Yo'el 2:26 - Bible en Guidar

²⁶ Wakəzəmaŋ əzəm kpe'i, wakəɗiynən ki Yawe Maŋgəlva nokum, məs dəgəɗ sekene vikum. Ɗiy naw asənən na zəga ərba wil ɓa ha faɗə.

Yo'el 2:26 ပူးပေါင်းရင်းမြစ်များ

Va'Atəŋ 33:11

ataf wəzaɓ naw an nəki suko, kamə vi Maŋgəlva yi dəboru apsuwa; vi an na wərayu pak tay.» Yakob ampak tələn azan təkə, Esaw atafəka.

Nehemi 9:25

Aziminik walaŋgəleɗe gugriɗe mərka kiyti də dələv an moggoni; amõhinik gəleɗe məknəhit də zəga nawrəha may vovɗe net iŋkile, may megezlembirkeɗi, heremeɗi, may wəleŋɗe ɗiyɗa nawzəma; Azəmaŋka, abaŋka, akəraŋka, assoŋguk addəv ənnek diyɗa vi moggon nok ɗiyɗa naka.

Gəlyaɗe 103:5

Ndəni dədawban ənziya nok dit zəgeɗ moggeti, tay əkkpaŋgok gawla va gazla.

Gəlyaɗe 116:7

Naw wanəmbat addəv əffet nawa, vi Yawe agəɗ suwək moggoni.

Gəlyaɗe 13:6

Naw aka moggon nok nəbay vawa: makraw dənnek də əkõh məs kəvayə, nəyə gəlya sən Yawe na, vi agəɗ su moggoni!

Gəlyaɗe 22:26

Əɗi kiya naw səzok ade! Addəv əkkal metiŋgini, in tat əknahan an maw aynə abet məgeslne'eŋ sənəni.

Gəlyaɗe 37:19

Arbaŋ na wil pay nawray ɓa, wabaŋ pay na mayã.

Gəlyaɗe 67:5

Ɗiy pak dənnekenən ziti, dəŋzlaŋ vaŋvəl sən ənneke, vi is tat ətawwən aket ɗiy də tiveni, gəm is tat ədaw abet ɗiy naka dələv pakə. Əziwe

Gəlyaɗe 72:18

Soko sən Yawe Maŋgəlva, Maŋgəlva na Israyel, ndəni yi məgəɗ sekene kaka'ə!

Wənməkkpaŋga 13:25

Ɗəf an təstəs na, wazəm kpe'i, ya gədivit məsdarawɗe na, warah zəga ɓa.

Gəlya net Gəlyaɗe 5:1

In tat əzzaw a guli net wəleŋɗe nawa, məlmuwa, gərawa; In tat əttəɗ telembe gəm əttəɗ telembe na wəlaŋga məffok nek nawa; In tat əzəm seɓe na amama nawa in tat wəsa mbazla naw də moŋvo nawa! «Məzəmə, gəreŋgiɗwa məsə, əŋgla dəbaykum gəreŋgiɗu na makrawa!»

Isaya 25:1

Yawe, istə Maŋgəlva nawa, wanərban gagdak noko wanətibiren iya noko. Vi kəgəɗək zəgeɗ naggət aketi. Ɓəlɓələŋ farə, aɓlaŋ ɓa.

Isaya 29:22

Vini Yawe anah vaŋ aka gəla na Yakob, ndən məs dəkõhgən Abraham: Yakob arbə na wil ɓa haran apok na bar ɓa.

Isaya 45:17

Yawe wakõhgit ɗiy na Israyel əkõh an faɗə. Wil adenin na ɓa, warbaŋ wil ɓa faɗ hã ndolu.

Isaya 49:23

Milyeŋge wassoŋ ka ɗiy nazgəlkuni, gil net milyẽŋge wadiɗkuni. Wappu'oŋ aboko, watarna'ən hologudum naza təlko. Wakəsən na intə Yawe, ɗiy en dəɗinən əɗɗum net akawa, arbaŋ na wil ɓa.

Isaya 54:4

Kəgeslne ɓa, karbəsuki wil ɓa, Kəzlzlaɓ ɓa, wil adukun ɓa, wakəzgət ki ərba wil nok naka gore, kəɗɗumon na ərba wil nok nassa gagəbay əmpa ɓa.

Isaya 55:2

Vimi kədawzanən dala məza aka zəga an nazgəl ɗəfi ɓa, mənokum gəm əyan zukum ammba an aban na ɗəf ɓa di? Məprəma, məprəmwa, məzəm zəga moggoni, gəm əban zukum də da'asə.

Məsdəlveŋge 25:19

Dələv wagəɗ zəga, wakəzəmaŋ kpe'i, wakəssoŋ akan fendeŋgi.

Məsdəlveŋge 26:26

Pay nədawgəm way sə bokum; may wagəɗə, gil kəlaw wadanən way nokum aka gulo taka; way an adawkiyaŋ sukumən wasan siɗikke, wakəzəmaŋgə ya kəbaŋ na ɓa.

Məsdəlveŋge 26:5

wərga hay wanzi anokum da hã gap aza wəɓuh megezlembirke, wəɓuh megezlembirke wanzi hã gap aza əzlga; wakəzəmaŋ way nokum kpe'i, wakəssoŋ aka dələv nokum fendeŋgi;

Mika 6:14

Wakəzəmə, ya kəbə na ɓa hara, may wasan a walaŋkum! Wakəzaɓ zəga, ya asan na ɓa hara. Ya an kəzaɓə, wanəzan də masalam.

Sefanya 3:11

Pay dasək na wil adukun na viyit wəzeɗe nok mbəreyit pak məs kəɓoŋ akawəŋ ɓa; vi wanəzergit məzukaɓaŋ məɗiyaŋ kiyzit səddəvko, kəzban na əɗi kiyzuk aka mossorgo metiŋ salala naw əmpa ɓa.

Zakarya 9:15

Yawe Məzuɓappak wazeŋ areti, wazimin gəm wammusin gərmeŋge na mabəŋbəŋga, wasaŋgə gəm wagəbəɗaŋ va mbazla, waknəhaŋ va huloŋguk nawpesle, va mohõ gəlamatuya.

Zakarya 9:17

Haya, va adannekeŋgi! Haya va adassoŋ lelewɗe! Haykəmari wapsit gbogboŋ sit gewleɗi, mbazla na meketepe wasɓet gorɗeŋge.

Roma 10:11

Vi Əver anahək na: Ɗəf məs dətafa arbə na wil ɓa.

Roma 5:5

Əga nawrəh zəga arbəsəm na wil ɓa, vi əŋgla na Maŋgəlva məpsəm dəza Zeŋgile Salala tay a makramə.

Roma 9:33

Va məverin na: Awle, a Siyon nədawɗi gərəm nawtaŋgbaygit ɗiyi, milɓe məzləb ɗəfa. Ɗəf məs dətaf pak, arbə na wil ɓa.

Əmsak aka Mahenziŋ 11:15

Wagilgin kevile aka muyã nok sən zəga mamayã noko. Wakəzəm kpe'i.

Əmsak aka Mahenziŋ 12:12

Wakənnekenən zukum aba Yawe Maŋgəlva nokum, munokum, kirtukum mezeŋgleket dit muguluŋgiti, belemɗe nokum mezeŋgleket dit muguluŋgiti, gəm mə levi naddəvit walaŋgəleɗe gugriɗ nokum, vi haran nan tay ɓa, dələv nan tay də munokum ɓa.

Əmsak aka Mahenziŋ 12:18

Nan aba Yawe Maŋgəlva noko, a təki an awel kədawzəmən kaka'ə, isi, kirtuk mezeŋgleketi, muguluŋgiti, belemɗe nok mezeŋgleket dit muguluŋgiti, gəm mə leviɗe na walaŋgəleɗe gugriɗ noko; kənnekengən zuk aba Yawe də an vok agəɗ pakə.

Əmsak aka Mahenziŋ 12:7

Kəzəmnəngən adak aba Yawe Maŋgəlva nokum, zukum dənnekgən də gəla nokum də zəga an kəɗɗaŋ pakə, vi Yawe Maŋgəlva nok azoɓokko.

Əmsak aka Mahenziŋ 8:10

Wakəzəm kpe'i, wakəfet aka Yawe Maŋgəlva nok ammba dələv moggon apsukuŋka.

1Timote 6:17

Aɗi sit wən nan sit məsaryeɗ kakaŋ naka dəlvəŋka, adawkaɓaŋ ɓa, adawɗiyən mekret aka arya məs asana faɗ ɓaŋ ɓa, ya dəɗiyən mekret aka Maŋgəlva məs dədapsəm zəga pak na mekeleŋ, mənekengən zəm dəndən.

1Yohanna 2:28

Ya kakaŋ kan na, kirin nawa, məssoŋ addəvən, vi va pay arban zən pak na məsamgən fendeŋgi, wil adawzargəmən səzan ɓa' pay nazza nan ɓa.