Yo'el 2:1 - Bible en Guidar

¹ Məffon gozloro a Siyon, məŋgəsl vaŋvəl aka mossorgo metiŋ naw salala! Ɗiy naka dələv pak dəkkereŋgi: vi pay na Yawe tay əzzani, go'o yi.

Yo'el 2:1 ပူးပေါင်းရင်းမြစ်များ

1Alabaraɗe Də Mabərkiziti 15:28

Ɗiy na Israyel beymet akanən akoti na wənmiyna na Yawe na, də salalay, də mohõ, dit gozloreɗi, dit ndayɗe, də wəbay gazaŋvəlɗe gəm gəzləŋtəndəŋɗe.

Gəlyaɗe 119:120

Sluw zu tay əkker sən geslne noko, makraw tay əzlah sən ətawwən nok temtemi.

Gəlyaɗe 87:1

Gəlyanalva səmet Kirtin Kore, gəlya. Siyon məɗi gabban aket mossorgoɗe gugriɗ salala,

Əgilye 10:14

Zaray aveŋgik aka dələv na Eziptə təhə, assanək aka va na Eziptə pakə: adayaŋgək sawɓa, zaray dəgəɗ ɗah lahəŋ vas va agəɗəs ɓa ya dərɓagani, agəɗ na vas ɓa'a.

Isaya 13:6

Məɓuh mokum, vi pay na Yawe go'oy yi, tay əzzan va əza metiŋgin an səza Maŋgəlva Məzuɓappakə.

Isaya 13:9

Awla, pay na Daya tay əzzani, pay mbərayən, də gagay gəm ədagədəv məza ulasahã ɓa adawsani. Wazan dələv mbo'u, wazet məs mambrayɗe.

Isaya 2:12

Vi pay tay Yawe Məzuɓappak adawɓegin məɓaygən kiyzən gəm məzula zəni. Wasil sən məslan kiyən vi kawɓegəni.

Isaya 66:2

Yawe aɗiymani: Zəgeɗ kədawlaŋgəs pak vaw diɗɗe Intə nəɗɗe An haraw asan aket yeŋki: məssahãy, ɗəf naddəv tatwãha, gəm məzəprəm əpel nawa də əkkersənə.

Isaya 66:5

Məprəm əpel na Yawe, mənokum məkkereŋ sənən əpel nani. Milmiŋgiɗkum azelkumənko, aɓɓahkumənək aka batam iya nawa. Tay əmasaŋ akokum dawnəh na: Kəta Yawe dərban gagdak nani, mulagən ənnek nokumu! Ya neti, wassoŋ addəv ərba wili.

Yeremiya 16:10

Pay kədawnah zəgeɗis sit ɗiyiŋki, asna wanahaŋ sukun na: Aka mi Yawe apel tatwãh metiŋ vas akam di? Mi heslepe nam di? Mə mambray mi məraygən sən Yawe Maŋgəlva nam di?

Yeremiya 16:7

Kawzəmi way də ɗəf a gəlabay vi kaffeten sən makran aka wən na ɗəf məmtən ɓa, kapsəni zəga nawsa vi kaffeten makran ɓa, kəta afən dəmtə, kəta man təmtə zlaŋgə.

Yeremiya 4:5

Məpel wən nan a Yuda, məprəman a Yerusalem, mənah na: Məffon gozloro aka dəlva, məŋgəl vaŋvəl dayadaya. Mənah na, məkkalə, məlgən a walaŋgəleɗe gugriɗ na korgu,

Yeremiya 5:22

Anawi kəgeslne'eŋ suwən na ɓaŋ sa? Yawe aɗiymani. Kəkkereŋ na abaw ɓa sa? In məs nəɗi hoyoŋko ka meŋge na pehe, meŋge an faɗə məs akkaɗ na kiyən ɓa: Wapilmis samə, ya aɓap na ɓa; vovolumɗe net wabayaŋ gəgay samə akkaɗɗaŋ na ɓa.

Ezekiyel 12:23

Vini anah sit na: Vaŋ Daya Yawe anahə: wanəbay wənməkkpaŋgaska, kawpelni a Israyel ɗah əmpa ɓa. Ya anah sit dərəŋ na: Pay tay əgapa, əpel na kəleŋ pak wagəɗə.

Ezekiyel 21:12

Pay adawnahaŋ sukun na: «Vimi kədanɗəs di na?» Kənahgən na: «Vi alabara an dədazzani, mekret ɗiy pak wazlahə; vet ɗiy wasan zamzamə; maɗɗulet ɗiy wagəɗ vẽẽhẽ; takpret ɗiy wagəɗ həyuhəyu dit iŋkile. Yaŋ tay əzzani, wagəɗə, Daya Yawe aɗiymani.»

Ezekiyel 30:3

Vi pay go'o yi, Pay na Yawe go'oyi. Wasan pay na slaybuwna, pay net ɗiy-ɗarə.

Ezekiyel 33:3

Ɗəf nan an awlak masalam əzzan aka dələv vani; waffon gozloro kassak sit ɗiyi.

Ezekiyel 33:6

Ya an məzuga awlak masalam əzzani, dərah əffon gozloro ɓa, ɗiy dəprəmən əssak ɓa, masalam pay bay ɗəf səreti, məbay ɗəfəs na heslepe na məzuga yi, ama məzuga nədossõhẽt mbel na ɗəf nani.

Ezekiyel 7:10

Pay yaŋka, tay əzzani, əza agilke. Gagay awanək zəni, əku apokko.

Ezekiyel 7:12

Pay agapəka, əvoŋ agapka; məzəlbəh adanneken zən ɓa, məzuvəl zəga adawɗəka ɓa, vi ədagədəv naw adek aket ɗiy pakə.

Daniyel 6:26

Ndəni məlĩ Dariyus aver sit ɗiy pakə, dəlveŋge temtem gəm ma awandi naka dələv pak na: Zazay dəsan akokum!

Daniyel 9:16

Daya, ammba wəza təstəs noko, kamə appan ədagədəv dit herɗe nok səka walaŋgəla-metiŋ na Yerusalem vi mossorgo salala noki. Vi mambray namə gəm heslepe net efiŋgiɗmə, Yerusalem dit ɗiy nok akkpaŋgək zəga nawra net ɗiy en dəssoŋ kiyəm tərwəsl pakə.

Daniyel 9:20

Nəzbanək əpel də əkkam gəm ərban mambray naw də an net ɗiy naw mə Israyelɗe, gəm əppu' aba Yawe Maŋgəlva nawa, aka wən na mossorgo salala noko.

Hose'a 5:8

Məffon mohõ a Gibeya, gozloro a Rama, məɗi gogoyo a Bet-Awen. Karmuki səkəla dərɓogoko Benyamin!

Hose'a 8:1

Affon gozloro! Va gazla, vaski wəray adawteh aka gəla na Yawe, adan aggaraŋ ki wənmiyna nawa gəm aggaraŋ ki mahenziŋ.

Yo'el 1:15

Aw! Pay miy aŋ di! Vi pay na Yawe agapka; tay əzzan va əray adazzan səza Məzuɓappakə.

Yo'el 2:11

yaŋ Yawe adawgəŋgəm wəlan abet məzəlpaŋ nani. Vi məzəlpaŋ nan aŋɗaŋ ɓa: məzəɗɗa an aɗi gboŋgboŋgi. Vi pay na Yawe metiŋgini, adahək nawgeslne' sən diyɗa: naway nawɓəsən di?

Yo'el 2:15

Məffon gozloro a Siyon, məɗiywən na wəɗɗa meme, mətəl ma naɗɗa əkkal na paya,

Amos 3:6

Kaffoni gozloro nadda ama əlpa məza mekret ɗiy əzlah ɓa sa? Tatwãh wagəɗ a walaŋgəla-metiŋ məza Yawe dəɗɗa ɓa sa?

Amos 5:18

Əray aket ɗiy məzəŋgluwən pay na Yawe! Madawki sukum pay na Yawe vanəs di? Təki kasak kasaki ɓa, guzli yi.

Amos 8:2

Assoh na: «Miy kədawla di Amos?» Yas nəzlan na: «kekel də uwa net wəleŋɗe na mawala.» Yawe apel suwa kan na: «Əgrak net ɗiy naw na Israyel agapka. Nəzban na ulasasãhit əmpa ɓa.

Obadya 1:15

Vi pay Yawe adataw wən net ɗiy pak go'oy yi. Asna, va kəgəɗ sit ɗiyi, kaɗɗa suki vaska. Mbərayən məs kəgəɗ wamil akoko.

Sefanya 1:14

Pay metiŋ na Yawe go'o yi, tay əzzan də kakara. Vaŋvəl wasan diyɗa aka pay na Yawe, məs makran dayday waŋgəl əsək səni.

Sefanya 1:16

pay naffon gozloro gəm vaŋvəl nalpa dit walaŋgəleɗe mərka kiyti gəm dit gəleɗe məɓeyti.

Sefanya 1:7

Məssoŋ sləɓək aba Yawe Maŋgəlva! Vi pay na Yawe go'o yi. Yawe azaɓanək əzaɓ-Maŋgəlva, abburik en ayə.

Sefanya 3:11

Pay dasək na wil adukun na viyit wəzeɗe nok mbəreyit pak məs kəɓoŋ akawəŋ ɓa; vi wanəzergit məzukaɓaŋ məɗiyaŋ kiyzit səddəvko, kəzban na əɗi kiyzuk aka mossorgo metiŋ salala naw əmpa ɓa.

Zakarya 14:1

Pay na Yawe tay əgap yaŋka, kawɗakni wərəh nok addəvko Yerusalem.

Zakarya 8:3

Vaŋ Yawe anahə: Nəmndawək a Siyon, in tat də gəla a Yerusalem. Kawyani Yerusalem na «walaŋgəla gegesiŋ», mossorgo metiŋ na Yawe Məzuɓappak na, «mossorgo metiŋ Salala».

Əŋɗa 10:2

«Dəzaɓaŋ sukun mohoŋɗe na təbəz babar sula; kəzeɓigin na təbəz məvotən; watəraŋ sukun nawye ɗiyi may nasimgit dibirgidikɗe.

Əŋɗa 10:3

Pay muffet mohoŋɗe vet na, ɗiy dəkkalaŋgən beymet ama gizlirke nalma də Maŋgəlva.

1Korintus 14:8

Ya an ɓaɓəlma gozloro tay əgiyen ta' ɓa na, naway nawsla zən nawgay di?

Filipi 2:12

Bayneŋgiɗwa, pay nəsaw anokumda na, munokum tat əprəmən maw pay pakə. Ya adan kakaŋ faraɗa nan də munokum, məprəm mawa. Məɗɗa wəza nawkõh nokum də geslne də wəkkere.

1Tesaloniki 5:2

Vi munokum sən kikum kəsənənək lewlew na, pay na Daya na, va məhal dəfɗa vas adazzani.

Yakob 5:8

Nokum pak, məɓəs vaska, kədawyaŋ də wən nan ɓa, vi pay nazza na Daya go'oy.

1Piyer 4:7

Wəgrak na zəga pak go'oy. Vasna, məssoŋ də maɗɗula ɗeŋge vi kəɓapaŋgən əkkama.

Hənhən 6:17

Vi pay metiŋgin na ədagədəv net agapka. Naway nawɓap əkõh di?