Yo'el 2:13 - Bible en Guidar

¹³ Məŋgaran mokrokum məza lukutɗe nokum ɓa, məmndoŋ aza Yawe Maŋgəlva nokum: vi məgəɗ mbəlembəle yi, muwəl sasãhĩ, awdagədəv go' ɓa, məgəɗ moggoni diyɗa. Appanək wən naɗɗa mbərayən sən ɗəfa.

Yo'el 2:13 ပူးပေါင်းရင်းမြစ်များ

Va'Atəŋ 37:29

Adan Ruben amndak ama vov nak na, Yosef tay adak ɓa. Aŋgeretik lukutɗe nani,

Va'Atəŋ 37:34

Yakob aŋgeretik lukutɗe nani, aynanək gabal ɗar agzeni, asanək a gəlabay wətən pay ɓaɓayə.

2Samiyel 1:11

Davit arme lukutɗe nan aŋgereti, ɗiy en dəssoŋ dəndən pak aɗɗaŋgək va nani.

1Milyeŋge 21:27

Səza Akab aprəm wənəska, aŋgeretik lukutɗe nani, ndən kulo' lukut na sakə, ndən giɗe' meme, ndən ɗuf də sak, ndən ədaw tele' tele'.

2Milyeŋge 22:11

Adan məlĩ aprəm wən naddəv ɗerewel na mahenziŋ, ndən lukutɗe nan ngarngargiti.

2Milyeŋge 22:19

adan arəŋgən mokroko, kəvoŋgən kiyuk aba Yawe, aka kəprəm an nəpel aka təkiyəŋ dit ɗiy nakan pakə, təkiyəŋ wasan ki məski də mefɗeke akani, yaŋ kəŋgeret lukutɗe noko, kəhəm abawa; lewi yi, nəprəməka Yawe aɗiymani;

2Milyeŋge 5:7

Adan məlĩ na Israyel aŋɗan ɗerewel naka, ndən lukutɗe nan ngarngargit səzani, amna: «Maŋgəlva nan, nawbay ɗəfa, may nawmbəlgən ɗəfa, ka ɗəfəŋ dəslən sugən ɗəf nabbur kokolo səzan sa? Haya kamə mula va adarma mama azawa!»

2Milyeŋge 6:30

Adan məlĩ aprəm əpel nat guluk naka, aŋgaretik lukutɗe nazani, adan dəka zlava adawdawa, ɗiy awlanən na, məlĩ tay də lukut na sak azani.

2Alabaraɗe Də Mabərkiziti 6:27

Nok kəprəmgən sə disiŋ, kəvvuyongən mambray net məɗɗaŋ wəza nok ɗiy nok mə Israyelɗe, vi wakərban sit tive moggon məs adawdawaŋ akani, kəzigən buwən aka dələv nok məs kəpsit ɗiy nok ka neti.

Nehemi 9:17

Aɓoŋgoŋguk daprəma, dəɗɗumetin zəgeɗ naggət aket məs kəgəɗ dənɗaŋ ɓa, aɓɓəlanən kiyti. Yaŋ aɗiyaŋ məlyã, vi kamndoŋ aka balam addəv əɓoŋ neti. Yaŋ is Maŋgəlva məvvuyon mambraya, məgəɗ mbəlembəle, muwəl-sasãhĩ awdagədəv go' ɓa, məgəɗ moggoni diyɗa.

Ɗerewel na Yob 1:20

Yob asilke. Aŋgaranək lukut metiŋgin nani, afaɗək kini. Askotuk afuŋgu, appu'ko

Gəlyaɗe 103:8

Yawe muwəl sasãhĩ, məgəɗ mbəlembəle, awdagədəv go' ɓa, məgəɗ moggoni diyɗa.

Gəlyaɗe 106:45

Yaŋ aɗɗumon wənmiyna nan dənɗaŋgə, aɗiyək marava va aza mẽmẽtiŋ na moggon nani.

Gəlyaɗe 34:18

An ahəmaŋka, Yawe tay əprəm siti tay əkõhgit səma əzəmsahã net pakə.

Gəlyaɗe 51:17

Daya, akol metteɓ mawa, maw dətibirokgəni.

Gəlyaɗe 86:15

Ya Daya Maŋgəlva na, muwəl sasãhĩ, məgəɗ mbəlembəle, awdagədəv go' ɓa, məgəɗ moggoni gəm gegesiŋ diyɗa yi,

Gəlyaɗe 86:5

Daya, vi istə moggoko, məvvuyon mambraya, moggon nok diyɗay aket məzuyukuni,

Isaya 57:15

Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Isaya 58:5

Vaski əɗɗa meme nəŋgəl adawsan sa? Aski əɓegeŋ kiykum sa? Mənokum tat ədoɗ kiykum va eflere, mənokum tat əgul lukut na gəlabaya, gəm əvoŋ aka moŋglo, gesiŋ aski kədawtəlaŋ ma əɗɗa meme, pay an dəslə sən Yaweŋ sa?

Isaya 66:2

Yawe aɗiymani: Zəgeɗ kədawlaŋgəs pak vaw diɗɗe Intə nəɗɗe An haraw asan aket yeŋki: məssahãy, ɗəf naddəv tatwãha, gəm məzəprəm əpel nawa də əkkersənə.

Yeremiya 36:7

Kuzuŋ əkkam net wagap aba Yawe, wamulyoŋ ɗəf pak səka tive nan mbərayni. Vi ədagədəv metiŋgin dit herɗe məs dərbə gala Yawe apel aka wən net ɗiyiŋki.

Yeremiya 41:5

Yas ɗiy kaklaw dədopoɗo azzoŋ sə Sikem, sə Silo gəm sə Samari, eŋgemet məfeɗti, lukutɗe net məŋgereti gəm zit məntarani, əvəla gəm tursan avet nawki addəv gəla na Yawe.

Yeremiya 42:10

An kəzbanənək əsso aka dəlvəŋka, asna wanərkukum nəɓzlukum na ɓa; wanəmpukum nəptukum na ɓa. Vi wanəppan gabba əki əray akokum.

Ezekiyel 9:4

Yawe aɓsən na: «Atoŋ addak walaŋgəla-metiŋ, addak Yerusalem; kəvergən zəga a mirbizit ɗiy dədawɓuhnən met gəm dədawɗəkaŋ aket zəgeɗ daryawɗe dədaɗɗaŋ addəvnəŋka.»

Hose'a 14:1

Samari araygənəka, vi aɓoŋguk aka Maŋgəlva nani: kawbeyti ɗiy nan də masalam, kaŋkinti kirtin na met bide, gil nan də daweyɗe kawbekti.

Yonas 3:9

Nawa dəsən di kuzuŋ Maŋgəlva wakkpaŋgan mani, makran waffeti, wakkpaŋ səka ədagədəv nani, məzəna ɓa soko.»

Yonas 4:2

Akkamanək Yawe, amna: «Ha'aw! Yawe aski nədawnah pay nəsaw aka dələv naw ɓa sa? Vini nəgəm zu nənzaw a Tarsis. Vi nəsənka Maŋgəlva məs mbəlembəle də moggon kənani, kada gədəv go' go' ɓa, moggon nok diyɗay sawɓa, ya məsla zuk kənan naffeten mokrok səka əɗɗa mbərayən.

Mika 7:18

Maŋgəlva tay va is ɓa, məvvuyon mambraya, məppan əɓoŋ net ɗiy nan en dəppaŋ medereti. Ədagədəv nan awsan faɗ ɓa, vi zən neki dəɗɗa moggoni.

Nahum 1:3

Yawe awda gədəv gu' ɓa, tay də wəɓap metiŋgini, appan na məgəɗ zəga ka məs man bartata ɓa. Tive na Yawe tay addəv buwən də səmyã gəm addəv barkataŋ; slaybuna, ndəni ologudum nammba təlni.

Əŋɗa 14:18

“Intə Yawe, zay aza ədagədəva, məknəhu də moggon məza addəɗ ɓa, məzuɓəs heslepe gəm kiɓəɓəla, məza appa zəga ətoŋ ɓa hara kana, gəm məzbə heslepe net efiŋgiɗit ɗiy aket kirtit gap sayit hoku may poɗo,”

Roma 2:4

Awaniɓa moggon nani, əssa nan haran sekke gəm əɓəs nan kədawzelen sa? Məza əsən tay akan ɓa, kəsən na moggon na Maŋgəlva tay əreɗuk kəɗigən marava ɓa sa?

Efesus 2:4

Ya Maŋgəlva tay də ulasahã diyɗa, vi memetiŋ na əŋgla nan məs aŋglumə,

1Timote 4:8

Vi əsərəkgən zə ɗəfa ətərwəray nan siɗikke yi, ya geslne na Maŋgəlva na, tay ətərwəray aza zəga pakə. Tay də iynama na zeŋgile kakaŋka, gəm an nazzani.