Yosuwa 10:3 - Bible en Guidar

³ Ndəni kan, Adoni-Sedek məlĩ na Yerusalem aslən ənah sit may Hoham məlĩ na Hebron, Piram məlĩ na Yarmut, Yafiya məlĩ na Lakis gəm Debir məlĩ na Eglon na:

Yosuwa 10:3 ပူးပေါင်းရင်းမြစ်များ

Va'Atəŋ 23:2

Sara təmtək aka dələv na Kana'an a Kiryat-Arba, awaniɓa Hebron. Abraham adek əɗɗa gəlabayət Sara, də wəhəmta.

Va'Atəŋ 37:14

Aɓsən na: «Doko kamə awle mbar milmiŋgiɗuk vet gəm gilew assoŋ di, kəkiy səmgən wən nani.» Aslən sə təki məpəlayya na Hebron ade a Sikem.

2Samiyel 2:11

Ənziya na Davit aka məlĩ aka Yuda, a Hebron agəɗək əzva buhul də təla sləre.

2Milyeŋge 18:14

Hizkiya məlĩ na Yuda slən aza məlĩ na Asiri a Lakis, dawnəh na: «Nəraygənəka. Kəde wəgay də in ɓa; an kədawɗi su pak wanəslani.» Məlĩ na Asiri aɗi an nawfaɗgən Hizkiya, təbəz babar kilo gabal vaytak, meleŋge kilo səkat vaytakə.

2Milyeŋge 18:17

Sə Lakis, məlĩ na Asiri aslən daya net məzəlpaŋgə, daya na dibirgidik də daya net məpsənən zəga nawsa aza məlĩ Hizkiya dit məzəlpaŋ diyɗa a Yerusalem. Apeŋgeŋ azzoŋ a Yerusalem. Apeŋgeŋ agapaŋ a mahara gəla, yaŋ aziweŋ ama tive na maha net iŋkile na disiŋ, aka tive nawmbat a guli na mənɗer gabaga.

2Alabaraɗe Də Mabərkiziti 11:9

Adorayim, Lakis, Azeka,

Yeremiya 34:7

gala məzəlpaŋ na məlĩ na Babilon awaksənən Yerusalem də əlpa gəm dit walaŋgəleɗe gugriɗ na Yuda en dəppaŋ əgay dənɗaŋ pakə: Lakis gəm Azeka, vi ndəɗaŋgə dəppaŋ səret walaŋgəleɗe gugriɗ na Yuda en na korgu.

Mika 1:13

Ɗiy na Lakis, mətok mawteɗ ammbet pilseŋge nokum. Vi siskey suwer mambray na Yerusalem, vi anokda mərəh əɓoŋ na Israyel.

Əŋɗa 13:22

Kəla Negev apeŋgeŋgi, agapaŋ hã a Hebron a təki məs Ahiman, Sesay, gəm Talmay zeŋvit mə Anakɗe assoŋ də gəla. Hebron van wəzva buhul daabəŋ ki Sowan na Eziptə məmpani

Yosuwa 10:1

Mbaraka Adoni-Sedek, məlĩ na Yerusalem, aprəmək na, Yosuwa azəmək Ay, abeyinik ɗiy pakə, aɗɗak an agəɗ sən Yeriko də məlĩ nan sən Ay van də məlĩ nani, may na, ɗiy na Gabawən aslereŋgik dit mə Israyelɗe, tahəŋ də gəla a weleŋti.

Yosuwa 10:23

Aɗɗanənək vaska, agilgitinik milyeŋge sle' nek sə bətəŋ, akensənəni: məlĩ na Yerusalem, məlĩ na Hebron, məlĩ na Yarmut, məlĩ na Lakis gəm məlĩ na Eglon.

Yosuwa 10:34

Siske Yosuwa ambat sap dit mə Israyelɗe beymet sə Lakis a Eglon, asərŋgəslnəni, awaksənən də wəlpa.

Yosuwa 10:5

Asapaŋ kan ndəɗaŋ milyeŋge mə Amorɗe sle', məlĩ na Yerusalem, məlĩ na Hebron, məlĩ na Yarmut, məlĩ na Lakis gəm məlĩ na Eglon, apeŋgeŋ dit vandayɗe net azinən dibirgidik net heret sek aka Gabawən, alpaŋ dəndəni.

Yosuwa 14:15

Iya na Hebron van lahəŋ na, Kiryat-Arba, Arba van lahəŋ na, ndəni ɗəf məs də sləman day sə weleŋgit mə Anakɗe. Siske na, dələv affetik məza wəgay ɓa.

Yosuwa 15:54

Humeta, Kiryat-Arba, məs adawyaŋ na Hebron, gəm Si'or, walaŋgəleɗe gugriɗ vaytak dit memeɗeŋɗe neti.

Yosuwa 15:63

Mə Yebusɗe məs dəssoŋ də gəla a Yerusalem na, kirtin Yuda dəɓapnən ərɓehet ɓa. Mə Yebusɗe vet tahəŋ də gəla a Yerusalem adak sap dit kirtin Yuda hã pay dəpaŋka.

Yosuwa 18:28

Sela, Elef, walaŋgəla-metiŋ net mə Yebusɗe, va ənah na Yerusalem, Gibeya gəm Kiriyat, sap walaŋgəleɗe kəlaw kiyit poɗo dit walaŋgəleɗe memeɗeŋɗe neti. Aski hara dələv na zev Benyamin aza məlma na ziti.