Zakarya 10:6 - Bible en Guidar

⁶ Wanəɓɓəlet ɗiy na Yuda, wanəkõhgən gəla na Yosef. Wanəzi də gəla, vi wanula sasẽhti, wassoŋ va nəzget ɗah ɓa, vi Yawe Maŋgəlva net nani, wanəzlan a meti.

Zakarya 10:6 ပူးပေါင်းရင်းမြစ်များ

Gəlyaɗe 89:21

Nərəhək Davit gawla nawa, də mẽl salala naw nəpesle.

Isaya 11:12

Waslan gabaga narban dəlva wakkelet en mərɓehit sə Israyel gəm kakkelet en mətrayet na Yuda wakkelet sə tapaslay poɗogən na dələv pakə.

Isaya 14:1

Ha'aw Daya wawla sasah Yuda, wamsak əwel Israyel əmpa. Wamndeget ɗiy nan aka dələv neti, molhõyẽɗ wasapaŋ azeti gəm kawsapaŋ azet ɗiy na Yuda.

Isaya 41:10

Kəgeslne ɓa, vi in tat də isi. Kədassok horok kilili ɓa, vi intə Maŋgəlva noko, nəsɓokuko, ha'aw, nədek kabbah suko, wanəpa'uk də va dəzəŋ na təstəs nawa.

Isaya 54:4

Kəgeslne ɓa, karbəsuki wil ɓa, Kəzlzlaɓ ɓa, wil adukun ɓa, wakəzgət ki ərba wil nok naka gore, kəɗɗumon na ərba wil nok nassa gagəbay əmpa ɓa.

Isaya 54:8

Səza ədagədəv naw asan vakvakə, nəɗaman sukuk haraw vi pay siɗikke, sən moggon naw pay pak naka nəwələk sahã akoko. Vas Yawe məzubituk anahə.

Yeremiya 23:6

Aka pay nani, Yuda wakõhu, Israyel wasan kiyən foŋgo. Iya an adawyanən yaŋka: Yawe yi təstəs namə.

Yeremiya 3:18

Pay nan dəpaska, ɗiy na Yuda wasapaŋ azet ɗiy na Israyel, wamilyoŋ matak səka dələv na disiŋ aka dələv məs nəpsit efiŋgiɗkum ka neti.

Yeremiya 30:18

Vaŋ Yawe anahə: Inyakəŋ kawzaɓan wən net gizlirkeɗe na Yakob, wanəwəl sãhã aket daŋglaɗe nani. Karkani walaŋgəla-metiŋ a gəlan an lahəŋka, kawɗiyni gəla gboloŋgboloŋ a gəlan an farə.

Yeremiya 30:20

Kirtin wassoŋ va lahəŋka, əsap net ɗiy nan wasan abaw ɓəlɓələ wanəsil aket məzusərnən met pakə.

Yeremiya 31:1

Pay dəpas na, wanəsaw Maŋgəlva net mahəlfaɗe na Israyel pakə, net tamə, wassoŋ ɗiy nawa Yawe aɗiymani.

Yeremiya 31:20

Efrayim, wətu an na makrawi sa? Wətu an nəŋgəl dayi hara nəpelgən akan nəɗɗum əɗɗum akan əmpa sa? Vini makraw adaɗɗa birbir vini, ulasãh na, nulak sasãhni. Yawe aɗiymani.

Yeremiya 31:31

Pay tay əzzani Yawe aɗiymani, wanəziwgin wənmiyna meleketen dit ɗiy na Israyel gəm dit ɗiy na Yuda.

Ezekiyel 36:11

Wanəwet ɗiy dit zəgeɗ memeyẽɗ akokum; wassoŋ diyɗa, wawaŋgə, wanəkkpaŋgokum hõyõ'hõyõ' va lahəŋka, wanəpsukum ərəh day ki lahəŋka; wakəsənnən na, intə Yawe.

Ezekiyel 36:37

Vaŋ Daya Yawe anahə: An nədaɗɗa yaŋ əmpa: wanəppan zu mə Israyelɗe dəkayawəngən vi kaɗɗa an aŋglaŋgə, wanəwet diyɗa va gilewi.

Ezekiyel 37:16

«Isi, wətən ɗəfa, agəm wəlaŋga sloprokko taka, aver akan na: Na Yuda gəm net mə Israyelɗe məs dəsapaŋ dəndəni. Agəm wəlaŋga sloprokko maɓɓan taka, aver akan na: Na Yosef vas na Efrayim gəm mə Israyelɗe dəwənnet pak dəsapaŋ dəndəni.

Ezekiyel 39:25

Vini yi, an Daya Yawe anah yaŋka: Kakaŋ wanəzaɓan wən na Yakob, wanəwəl sãhã aket mə Israyelɗe baymeti, wanərban kotorok vi iya naw salala.

Hose'a 1:7

Gəla na Yuda hara na, wanula sasãhni, wanəkõhgən də va Yawe Maŋgəlva nani; də bile yi nədawkõhgən ɓa, də masalam ɓa, wəlpa ɓa, dit pilseŋge ɓa, dit məŋkoroŋ pilseŋge ɓa.»

Hose'a 14:9

Miy naw azet zəgeɗ dəgilyoŋ va meŋgilveɗ əmpa di Efrayim? In nəzlani, ətaɗən. In tat məndufu va wəleŋɗe lelewɗe, səzaw uwa nok adazzani.

Hose'a 2:23

Yawe aɗiyman na: aka pay nan na, wanəzlan sən disiŋ aka wəray nani, disiŋ wazlan sən dəlvafuŋ aka wəray nani.

Obadya 1:18

Kirtin Yakob wassoŋ va offo kirtin Yosef wassoŋ va hərzləm offo, ya kirtin Esaw wassoŋ va tərɗa, wazletini, wazetin kuɗupu, məza mbəkaŋ ɗəf madaran tətaka na Esaw ɓa. Vi Yawe dəpeli.

Mika 4:13

Asil arga haya, Yerusalem! Vi wanəkkpaŋgan mohok va təbza gəm eperkeperke nok va təbəz pepreŋge. Wakəsər ɗiy diyɗa. Wanəzan zəga nawrəh na ma wəgay net də iya na Yawe gəm kawɗi arya net sən Yawe na dələv pakə.

Mika 4:6

Pay nan dəpaska, Yawe aɗiyman na, wanəkkelet vədalɗe wanəmndeget ɗiy məɓɓehti, gəm ɗiy en nəzəmgit sahã.

Mika 5:3

Wasili, wateɗ timeŋgiɗ nan də gbogboŋ na Yawe, də gagdak na iya na Yawe Maŋgəlva nani. Wassoŋ zay vi kawsənni mẽmẽtiŋ nan hã gap meŋge na dəlvafuŋ.

Mika 5:8

Aslan vok aket məzuzelɗe noko, məzuseɓɗe nok pak dəmtaŋgə!

Mika 7:16

Ɗiy wawlanəni, wil wade də gurom net dayday. Wasukun vet a meti sləmet wasuku.

Zakarya 1:16

Vini Yawe anah na: Wanəmndaw aza Yerusalem də ula sasãhni, Karkani Gəla naw adak əmpa, Yawe Məzuɓappak aɗiymani. Kawpakni helege aka Yerusalem.»

Zakarya 10:12

Wanəkkpeŋget məs mekret də iya na Yawe, aka iya nan adawdawaŋgə, Yawe aɗiymani.

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Zakarya 8:11

Ya kakaŋ na, nəsaw na va lahəŋ də madembirgit ɗiyiŋ ɓa, Yawe Məzuɓappak aɗiymani.

Zakarya 9:16

Yawe Maŋgəlva net wakõhgit ɗiy nan dəpas va məzutaɗa dit gilew nani. Siɗek va gərmeŋge na sləma, vas adawiɗeŋ aka dələv nani.