Zakarya 1:17 - Bible en Guidar

¹⁷ Atəlma əmpa dawnəh na: An Yawe Məzuɓappak anah yaŋka: «Walaŋgəleɗe gugriɗ naw waknəhaŋ dit aryeɗ əmpa. Yawe waffeten makra Siyon əmpa, gəm wawel Yerusalem əmpa.»

Zakarya 1:17 ပူးပေါင်းရင်းမြစ်များ

2Alabaraɗe Də Mabərkiziti 6:6

Ya nəwelik Yerusalem, ka iya naw dəsangən adaka gəm nəwelik Davit dəsangən aket ɗiy naw mə Israyelɗe.”

Nehemi 11:20

Mambirgit mə Israyelɗe sap dit məsdəlveŋge gəm mə leviɗe na, net assoŋguk də gəla a walaŋgəleɗe gugriɗ na Yuda, nawaydi pak aka təki nani.

Nehemi 11:3

Deyeɗe na kivadələv en dəssoŋ də gəla a Yerusalem yeŋki. A walaŋgəleɗe gugriɗ na Yuda na: Assoŋguk də gəla naway pak aka təki nani, a walaŋgəla-metiŋ nani: Israyel, məsdəlveŋge, mə leviɗe, məɗɗaŋ wəzeɗe meɗmeɗ addəv gəla na Maŋgəlva gəm kirtit məɗɗaŋ wəza na Salomoŋ.

Gəlyaɗe 69:35

Məɗi kiyən, disiŋ, dəlvafuŋ, peheɗ dit zəgeɗ məŋgusiŋgusiŋ naddəvit pakə!

Isaya 14:1

Ha'aw Daya wawla sasah Yuda, wamsak əwel Israyel əmpa. Wamndeget ɗiy nan aka dələv neti, molhõyẽɗ wasapaŋ azeti gəm kawsapaŋ azet ɗiy na Yuda.

Isaya 44:26

Nəziwik aka əpel na gawla nawa, nəɗɗak an maslənɗe naw aɗɗumongu. Nənahək na Yerusalem na: Waknah dit ɗiyi. Walaŋgəleɗe gugriɗ na Yuda na: karketi yi. Kawsilgini əɓzla nani.

Isaya 49:13

Disiŋ anneki; anneken zuko dəlvafuŋ; mossorgoɗe gugriɗe məŋgəsl vaŋvəl nanneke, vi Yawe tay əɓitgit ɗiy nani, tay ərban ulasahã nan aket məssẽhẽŋɗe.

Isaya 51:12

Intə, intə nədaffeten sukum mokrokum, naw kənanaŋgə, vimi kədawgeslne sənən ɗəf titir namta sən ɗəf titir məs dəsan va kevile di?

Isaya 51:3

Vi Yawe waffeten makra Siyon, awələk sahã aka wəɓzla nan pakə. Wakkpaŋgan kapta-muya nan va Eden gəm muyã nan va guli net wəleŋɗe na Yawe waknah də inyã inyã gəm də wənneke əlva gəm gəlyanalva.

Isaya 52:9

Mərga vokum, məŋgəsl vaŋvəl nannek sapə mənokum əray temtem na Yerusalem! Vi Yawe affetenik makret ɗiy nani, amanək Yerusalem.

Isaya 54:8

Səza ədagədəv naw asan vakvakə, nəɗaman sukuk haraw vi pay siɗikke, sən moggon naw pay pak naka nəwələk sahã akoko. Vas Yawe məzubituk anahə.

Isaya 66:13

Va ma wiyən tədawɓətgən wətəta, vas nədawɓət gukum addəv Yerusalem!

Yeremiya 31:13

Asna gorɗeŋge wannekenin zit də əskəla, gewleɗ dit mezzeɗ pak sapə. Wanəkkpaŋgan əhəm net ka ənneke; wanəɓətgiti wanənneken sit zit sə dərɓaga əzəmsahã neti.

Yeremiya 33:13

A walaŋgəleɗe gugriɗ naggərma, walaŋgəleɗe na Bagərma, walaŋgəleɗe na dohoŋ, aka dələv na Benyamin gəm dəlveŋge dəssoŋ ki Yerusalem tərwəslə dit walaŋgəleɗe gugriɗ na Yuda, gəlew wadawaŋ kaɗkaɗ əmpa dəba məzəŋɗeti, Yawe anahə.

Yeremiya 33:9

Wakkpaŋ azaw iya na ənnek də əɗi kiya, ka zəga na gawla azet ɗiy naka dəlvafuŋ məs dədapprəmnən moggon an nəgəɗ sitiŋ pakə. Wakkereŋgi, wassoŋ gərəŋ aka wən na moggoni gəm aka wən na zazay məs nəgəɗ sit gbaŋkəŋka.

Ezekiyel 36:33

An Daya Yawe anah yaŋka: Pay nədabburkum səza heslepe nokum, wanəknih walaŋgəleɗe gugriɗ dit ɗiyi, karketi kiyməskiyɗe.

Amos 9:14

Wanəzaɓan ənziya net ɗiy naw mə Israyelɗe: Wamsakaŋ ərket walaŋgəleɗe məɓzliwti, wassoŋ addivti. Wampaŋ megezlembirkeɗi wasaŋ mbazla neti. Waɗɗaŋ guli net wəleŋɗe wazəmən uwa neti.

Obadya 1:20

Mə Israyelɗe məsimgiti, ndəɗaŋgə məzəlpaŋ narɓehetin mə Kana'anɗe hã Sarepta. Məs məsimgit sə Yerusalem, məs dəssoŋ a Sefarat, watefnin walaŋgəleɗe gugriɗ na Negev.

Zakarya 1:14

Maslay dədawpel də in nak aɓsu na: «Aslan wəloko, anah na: Vaŋ Yawe Məzuɓappak anahə: Sələh tay əɗɗəm ammba Yerusalem də Siyon. Sələh an dərwadərwa.

Zakarya 2:12

Vi an Yawe Məzuɓappak anah yaŋka: aslənu də gagdak azet dəlveŋge məs dəgəmkumən ka ərəh na mawgaya: «Vi ɗəf an dərəŋgukum pak mawyãk haran arəŋgəni.»

Zakarya 2:4

Yaŋ nəmna: «Eŋ miy azzoŋ əɗɗaŋ di?» Azlan suwa amna: «Eŋ Mohõŋɗe dətrayanən Yuda hã gap ɗəf təttaka tay dəslan kiyən a disiŋ ɓa. Məŋzleŋgeŋ azzoŋ na kawgeslne'giti, kanzlu mohẽt dəlveŋge məs dəsilgənən mohẽt aka dələv na Yuda atərayanən naka.»

Zakarya 3:2

Maslay aɓsən Məzəmkiya na: «Yawe dəslaŋguko Məzəmkiya; kəta Yawe məs dəwel Yerusalem dəslaŋguko. Ɗəf aŋ van motoffo məgdəhən səkoffo yi ɓa sa?»

Efesus 1:4

Vaski aweləm addəvən tak əzəməɗ dəlva vi məsamgən salala gəm məza də heslepe ama haran ɓa addəv əŋgla.