Yo'el 2:16 - Bible en Guidar

¹⁶ məkkelet ɗiyi, miyə əkkal na paya. Məsepet ɗiy məsɓeti, məsepet gawleɗ naka sayti gəm kirin namet bide. Məs dəɗi guluk kakaŋ dəgil sə giziŋ nani, akən təɗi zil kakaŋ təgil sə giziŋ nawɓel nata.

Yo'el 2:16 ပူးပေါင်းရင်းမြစ်များ

2Alabaraɗe Də Mabərkiziti 20:13

Ɗiy na Yuda baymet, aba Yawe ziwziw daŋgla neti: gil neti gəm kirtiti.

2Alabaraɗe Də Mabərkiziti 29:5

Aɓsit na: «Məprəmsu ɗa, mənokum mə leviɗe! Gəgaŋ na, məbbur kizukum, məbbur gəla na Yawe Maŋgəlva net efiŋgiɗkum. Məgilgin zəga mərnokun pak səddəv gəla salala.

2Alabaraɗe Də Mabərkiziti 30:17

Ya adan ɗiy diyɗa səddəv əkkal dəbburnən zit ɓa, mə leviɗe dədatawnən wəlet zəgeɗ memeyẽɗ na Pak a gəlet ɗiy baymet məs tahəŋ salala naɗɗa zəga na matuya sən Yawe ɓa.

2Alabaraɗe Də Mabərkiziti 30:19

ɗiy məs dəpsənən mekret sən əkayan Maŋgəlva Yawe, Maŋgəlva net efiŋgiɗti, məza də salala an dəslə sən zəga na matuya ɓa zlaŋ!»

2Alabaraɗe Də Mabərkiziti 35:6

Mətaw ndargayã na wəzləra na Pak, məbbur kizukum, məzaɓan ammbet milmiŋgiɗkum kaɗɗan va əpel məs Yawe apel də ma Moyis.»

Ɗerewel na Yob 1:5

An aɗɗaŋgək wəzləra aza ziti, Yob əyet vi kabbur heslepe səzeti. Ndən əsilyen də ba pummo əda əvəl nawzla kurmbuɗuk vi naway di pakə, vi Yob tay ənah na: «Awsən ɓa kuzuŋ kirtu aranənək Maŋgəlva addəv mekreti!» Vaski Yob adaɗɗan pay pakə.

Gəlyaɗe 19:5

Wəsler net ammbatək aka dələv pakə əpel net ammbatək a təki dələv abaymani. Maŋgəlva aherik gizlirke sən pay adaka,

Əgilye 19:10

Yawe aɓsən Moyis na: «Dok azet ɗiy, kubburgin dəpaŋ də mazayən; dəskoɓnin lukutɗe neti,

Əgilye 19:15

Aɓsit ɗiy na: «Məsla zukum vi bew mazayin taka. Kədawzaraŋ azat guluk ɓa.»

Əgilye 19:22

Məsdəlveŋge dədawzaraŋ go'o aza Yawe na, dubburun ziti vi Yawe adawbeyit ɓa.»

Yo'el 1:14

Məgəɗ meme, məgəɗ əkkal na paya, məkkelet ɗiy məsɓet gəm ɗiy naka dələv pak addəv Gəla na Yawe Maŋgəlva nokum, məhəm sən Yawe.

Matiye 21:16

Aɓsənən Yesu na: Kaprəm an Kirin adawnahaŋgəŋ ɓa sa? Yesu azlan sitik na: Ha'aw, in tat əprəmni. Kəŋɗanən an məverin ɗah ɓa sa: Də met kirin memeɗeŋɗe gəm en məzuwaɗaŋ bideŋ kəzaɓan əɗi kiya noko.

Matiye 9:15

Yesu aɓsit na: Ya ɗiy məyet a təki əɓel waɗɗaŋ meme an məzuɓel tay dənɗaŋ sa? Pay wade məs məzuɓel asan na azet ɓa, asna waɗɗaŋ meme.

1Korintus 7:5

Kədawɓoŋgoŋ sənən zukum dawvoŋ ɓa, abbər ki an kəslereŋgək akan vi pay siɗikke kakkama ɓa, səbbərən na məsap əmpa, vi Satan adawrakokum sən kəɓapən na ətak zukum ɓa ɓa.

Yosuwa 7:13

Asili, abbur heslepe səzet ɗiyi. Kənahgən na: “Məbbur heslepe səzokum sən pummo, vi Yawe Maŋgəlva na Israyel tay ənah na: zəga mətakən tay azok is Israyel; kəɓap na əziw abet meseŋgiɗuk an kəzganən zəga mətakən məs dəsan a walaŋkuməŋ ɓaɓa.”

Yosuwa 8:35

Əpel tay təttaka səra an Moyis aver məza Yosuwa dəŋɗan ama hara əsap net mə Israyelɗe gərak ɓa ɓa, dit gil net ereti, kirtiti may molhõyẽɗ məs dəssoŋ a weleŋgiti.

1Samiyel 16:5

Yaŋ azlan na: «Zay yi. Əzaɓ-Maŋgəlva nəde wədə sən Yawe. Məbbur zukum, Kəzzoŋgən də in a matuya.» Abburik Yesse dit kirtini, aye a matuya.