Yo'el 3:2 - Bible en Guidar

² Pay nan na, wanətərayan Əmpəs naw aket məɗɗaŋ wəza mezeŋgleket dit muguluŋgit daydayə.

Yo'el 3:2 ပူးပေါင်းရင်းမြစ်များ

2Alabaraɗe Də Mabərkiziti 20:26

Aka əvoŋ mapoɗon na, ndəɗaŋ zit kakalgən a walaŋ na Əzaɓa, adaki afeteŋ aka Yawe. Ndəni ayanən təki vanəs na walaŋ na Əzaɓa hã pay dəpaŋka.

Isaya 66:16

Vi addəv offo gəm də masalam Yawe adatawwən aka ɗəf pakə. Ɗiy en adawbay wassoŋ diyɗa.

Isaya 66:18

Nəsənək wəza gəm əɗɗum neti, pay naw agapək nakkelet mahəlfa net ɗiy pakə. An azzoŋko, wawlanən gagdak nawa.

Yeremiya 12:14

Aŋki an Yawe anah aket meggeŋgiɗu mbəreyit pakə, en məzurəŋgənən zəganawzəmgəla naw məs nipsit ɗiy naw ka neti: sən Israyel. In yakəŋ əptiwit səka dələv neti, wanəptiw ɗiy na Yuda səweleŋti.

Yeremiya 25:31

Vaŋvəl nan tay əgap a təki dələv abaymani Vi Yawe tay ətawwən aket ɗiy nani, tay ətoŋ ətawwən dit ɗiy pakə. Tay əppet məs mambrayɗe ama masalam. Yawe aɗiymani.

Yeremiya 49:1

Aka wən net mə Ammonɗe na, vaŋ Yawe anahə: Zeŋvin Israyel tay ɓa sa? Məzəm gəla nan tay ɓa sa? Vimi məlĩ net mə Ammon amõh Gad may ɗiy nan assoŋ də gəla a walaŋgəleɗe gugriɗ nan di?

Yeremiya 50:17

Israyel na, time məzani ɓooliɗ arɓahnənka. Ɗəf dəmpər daabəŋ na, məlĩ na Asiri yi. Sisske na Nabukodonozor məlĩ na Babilon məs dəŋgrofet slesleŋɗe nani.

Ezekiyel 25:8

Vaŋ Daya Yawe anahə: «Vi Mo'ab də Se'ir aɓɗaŋ na: Yaŋ na ɗiy na Yuda tahəŋ va ɗiy-ɗar pakə.»

Ezekiyel 34:6

Gazlaŋ net gilew naw atərayək aket mossorgoɗe gugriɗ pak gəm aket mossorgoɗe pakə; gazlaŋ net gilew naw atərayək aka dələv dəwənnani, ɗəf tay nawkeyet ɓa, ɗəf tay dədaddan əkeyet ɓa.

Ezekiyel 35:10

Vi kənahək na: “Vanday naket dəlveŋge na guw sula gəm dəlveŋge suleŋ wassoŋ suwəni, wanəgim ka nawa,” ya mbara na Yawe tay aŋka.

Ezekiyel 36:1

«Anoko wətən ɗəfa, agəɗ kəleŋ aket mossorgoɗe gugriɗ na Israyel; kənahgən na: Mossorgoɗe gugriɗ na Israyel, məprəm əpel na Yawe.

Ezekiyel 36:5

Vini, an Daya Yawe anah yaŋka: Sessel də kotorok naw vakvak nədawpel aket dəlveŋge na guw meɓɓeti, gəm aka Edom dəwənnani, vi atakənək dələv nawa. Də ənnek a mekreti gəm əzel sə mekret gərakə, vi kappohon təki nawtaɗ nani.

Ezekiyel 38:22

Wanətawwən akan də gəbaymərma gəm dit mbeli; wanəzi buwən məvekeveke, ɓeɓrezle va gərmeŋge, offo gəm busuk akani, gəm aka dula nani gəm aket ɗiy diyɗa dəssoŋ dəndəni.

Ezekiyel 39:11

Pay dəpas na, wanəpsən təki na magamas sən Gog a Israyel adaka, walaŋ net məzutoŋgoŋ ammba pay nampum na pehe, watek məzutoŋgoŋgu. Kawndəkni Gog adak də dula nan pakə, kawyani na, walaŋ na dula na Gog.

Amos 1:11

An Yawe apel yaŋka: «Aka əɓoŋ an ɗiy na Edom aɓoŋgoŋ təl hoku gəm aka əɓoŋ poɗo, nəppan na wən an nəziwgin ɓa, vi arɓahanək məlmən də masalam appanək ulasahã nani arbanək ədagədəv nan məza agrak ɓa. Asanək dit herɗe nan məza meŋge ɓa.

Mika 4:12

Net dəsənən əɗɗum na Yawe ɓa, dəprəmnən an aziwgin nakkelet va maŋgav a kelleŋ ɓa.

Sefanya 3:8

Ya vasna, məguwa Yawe aɗiymani. Məgu pay nədawsilyaw ammba zəga nawrəh səma əgaya! Wətawwən naw wasan nawzet dəlveŋge pakə, nawsepet milyeŋge a təki taka, kawki herɗe naw gəm ədagədəv naw vakvak pak aketi, vi dəlvafuŋ bayman wazlə akoffo na kotorok nawa.

Hənhən 11:18

Ɗiy adaŋgək gədəva ya ədagədəv nok dədarban zəni. Pay nawtawwən aket ɗiy mimtit agapka, pay nawrəh zəga na vet məɗɗaŋ wəza nok məskəleŋɗe, ɗiy salala, gəm en məzugeslne'eŋ sənən iya noki yi, muzliya də ɗəf metiŋgin pakə, pay an nawzet ɗiy en dədawraygənən dəlvafuŋgi yi.

Hənhən 16:14

Es vet əmpəsɗe dəzzoŋ səza Satan əŋgə. Tay əɗɗaŋ sekeneɗi gəm əddoŋ azet məlyeŋge nammba dələv gboŋgu, kakelet kaɗɗa əlpa də pay metiŋgin na məlĩ Maŋgəlva.

Hənhən 16:16

Əmpəsɗe vet akkeletinik a təki məs adawyaŋ də ma Ibriɗ na Harmagedon.

Hənhən 16:6

Adan agbo'inik mbel net ɗiy na Maŋgəlva, dit mbel net məskəleŋɗe, mbeli'e kəpsit ka nawsa. Aslə sitike!

Hənhən 20:8

Wambat əmbəɗet ɗiy səka tapaslay pay poɗo na dəlvafuŋ pakə, va wənah na: Gog də Magog. Satan wakkeleti kawgaya, wassoŋ diyɗa va hoyoŋko a məlpa.