Yo'el 2:12 - Bible en Guidar

¹² Yawe aɗiyman na, təŋ səza kakaŋka, məmndoŋ məde azaw də mokrokum paparə də wəɗɗa meme, də wəhəma, də əɓuh mokum.

Yo'el 2:12 ပူးပေါင်းရင်းမြစ်များ

2Samiyel 24:10

Makra Davit ɓuh səza aŋɗet ɗiyi, yaŋ Davit aɓsən Yawe na: «Nəgəɗək mambray diyɗa də an nəgəɗə. Ya kakaŋ na Yawe, kamə avvuyoŋ heslepe na balam noko, vi va dərwa nəgəɗ faɗ faɗə.»

2Alabaraɗe Də Mabərkiziti 30:6

Maslənɗe abbalanənək dələv na Israyel də Yuda, dit ɗerewelɗe məverit məs məlĩ dit ɗiy gugriɗ naban nek avereŋ va məlĩ aɗi wən nan də ənəh na: «Mənokum kirtin Israyel, məmil aza Yawe Maŋgəlva na Abraham, na Isak gəm na Israyel; wamil azokum mənokum məs kəmbraŋ kəkohoŋ səmmba va məlĩ na Asiri kəŋkə.

2Alabaraɗe Də Mabərkiziti 6:27

Nok kəprəmgən sə disiŋ, kəvvuyongən mambray net məɗɗaŋ wəza nok ɗiy nok mə Israyelɗe, vi wakərban sit tive moggon məs adawdawaŋ akani, kəzigən buwən aka dələv nok məs kəpsit ɗiy nok ka neti.

Ester 4:16

«Dok akkelet mə Yudeɗ dəssoŋ a Susan baymeti, məgəɗ' meme viwa, əvoŋ hoku də əsɓəta hoku kədawsaŋ ɓa, kədawzəmaŋ ɓa. In dit belemɗe naw pak vas nədaɗɗa. Asna, wandaw aza məlyã də asan əzlah ki mahenziŋ zlaŋ; an wanəzə nəzə!»

Əgilye 33:5

Yawe aɓsən Moyis na: «Anah sit mə Israyelɗe na: Ɗiy kiɓəɓəl kənanəni, an nədawək pay siɗikke də mənokum na, wanəzokum kakãhə, kakaŋ məggbuk lukut na mayã səzokum, nəsəngən an nədagəɗ sukum.»

Isaya 22:12

Pay dəpaska, Daya, Maŋgəlva Məzuɓappak wayukum kəhəmaŋgəni kəskaŋgən morkoyo, kəfaɗəngən kiykum gəm kəguloŋgən lukut na gəlabaya.

Isaya 58:4

Mənokum tat əɗɗa meme, mənokum tat əgayaŋgə gəm ərgan zukum na darawə! Kəɗɗaŋ meme va dəslə ka nəprəmgən əkkam nokum sə disiŋ ɓa.

Yeremiya 3:22

«Məmil azawa, kirin kiyɓəɓəlɗe, wanəmbəlgukum səka ma sula sula nokum!» «Mənam yakəŋkə, midek azoko, vi istə Yawe, Maŋgəlva namə.»

Yeremiya 36:7

Kuzuŋ əkkam net wagap aba Yawe, wamulyoŋ ɗəf pak səka tive nan mbərayni. Vi ədagədəv metiŋgin dit herɗe məs dərbə gala Yawe apel aka wən net ɗiyiŋki.

Yeremiya 4:1

Israyel, an is tat əmilyok na, azaw kədawmilyeko Yawe aɗiymani. An kəzargitik zəgeɗ daryawɗe nok səma harawa, an kəsok slorslor ɓa,

Yeremiya 4:2

an kəswayək na, Yawe madarani addəv gegesiŋ, addəv ətawwəna gəm addəv təstəsə, asna ɗiy-ɗar pak warahaŋ əzaɓ də iya nani gəm wakaɓaŋ addəvən.

Ezekiyel 33:11

Anah sit na: Va nəsaw madarawa Daya Yawe aɗiymani, nəŋgəl məsdaraw əmta ɓa, neŋgəl na məsdaraw dəmilgin səka ədaw nani, dəsangən madaran dərəŋgə! Məmili, məmil səket tiveɗ nokum mbəreytiŋki: Viymi kədamtaŋ di mə Israyelɗe?

Daniyel 9:3

Yas nəzi haraw sek aka Daya Maŋgəlva, nəkkamani də əɗɗa meme gəm də əgul lukut na sakə.

Hose'a 12:6

Yawe Maŋgəlva net məzəlpaŋ na disiŋ, Yawe yi vaski iya nani.

Hose'a 12:7

Nok amndok aza Maŋgəlva noko: arma wətaf də əssa təstəsə, əga nok dəsan aka Maŋgəlva nok təpelle.

Hose'a 14:1

Samari araygənəka, vi aɓoŋguk aka Maŋgəlva nani: kawbeyti ɗiy nan də masalam, kaŋkinti kirtin na met bide, gil nan də daweyɗe kawbekti.

Hose'a 6:1

«Mide, məmndamsəm aza Yawe, vi ndəni dəbakamə, ya wanzaɗmə, argəməka ya waynan səm huwweɗ namə.

Yo'el 1:13

Məsdəlveŋge miynan dadokkum, məɓuh mokum, məhəmə mənokum məɗɗaŋ wəza a matuya. Mide məvoŋ dit sakɗe azokum, ɗiy gugriɗ na wəza na Maŋgəlva nawa: vi awkiyaŋ əvəl də mbazla nawpesl addəv Gəla na Maŋgəlva nokum əmpa ɓa.

Zakarya 7:3

kassohẽt məsdəlveŋge məɗɗaŋ wəza addəv Gəla na Yawe Məzuɓappak gəm məskəleŋɗe na: «Nəhəmgən aka təla masle'en də əppet zəget nawzəm va nəɗɗa əzva gbaŋkəŋ sa?»

Zakarya 7:5

Anah sit ɗiy naka dələv pakə, gəm məsdəlveŋge dawnəh na: «Gala kəɗɗaŋ meme, kəɓuhnən mokum aka təla masle'en də mabuhuloni, əzva kaklaw buhul kəɗɗaŋ meme, suwi kəɗɗaŋ meme van gesiŋ sa?

Malakiya 1:9

Ya kakaŋ na, kamə məzzayan makra Maŋgəlva, wawəlsahã akamə! As van səvokum adazzani. Yawe Məzuɓappak amnah, watafkum də zən nek sa?

Wəza net Masləŋɗe 26:20

Ya daabəŋ na sit ɗiy en na Damas siske a Yerusalem, gəm aka kivadələv na Yude pakə, də azet ɗiy-ɗar pak nənah sit dəɗiyaŋgən marava, gəm dəkkpaŋgən aza Maŋgəlva, dəɗɗaŋgən wəza narban na aɗiyaŋgək marava.

Mətawaŋwəna 2:4

Səza maslay na Yawe apel wənəs sit mə Israyelɗe beymet na, aŋzlaŋgək vaŋvəl ahəmaŋgə.

Mətawaŋwəna 20:26

Yaŋ mə Israyelɗe gəm ɗiy beymet apeŋgeŋ addoŋ a Betel; assoŋ aba Yawe adaka, ahəmaŋgə, aɗɗaŋ meme pay dəpas hã gap moskoyo. Yaŋ aɗɗaŋ əvəl nawzla kurmbuɗuku gəm əzaɓ-Maŋgəlva nawrəh zazay aba Yawe.

1Samiyel 7:3

Yaŋ Samiyel anah sit mə Israyelɗe dəwən neti amna: «An də mokrokum taka kəɗɗumoŋ namndo aza Yawe na, məzergit meŋgilveɗ melekeɗ gəm tuya astera sə walaŋkum, məkkpaŋgan mokrokum aza Yawe, məgəɗ wəza sən kaka'ə, wakõhgukum səvet mə Filistiɗe.»

1Samiyel 7:6

Akkalaŋgək a Mispa. Ambaɗaŋgək iŋkile azlufin afuŋ aba Yawe, aɗɗaŋgək meme dəpaska. Aɓɗaŋ na: Asna məgəɗək mambray aka Yawe. Samiyel atawək wən aket mə Israyelɗe a Mispa.