Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zakarya 1:6 - Bible en Guidar

6 Wəpel nawa dit mahenziŋɗe naw en nəɗi sit wən nan sit gewleɗ naw məskəleŋɗe, dəgepnin efiŋgiɗkum ɓa sa? Yaŋ amilyoŋ anahaŋ na: Vaski Yawe Məzuɓappak aziwgin wən nan nawgəɗ səm va tive namə gəm va wəza namə, vas vani agəɗ səmə.»

အခန်းကိုကြည့်ပါ။ ကော်ပီ




Zakarya 1:6
46 ပူးပေါင်းရင်းမြစ်များ  

Aŋki əpel na Yawe, anah sən Yehu, dawnəh na: «Kirtuk wassoŋ aka məlĩ na Israyel gap sayit poɗo.» Agəɗək vaska.


Məmil ɗa! Kəssoŋ addəv uwawən ɓa məmil əmpa, in tat addəv təstəs nawa.


Əŋɗa net məsənaŋ bəle na Kedar siɗikke dədammbraŋgə. Vaski Daya, Maŋgəlva na Israyel dəpeli.


Nəziwik aka əpel na gawla nawa, nəɗɗak an maslənɗe naw aɗɗumongu. Nənahək na Yerusalem na: Waknah dit ɗiyi. Walaŋgəleɗe gugriɗ na Yuda na: karketi yi. Kawsilgini əɓzla nani.


Mənokum, məs meme adawdaŋgə, mide a met iŋkile, ɗəf məs dala tay avan ɓa zlaŋgə! Mide məlbahə, məzəmə! Mide məlbah na mekeleŋ, məza əfaɗ aka mbazla na megezlembirke gəm moŋvo ɓa.


Vaska'e əpel məs dəgil sə maw adawsani. Amil na azaw mekeleŋ məza dəɗɗa əŋgla naw ɓa ɓa, məza dəknahan an məs nəslən viyən ɓa ɓa.


Ədagədəv na Yawe aɓət na ɓa gap ndən gərak əkgrak əɗɗa an na makrani. Addəvit əvoŋɗe en nabe na wakəɗɗumon akan də maɗɗula.


Məsən hara na, an kəbaywənka, məsən na, mbel na ɗəf də mezlibezlibe na man kədaggbo'oŋ akokum, aka walaŋgəla-metiŋginiŋka gəm aket ɗiy nani, vi gesiŋ Yawe dəslənu azokum, ka kawpel əpeləŋ pak asləmokum.


Məskəleŋ Hananiya amtək aka əzvas aka təla mabuhuloni.


Awle məkkpotoŋ baray na dələv yeŋ əzzoŋ a walaŋgəla-metiŋgin vi kawzəmni; məpsiti walaŋgəla-metiŋ ammba vet mə Kaldiyeɗi, wabət avet məzəlpaŋ dəndən sən masalam, mayã gəm gəbaymərma. An kəpel pak agəɗka, is tat horok sekke.


«Amsak agəm ɗerewel məktəmən mbərən, aver əpel maddaabəŋ naddəv ɗerewel məktəmən madaabəŋ məs Yoyakim məlĩ na Yuda azləŋka.


Doko, kənah səngən Ebed Melek mə Etiyopi dawnəh na: An Yawe Məzuɓappak Maŋgəlva na Israyel anah yaŋka: Wanəki an nəpel aka walaŋgəlaŋka. Tatwãh nədawkiya, zazay yi ɓa, pay nan na wagəɗ koroko.


Məssoŋ məskəlkum awra vi Yawe. Məzargən gayã na mokrokum, ɗiy na Yuda dit en na Yerusalem. Vi ədagədəv naw adawgilyen va offo nzilimnzilimi, məza ɗəf namtan tay ɓa, sən zəga naɗɗa nokum na daraw.


Vaŋ Yawe Məzuɓappak Maŋgəlva na Israyel anahə: Nokum kulanənək tatwãh nəki aka Yerusalem gəm aket walaŋgəleɗe na Yuda pakə, yeŋ pay dəpaŋ kiməskiya, ɗəf tay addivit ɓa.


Ɗiy siɗikke dədawkõhoŋ səma masalam dədamndoŋ səka dələv na Eziptə aka dələv na Yuda, asna ɗiy en dəppaŋ sə Yuda məs dəɗamaŋ a Eziptə pak wasənnən na, əpel na naway dədaɗɗa di? An nawi, an neti yi.


Aŋki zəga dədarban na wanəsil akokum aŋka Yawe anahə, ka kəsənəngən na, əpel nawi dədaɗɗa akokum də əki əraya.


Ndəni herɗe naw gəm ədagədəv naw afyohoŋgu, azlenin walaŋgəleɗe na Yuda dit tiveɗ na Yerusalem akkpaŋgaŋ kiməskiya, mbəreyit va dəpaŋkəŋka.


Vi vaski Yawe Maŋgəlva Məzuɓappak anah na: Adan kəpelin əpelis na, inyakən əɗɗi əpel naw amok va offo, ɗiyiŋki net sesemeŋgə offo wazime.


Yawe yi aka təstəsə, vi nəggbakək man aka an aɗi naɗɗa. Ɗiy pakə, kamə məprəma, mula əzəmsahã nawã. Gorɗeŋge naw dit gewleɗ naw addoŋguk aka balam.


Yawe aɗɗak an aɗɗum naɗɗa, aknahanək an apel wən nani, məs aynan naɗɗa far lahəŋka: abzluwək zəga pak, məza ulasahã ɓa. Annekenik zə məzuzel nok də əray noko; esɓetik məzuseɓɗe nok akoko.


Nam na, məɓoŋko məɓɓəlanək kiymə, ya nok kəvvuyon səm ɓa.


Wakəɗɗumonən ədaw nokum dit wəzeɗe məs kərnokonən zukum dənɗaŋgəŋ pak adaka; Kəɓapən na ula aza zukum ɓa, vi wəzeɗe nokum mbəreyit məs kəɗɗaŋ pakə.


Yaŋ aɓsu na: «Wətən ɗəfa, sleŋsleŋɗeŋki, mə Israyel dəwən netiŋgə. Yeŋ tay ənahaŋ na: “Sleŋsleŋɗe nam aklaŋka, zəga na əga nam azəka, pettepete mənani.”


Məlĩ dəgrak əpel tagay ɓa, əpel adek sə disiŋ: «Mənah suki, məlĩ Nabukodonozor! Mətafni məlĩ səvoko.


Efrayim wakkpaŋ kiyməski pay nazga'a. In tat ətəlma də əssel a weleŋgit mahəlfaɗe na Israyel.


Mambray net pak arbanək zən a Gilgal: vi aski nəzele; aka mbərayən na wəza neti wanərɓehet siŋgil anawda, niŋgliw na əmpa ɓa; deyeɗe net pak məɓoŋtiŋgə.


Də masalam nədawzet məs mambrayɗe naret ɗiy nawa, ndəɗaŋ mənahaŋ na: kəki na ɓa, kəgapgən na tatwãh akam ɓa!»


Də əvoŋ kaklaw sula kiyən poɗo na təla makəlaw kiyən taka, təla nan na Sebati, aka əzva masulan na Dariyus aka məlyã, əpel na Yawe ade sən məskəleŋ Zakarya, wətən Berekiya, wətən Iddo, dawnəh na:


As na wakulanən uɗak awalaŋ ɗəf an təstəsə də məsdaraw, awalaŋ ɗəf məgeɗ sən wəza sən Maŋgəlva gəm ɗəf an awgəɗ sən ɓa.


Maŋgəlva ɗəfi ka ndən kawa wən ɓa, wətən Adam ka ndən kakkpaŋgan man ɓa, waynə wən məza əziw akan ɓa sa? Wapel məza kaɗɗan ɓa sa?


An kəɗɗanən vas ɓa hara na, mbərayən kəɗɗaŋ sən Yawe. Məsən na mbərayən nokum tay əzbokum.


Vasna, məs nəɗɗum nawgəɗ siti, wanəkkpaŋgan akokum.»


Disiŋ də dəlvafuŋ pak wagrakaŋgə, ya sessel əpel naw agrak na ɓa.


Ya an kəprəm ma Yawe Maŋgəlva nok də wəzga sləma əɗɗa wəza dit wəsəɓɗe nan temtemi gəm mahenziŋɗe nan en nədawɗi suk wən net dəpaŋkəŋ ɓa, wəray temtem net mefɗeke dədazzoŋ akok kawrumuk yeŋki:


wəzaɓ dədazzan akoko, wagapko, vi is tat əprəm ma Yawe Maŋgəlva noko:


Yawe waki əray nani, geslne də wəttap aka zəga naɗɗa na vok temtem pakə, hã gap kawzok kuɗupu, hã gap kəhhigən də kakara, vi mambray kəgəɗ kəppaw firikəŋka.


Wərayɗeŋ pak wazzoŋ akoko, wazbokuni, warufkuni gap mbo' əzokun kakãhə, adan kəprəm ma Yawe Maŋgəlva nok vi kəzbet wəsəɓɗe nani gəm mahenziŋɗe nan məs aɗi suk wən net ɓa.


Ya nokum, milmiŋgiɗwa, ara guzli kənanaŋ ɓa, ka pay nan adazzan ərəmkum girzik va məhal ɓa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ