Yonas 1:3 - Bible en Guidar

³ Yas Yonas asil, vi kanzan a Tarsis, faraɗa səba Yawe. Ambatək a Yaffa, arahək bəlay məzəddan a Tarsis, afaɗək gəlan, vi kaddan dit ɗiy na bəlayəŋ əɗam faraɗa sə mahara Yawe.

Yonas 1:3 ပူးပေါင်းရင်းမြစ်များ

Va'Atəŋ 3:8

Yaŋ aprəmənən ɓaɓəlma Yawe Maŋgəlva, dabbalan guli moskoy təki zayə. Ɗəf dət ɗak nak aɗamaŋgək sə ma hara Yawe Maŋgəlva a weleŋgit wəleŋɗe na guliyo.

Va'Atəŋ 4:16

Yaŋ Kayin azar səba Yawe, alək əsan aka dələv na Nod kəlammba pay nampum na Eden.

1Milyeŋge 19:3

Adan awla vaska, ndən le' tek kawkõhgən zeŋgileni; pay a Ber-Seba, aka va na Yuda, ndən mbəgən gawla nani.

1Milyeŋge 19:9

Ndən pay toŋ a bətəŋ adaka, ndən kim adaka. Əpel na Yawe yaŋ azani, aɓsən na: «Miy nok aŋ di Eliya?»

2Alabaraɗe Də Mabərkiziti 2:15

Nam waməbəl wəleŋɗe məs wərayuk azet pak səggərəm na Liban, waminet kazget aket iŋkile a pehe, kawkesuk ɗaŋgarra hã a Yaffa. Sədak na wakəɓap əket a Yerusalem.»

2Alabaraɗe Də Mabərkiziti 2:16

Salomoŋ aŋɗetik melekeɗ məs dəssoŋ aka dələv na Israyel baymet, va Davit afən aŋɗeti, vasna, ɗiy vet tahəŋ gabal səkat də kaklaw sle' kiyit hoku də səkat sləre.

2Alabaraɗe Də Mabərkiziti 9:21

Məlĩ tay dit bəlayɗe məzəddoŋ a Tarsis dit gewleɗ na Huram. A ma əzva hoku pak, bəlayɗe vet əzzoŋ sə Tarsis də meleŋge, təbəz babara, gozlobekne, bəryeŋge may doloŋgozoyɗe addivti.

Ezra 3:7

Dərɓagan na, apsitinik koɓeɗ sit məzəslmaŋ gərmeŋɗe, gəm sit məkpa'aŋ gəla, də zəga nawzəm gəm nawsa, may mẽl sit mə Sidonɗe dit mə Tirɗe, dəkiningin wəleŋɗe na muguguleɗ kəla pehe sə Liban a Yaffa, va Sirus, məlĩ na Persiya apəl sit tive.

Ɗerewel na Yob 1:12

Yawe anah sən Satan nak na: «Awle, zəga an navan pak ammba voki, kədaslan vok akan anan ɓa kaka'e.» Siske na Satan vit səza Yawe.

Ɗerewel na Yob 2:7

Ndəni Satan nak agil səza Yawe, argak Yob də yoro, təŋ səza gədəv tələn hã gap aka dadwar kiyən.

Gəlyaɗe 107:23

Məzumbataŋ aka pehe dit bəlayɗe, məzəɗɗaŋ wəza net aket iŋkile gugriɗe,

Isaya 2:16

wasil sit bəlayɗe na Tarsis pakə dit bəlayɗe en na sləma pakə.

Isaya 23:1

Əpel aka Tir. Bəlayɗe na Tarsis, məɓuh mokum, vi zəga pak azəka, gəla tay dəpəl ɓa. Dawmilye sə Kitim wən van arbə azeti.

Isaya 23:10

Anse guli noko Tarsis, vi təki nawziwgit bəlayɗe tay əmpa ɓa.

Isaya 23:6

Məkkaɗ hã a Tarsis, məɓuh mokum, mənokum ɗiy na ma pehe.

Isaya 60:9

Ɗiy en ɓa' sə mətuwəra aɗiyənək əɗɗum net akawa, bəlayɗe na Tarsis əŋ abe vi kawmilgit kirtuk sə faraɗa də təbəz babar gəm meleŋge neti vi kawgagdakan Yawe Maŋgəlva noko, vi Salala na Israyeli dəpsuk gagdaka.

Yeremiya 10:9

Təbəz babar məbayən məkiyən sə Tarsis, gəm də meleŋge dəde sə Ufaz. Wəza na məŋzlay gəm na məhəs zəgaŋ. Mugulsit lukutɗe pepreŋɗe gəm va əffiyo na muŋgus baymet pak wəza net ɗiy məs kokoneɗiŋ.

Ezekiyel 2:8

«Is wətən ɗəfa, aprəm an nədawnah suko, kədassok məɓoŋguk va zeŋvit ɗiy məɓoŋtiŋ ɓa, akol moko, azəm an nədapsuko.»

Ezekiyel 27:12

Tarsis tay əman van də isi sən arya nok diyɗaŋka: təbəz babara, təbəz titire, way təbza gəm pəlu movoto adawkaŋ addivit lumiɗ nok kalbih zəgeɗ noko.

Ezekiyel 3:14

Yaŋ Əmpəs asilguwa, mah əkuwa; makraw səkəkə, gədəvu mədani. Ya va Yawe armuwək ɓəlɓələ.

Yonas 1:10

Ndəni aboton sit wən nani. Səza məŋkoroŋ bəlay asənnən na səba Yawe adanzani, geslne armek sawɓa. Anah sənən na: «Miy kəgəɗəŋ di?

Yonas 4:2

Akkamanək Yawe, amna: «Ha'aw! Yawe aski nədawnah pay nəsaw aka dələv naw ɓa sa? Vini nəgəm zu nənzaw a Tarsis. Vi nəsənka Maŋgəlva məs mbəlembəle də moggon kənani, kada gədəv go' go' ɓa, moggon nok diyɗay sawɓa, ya məsla zuk kənan naffeten mokrok səka əɗɗa mbərayən.

Luka 9:62

Yesu aɓsən na: ɗəf awan di pak dəɗi van aka bardaw, yaŋ adawla dirɓe, dəslə aza məlĩ na Maŋgəlva ɓa.

Wəza net Masləŋɗe 15:38

Ya Pol dəŋgəm əgəm ɗəf məs dəppet sə Pamfili gəm dəzbet addəv wəza net ɓa ɓa.

Wəza net Masləŋɗe 26:19

Vi vaski məlĩ Agrippa, nəɓoŋ sən ula dəde sə disiŋ ɓa.

Wəza net Masləŋɗe 9:36

A Yoppe, məzutafək tatə, iya nat na Tabita, va ənəh na, Mune; tat əɗɗa wəzeɗe mogget diyɗa gəm məwəl sahã tə.

Wəza net Masləŋɗe 9:38

Adan Lidda go'oy də Yoppe, məzutafaŋ aprəmənək na Piyer tay adaka, aslənaŋ zel sula əkkaman na: Agəm zuko, ade anamda ɗa.

Wəza net Masləŋɗe 9:42

Alabara nan atrayək a Yoppe pakə, ɗiy diyɗa atafənək Daya.

Wəza net Masləŋɗe 9:43

Piyer avoŋguk diyɗa a Yoppe a na Simoŋ milmis gəba da.

1Korintus 9:16

Vi ərban Alabara Nenek na əkaɓi azaw ɓa, zəga an də wərayi məɗi suw vavyak nani; ərayi azawa an in tat ərban Alabara Nenek ɓa.

2Tesaloniki 1:9

Əzga' an adawrahaŋ na, əza hã faɗi, faraɗa sə ma hara Daya gəm faraɗa səza gagdak na gbogboŋ nani,

Yosuwa 19:46

iŋkile na Yarkon, Rakkon, gəm dələv an sulək ki Yaffa.