Zakarya 10:4 - Bible en Guidar

⁴ Səzan gərəm naka ədoɗ na gəla, məpyoko nampa gizlirke, bəle nawgaya, səzani deyeɗe adawgilyoŋ aka mataka.

Zakarya 10:4 ပူးပေါင်းရင်းမြစ်များ

Va'Atəŋ 49:24

ya bəle nan asanək ŋgəreŋ ŋgəreŋgi van dit kirtin van tahəŋ əɗɗaŋ wəza petpeti. Də gbogboŋ na Maŋgəlva Məzuɓappak na Yakob, də iya na Məzutaɗa, Gərəm na Israyel,

Ezra 9:8

Ya kakaŋ na, mbəlembəle na Yawe Maŋgəlva nam tay pay siɗɗike vimə, apamə madaram mənam madambərgəm məkõhəm, də wəpsəm təki siɗɗike a təki salala nani; vaski Maŋgəlva namə, akol səm haram bodoŋgu, gəm apam madaram pay siɗikke aka balam namə.

Gəlyaɗe 118:22

Gərəm məs mərkaŋ gəla azgaŋgə akkpaŋgək gərəm kiwən naka bezler.

Isaya 19:13

Deyeɗe na Sowan kiyit tay kpak ɓa, məmaketi deyeɗe na Memfis tay əzanən Eziptə ndəɗaŋ dədəkeɗ net mahəlfaɗe nani.

Isaya 28:16

Vini Daya, Yawe anah na: «Nəɗiyək gabba gəla a Siyon addəvən na nəɗiyək gərma, gərəm məwele na bezler məmpan ɓəlɓələ. Ɗəf an dəges azani, zəga tay naɓlan ɓa.»

Isaya 49:2

Aɗɗak maw va masalam hoɓhoɓu aɗamawək də əɗup van akawa. Akkpaŋgawək va har mətakaɗ mani, aɗɗamawək addəv gulom nani.

Isaya 54:16

Awle, intə nəzəməɗ mənzla məzufu' slay offo vi kawzaɓ zəgeɗ nawgay va aza wəza nani. Intə'e nəzəməɗ ɗəf nawraygiti, nawzeti.

Yeremiya 1:18

Nəɗikuk dəpaŋ va walaŋgəla na korgu, va dədəka na təbza, gəm zlava na təbəz pepreŋge, aka dələv pakə, gəm abet milyeŋge na Yuda, abet deyeɗe, məsdəlveŋge gəm abet ɗiy naka dəlva.

Yeremiya 51:20

Istə gədəma avawa, gulom nawgaya. Nəgəmuk avawa, nətiɓ ɗiy dənduko gəm nəzet milyeŋge.

Zakarya 9:10

Wanəzan mawta nawgay sə Efrayim, pilseŋge sə Yerusalem, kawzani bəle nalpa, wapel wən zazay sit dəlveŋge. Məlĩ nan wasil sə pehe hã gap a pehe maɓɓani, gəm sə məlpa metiŋ gap aka dələv abaymani.

Zakarya 9:8

Wanəɗi dibirgidik naw aza gəla nawa, kawga kawtak məzutoŋ də an dədamnda ətoŋgo; məzusər met tay nawrəŋgit dawtoŋ əmpa ɓa, vi kakaŋ nulak də harawa.

Əŋɗa 24:17

In tat ulani, ya naɗɗa gəgaŋki ɓa hara; in tat əsəŋgləkani, məza azan go'o ɓa: ŋgərzla agilik səza Yakob, zleŋge na məlĩ arɗiyək sə Israyel, ndən dəŋgrof kolmboŋ Mo'ab, azetik kirtin Set beymeti.

Matiye 9:38

Məkkaman Afən əbəl kana vi dəsləngən məɗɗaŋ wəza a təki əbəl nani.

Luka 20:17

Ya Yesu awleke amna: Mbar an məverinəŋ aŋgəl ənah di? Gərəm məs mərkaŋ gəla azgaŋgə akkpaŋgək gərəm kiwən naka bezler.

Efesus 2:20

Mərkukumi aka gabba gəla məs məɗiyən dit maslənɗe gəm məskəleŋɗe, Yesu Kristu zək nani gərəm na bezler.

2Timote 2:4

Ɗəf tay məzəɗɗa wəza na məzəlpa nawgəgrəŋgan kiyən dit zəgeɗ nanziya egge ɓa, vi kanneken zə daya nan məs dətoŋgən aka wəza.

1Piyer 2:6

Vi tay məpelin addəv Əver na: «Awle in tat əɗi gərəm na bezler a Siyon adaka, məwele iyi gəm na sləma diyɗa, ɗəf dəɗi ətaf nan akani, sessel wil adanən na ɓa.»

Hənhən 17:14

Walpaŋ dət Ndargayãkə, Ndargayãk watəska wəleti. Vi ndəttə Daya aket deyeɗe, gəm Məlĩ aket məlyeŋge, dəndəta, ɗiy nat məs məyeti, məwelti dəɗiyən kiyit akat waskaŋ wəla'e.

1Samiyel 14:38

Yaŋ Sawlu amna: «Məzar aŋka, mənokum deyeɗe net ɗiy pakə, məkosson lewlewi, mambray miy dəgəɗ dəpaŋ di?