Yo'el 1:7 - Bible en Guidar

⁷ Tay əɗi guli na megezlembirke naw ka kapta-muyã, abəletik sokoyeɗ nawa. Aproɗike, ndən ndol əndolit afuŋ, kiyvet kpaŋ ofrohu.

Yo'el 1:7 ပူးပေါင်းရင်းမြစ်များ

Gəlyaɗe 105:33

Maŋgəlva ambrohik megezlembirkeɗ dit sokoyeɗ neti, yaŋ aŋzlet wəleŋɗe naka dələv neti.

Əgilye 10:14

Zaray aveŋgik aka dələv na Eziptə təhə, assanək aka va na Eziptə pakə: adayaŋgək sawɓa, zaray dəgəɗ ɗah lahəŋ vas va agəɗəs ɓa ya dərɓagani, agəɗ na vas ɓa'a.

Əgilye 10:15

Asərətək dələv pakə, agəɗək guzli ɗəkɗəkə aka dəlva, yas azəm kevile naka dələv də uwa na wəlaŋga məs dəpəl səmet ɓeɓrezleɗ pakə. Va wəlaŋga də kevile məkdəkan tay dəmbər awra aka dələv na Eziptə ɓa.

Isaya 24:7

Mbazla na meketepe tay əggraka guli na megezlembirke tay əɓəta, məs zit nek pak tay əɓuhnən meti.

Isaya 32:12

Məɓuh mokum də ərga mokrokum, viyit gulyenge lalawɗe gəm megezlembirkeɗ məzuwaŋgə.

Isaya 5:6

Wanəzan pakə: kakrawni kivan ɓa, kanseni ɓa; gedirge dit tintifɗe waɓayaŋ addəvən, wanətak slaybuwən dawzi buwən adaka.

Yeremiya 8:13

Əza nədawzeti Yawe aɗiymani vi uwa tay aka megezlembirke van ɓa, uwa tay aka sokoyo van ɓa, gaslamban aɓətka. Nəppetik sit ɗiy nawndepetini.

Hose'a 2:12

Kakaŋ wanərban ərba wil nat a maheret gəreŋgiɗta, ya ɗəf tay nawtərət səvaw ɓa.

Yo'el 1:12

Megezlembirke aklaŋka, sokoyo tay əŋkəla; tonzoku, gogozlo, goɗoŋgoy, wəleŋɗe na guli pak aklaŋka. Wənnek arslək sə weleŋgit ɗiy.

Amos 4:9

Nətawsukumək doŋgoyoŋ gəm muŋgus, gulyeŋge nokum gbeŋ net wəleŋɗe gəm net megezlembirkeɗi may sokoyeɗ nokum, heremeɗ nokum pak zaray azimke, ya kəmulyoŋ azaw ɓa. Yawe aɗiymani.

Habakuk 3:17

Vi sokoyo affuy na ɓa, tay nawrəh aket megezlembirkeɗ ɓa, wəza na hereme atərna wəray ɓa, zəgeɗ nawzəm aɗɗaŋ na a guli ɓa, gilew assoŋ na a gazlaŋ ɓa, wasli asan na taka dayday a gibek ɓa.

Malakiya 3:11

Wanətak zəga məzəm guli nokum, araygən na zəga na guli nokum ɓa gəm guli na megezlembirke nokum asan na ndarzlay ɓa, Yawe Məzuɓappak anahə.