Yo'el 1:9 - Bible en Guidar

⁹ Əvəla, zəga nawsa, awkiyaŋ addəv gəla na Yawe əmpa ɓa. Məsdəlveŋge tahəŋ a gəlabaya, ndəɗaŋ məɗɗaŋ wəza na Yawe neki.

Yo'el 1:9 ပူးပေါင်းရင်းမြစ်များ

2Alabaraɗe Də Mabərkiziti 13:10

Ya nam na, Yawe yi Maŋgəlva namə, məppan ɓa: məsdəlveŋge məɗɗaŋ wəza sən Yawe na, kirtin Aron əŋgə, mə leviɗe tahəŋ aka wəza.

Əgilye 28:1

Agim may məlmuk Aron, gəm kirtini, sə weleŋgit mə Israyelɗe, dəɗɗaŋ suwəngən wəza na məsdəlva, Aron, Nadab, Abihu, Ele'azar gəm Itamar, kirtin Aron.

Isaya 61:6

Kawyukumi na məsdəlveŋge na Yawe, Kawɗikumi məɗɗaŋ wəza na Maŋgəlva namə; wakəzəmən arya net ɗiy-ɗarə, wakəkaɓaŋ də gagdak neti.

Əɓuhma 1:16

Aka wən net zəgeɗiski nədawhəma. Sin araw gekgeki. Vi ɗəf nawɓətguwa gəm nawmbəlgu faraɗay səzawa. Kirtu azaŋka, vi məzuzel naw adayək kiwa.

Əɓuhma 1:4

Əhəmi yi aket tiveɗ na Siyon, ɗiy tahəŋ dədazzoŋ a təki əŋɗa va ɓa. Metiveɗ nan pak arayaŋka, məsdəlveŋge nan tahəŋ ənɗəsaŋgə. Zit gorɗeŋge nan tay baybayə; wən na dərwa dəɗar akani.

Hose'a 9:4

Apesleŋ na mbazla sən Yawe ɓa, əzaɓ-Maŋgəlva net anneken na zən ɓa, wasan va way na gəlabay azeti, en dəzəmaŋ pak arnokoŋko, vi way net sən gidivti kaka'ə, atoŋ na addəv Gəla na Yawe ɓa.

Yo'el 1:13

Məsdəlveŋge miynan dadokkum, məɓuh mokum, məhəmə mənokum məɗɗaŋ wəza a matuya. Mide məvoŋ dit sakɗe azokum, ɗiy gugriɗ na wəza na Maŋgəlva nawa: vi awkiyaŋ əvəl də mbazla nawpesl addəv Gəla na Maŋgəlva nokum əmpa ɓa.

Yo'el 1:16

Daram darami əzəm arslə, gəm wənneke, əssa waryak waryak səddəv Gəla na Maŋgəlva nam ɓa sa?

Yo'el 2:14

Nawa dəsən di, kuzuŋ wappan wən nani, wapəl wəzaɓ dərɓagani, əvəl də mbazla nawpesl sən Yawe Maŋgəlva nokum.

Yo'el 2:17

Məsdəlveŋge dəhəmaŋ a walaŋgəla nawtoŋ dəddəvən a daŋgla də gəlamatuya, məɗɗaŋ wəza na Yawe dənahaŋ na: «Yawe, awla sasẽhit ɗiy noko; kədappet ɗiy nok aket wil ka ɗiy-ɗar dəmasaŋgən aket ɓa! Vimi adawnahaŋ aret ɗiy na: Aŋgay Maŋgəlva net di di?»