Zakarya 11:16 - Bible en Guidar

¹⁶ Vi wanəsilgən məzutaɗa maɓɓan aka dəlvəŋka: wən nan tay də an dəhhi ɓa, akayan na an dəzə ɓa; aynan na təl an dəŋgəzl ɓa; an məs petpeti, azəmgən na ɓa. Wampər slu net en məkirti, wappoŋ eperkeperke tilti.»

Zakarya 11:16 ပူးပေါင်းရင်းမြစ်များ

Va'Atəŋ 31:38

Agəɗək wəzva kaklaw sula in tat də isi, tay səret timeŋgiɗ nok, awaniɓa səret gilew nok dəlot ɗah ɓa! Nəzəm ɗah ndergeyẽɗ naret timeŋgiɗ nok ɓa.

Va'Atəŋ 33:13

Yakob azlan sən na: «Kəsənək wən net kirin tuwãhi daya nawa, in tat dit timeŋgiɗ gəm wasliɗe muhuriti, aɓapaŋ na, kawket pay taka ləŋ ɓa, kirtit wamtaŋgə.

Isaya 40:11

Wataɗ gazlaŋ nan va məzutaɗa adawtaɗ gazlaŋ nani, waslet kirit timeŋgiɗ də vani, wambu' a makrani. Walmet timeŋgiɗ məzəweɗgitin kirtit də maɗɗula.

Yeremiya 23:2

Vini Yawe Maŋgəlva na Israyel apel aka wən net məzuteɗeŋɗe məzuteɗnin ɗiy nan vaŋka: Nokum kəppetinik gilew naw ətrayaŋgə, kəzetinke, kəzgaŋ sləma aket ɓa. Naw in yakəŋ əsilyew akokum sən daraw na wəza nokum, Yawe aɗiymani.

Yeremiya 23:22

Va assoŋguk addəv əsəɓ nawa, əpel naw adaprəmanən sit ɗiy nawa; wamndegetin səka tive mbərayən neti, gəm səka əɗɗa mbərayən neti.

Ezekiyel 34:10

An Daya Yawe anah yaŋka: In yakəŋ əzzaw aket məzuteɗeŋɗeŋki, wanəkeyet gilew naw kawtefit səveti, wanəziwgən wətaɗ neti, aɓapaŋ na ətaɗ kiyzit əmpa ɓa; wanəmõh gilew naw sə meti, adakkpaŋgaŋ ka wəzəm net əmpa ɓa.

Ezekiyel 34:16

An dəzə, wanəkayani; an dəgohu, wanəmndagani; məs tələn dəŋgəzlə, waniynani; məs gbəgba'a, wanəsɓani. Zəga mamayãn məkərən də an gbusgbus hara na, wanəzani; wanəteɗ va an dəslə.»

Ezekiyel 34:21

Vini kədawsleŋgitin də təkzlumkum gəm də kiyvokum, də mohõkum kədawbeynin en dəddakaŋ pakə, hã gabbet zləɗzləɗ appaka.

Daniyel 11:36

Məlĩ wagəɗ va makran aŋgələ. Wagagdakan zəni gəm wawla zən va adayək ki zəga adawyaŋ maŋgəlva pakə. Wapel na əku aka Maŋgəlva net meŋgilveɗi, warah gagdak hã gap pay Maŋgəlva adarban ədagədəv nani, vi an aziwgin pak wagəɗə.

Yohanna 10:1

Yaŋ Yesu amna: Gesiŋ gesiŋ nədawnah sukum: Ɗəf an dəpeŋ də təki maɓɓani, atoŋ a gazlaŋ net timiŋgiɗ məza kəla maddamba ɓa, nan mahãlay, məvoŋtive yi.