Zakarya 1:11 - Bible en Guidar

¹¹ Azlan sənən maslən na Yawe məs ziwwe aret silimɗe naka, aɓɗaŋ na: «Məbbalanək dəlvafuŋ, dəlvafuŋ dit ɗiy nakan, dəwənnan tay kiyən foŋgo əffete.»

Zakarya 1:11 ပူးပေါင်းရင်းမြစ်များ

Ɗerewel na Yob 1:7

Yaŋ Yawe anah sən Satan: «Səŋga kəde di?» Satan azlan sən Yawe dawnəh na: «Sə təki ətiwil əbbalan mammba dəlva.»

Gəlyaɗe 68:17

Mossorgo metiŋ məs kiyən ɓaɓayə vimi kədaɗɗa kotorok na mossorgo metiŋ məs Maŋgəlva aŋgəl nassa akan di? Maŋgəlva wasan akan faɗə.

Isaya 14:7

Dələv bayman addəv əffeti arahək zazaya, ɗiy tay ənzlaŋ vaŋvəl sən ənneke.

Daniyel 10:20

Anah su na: Kəsənək vimi nəde azok di sa? Kakaŋka wanəmsak wəgay də maslay məzuga Persiya, naw wanəgili ya maslay mezuga Gərek tay əzzani.

Zakarya 1:10

Ɗəf dəziw aret silimɗe nak azlani amna: «En məs Yawe aslən əbbalan dəlvafuŋ əŋgə.»

Zakarya 1:15

Makraw fiyõh fiyõhĩ aket dəlveŋge məs dərəhən kiyti; vi naw gədəvu siɗikke adə, ya net abbahaŋ sənənək əraya.

Zakarya 1:8

Nəwələk ɗəf aka pələs pepreŋ na dəfɗa: tay ziwwe aret silimɗe, hã addivit adaka, dərɓagan na, pilseŋge pepreŋɗe, hoyoŋko-hoyoŋko gəm babarɗe.

Zakarya 6:7

En gbogboŋɗe agilyoŋko, met aka əmbat əbbalan dəlvafuŋ. Yawe aɓsit na: «Məddoŋ məbbalan dəlvafuŋ.» Abbalanənək dəlvafuŋ.

Matiye 13:41

Wətən Ɗəf waslən maslayɗe nani, wagilgitin məskotgitin ɗiy addəv mambraya dit məs mambrayɗe pak səddəv məlĩ nani,

Matiye 13:49

Vaski adawsan pay əgrak dəlva. Maslayɗe wazzoŋgu wagohnin ɗiy mbəreyit səret en təstəsə.

Matiye 25:31

Pay Wətən Ɗəf adazzan də gagdak nan dit maslayɗe nan baymet ammbani, pay nani, wasan aka mazaŋga na məlĩ na gagdak nani.

1Tesaloniki 5:3

Pay adawnahaŋ na: Addəv zay mənani gəm fendeŋ mənani, əza wade aket mədəgirzike va daway ada waksət gulku, sessel akohoŋ na ɓa.

2Tesaloniki 1:7

Ya munokum məs məsər mokum na, wapsukum əffet sap də mənamə pay Daya Yesu adarban zən əzzan sə disiŋ dit maslayɗe na gagdak nani.

Hənhən 1:1

Ərba an Maŋgəlva arban sən Yesu Kristu: Apsən vi karban an dədaɗɗa abe sit məɗɗaŋ wəza nani. Kristu arban sənək sən Yohanna məgəɗ wəza nan də əslən maslay nan azani.