən nawpilti vi kawkol sit heret deŋgerɗe, vi kawkõhgit məzuzəmaŋ sahã;

Yeremiya 39:10

Ya, səret ɗiy məddekti, məs zəga net tay ɓa, Nebuzaradan daya net məzugaŋ appetik aka dələv na Yuda yaŋ apsit guli net megezlembirkeɗi gəm gulyeŋge.

Məsdəlveŋge 27:32

Taka səddəv kəlaw na zəga mamayã, wasliya, time awaniɓa hãwã, va wənahən na zəga mamayã makəlawan məs dətoŋ dəmmba zleŋge pak na, zəga məs heslepe tay azan ɓa yi sən Yawe;

Mika 7:14

Adawgit ɗiy nok də zleŋge nawtaɗ noko, gazlaŋ net gilew na vawrayko, məs dəssoŋ derder a muyã a weleŋgit wəleŋɗe nawzəma. Dətaɗaŋ a Basan gəm aka dələv na Galad, va aka pay lahəŋka.

Sefanya 3:12

Wanəɗi ɗiy məssehẽŋɗe məddekit addəvko; wakayaŋ təki nawɗam addəv iya na Yawe.

Zakarya 11:14

Yaŋ nəŋzlu zleŋge naw masulan adawyaŋ wəslere naka, vi karsla məlma naka walaŋ Yuda də Israyel.

Zakarya 11:4

An Yawe Maŋgəlva naw anah yaŋka: «Ateɗ gilew məɗiyit ka nawtaw wəleti.

Matiye 11:5

Deŋgerɗe tay ulaŋgə, vədalɗe tay ədawaŋgə, məskokoleɗ abburoŋko, goryomɗe mərma hərzlumit tay əprəmaŋgə, ɗiy mimtit asilyoŋko, məs sahẽŋɗe tamə tay əprəmnən Wən Neneke.

Markus 12:37

Ya Davit sən kiyən ayak na Daya: Səŋga adawsan wətən əmpa di? Vanday diyɗa aprəmək əpel na Yesu də ənneke.

Yohanna 10:16

In tat dit timeŋgiɗ meɓɓeti, məs na gazlaŋgəŋkəŋ ɓa. Net pak adahək nəkigini, waprəmən wəlawa, wakkpaŋgaŋ gazlaŋ taka, məzutaɗa taka.

Yakob 2:5

Milmiŋgiɗu na makrawa, məpak sləmokum ammba wəpel nawa. Maŋgəlva awelik məssehẽŋɗe na maheret ɗiy negge dəssoŋgən məsaryeɗ də wətafa gəm nawzəmaŋ gəla na məlĩ məs aynan napsit en dəŋgluwəni.

1Samiyel 17:40

Agəmək zleŋge nan avani, alək əkme gərmeŋge lelekeɗekɗe sle' sə lolohõ, azi addəv taɓak nawtaɗ nani, nzəkkari nazani, mabəŋbəŋga nan avan kawə, ambat kalma də mə Filisti naka.

1Samiyel 17:43

Mə Filisti aɓsən Davit na: «Kəra nənan kədegən akaw də zleŋgeŋ sa?» Araygənək Davit dit meŋgilveɗ nani.