Yo'el 1:13 - Bible en Guidar

¹³ Məsdəlveŋge miynan dadokkum, məɓuh mokum, məhəmə mənokum məɗɗaŋ wəza a matuya. Mide məvoŋ dit sakɗe azokum, ɗiy gugriɗ na wəza na Maŋgəlva nawa: vi awkiyaŋ əvəl də mbazla nawpesl addəv Gəla na Maŋgəlva nokum əmpa ɓa.

Yo'el 1:13 ပူးပေါင်းရင်းမြစ်များ

2Samiyel 12:16

Davit akayək əbbah aza Maŋgəlva ammba muzliya naka, agəɗək meme, aza dəfəɗ pak an alək eŋgil ananda, ndən əvoŋ ɗuffo.

1Milyeŋge 21:27

Səza Akab aprəm wənəska, aŋgeretik lukutɗe nani, ndən kulo' lukut na sakə, ndən giɗe' meme, ndən ɗuf də sak, ndən ədaw tele' tele'.

Isaya 22:12

Pay dəpaska, Daya, Maŋgəlva Məzuɓappak wayukum kəhəmaŋgəni kəskaŋgən morkoyo, kəfaɗəngən kiykum gəm kəguloŋgən lukut na gəlabaya.

Isaya 61:6

Kawyukumi na məsdəlveŋge na Yawe, Kawɗikumi məɗɗaŋ wəza na Maŋgəlva namə; wakəzəmən arya net ɗiy-ɗarə, wakəkaɓaŋ də gagdak neti.

Yeremiya 4:8

Vi askəska, məgul lukut na gəlabaya, məhəmə, mənɗəsə, vi offo nawdagədəv na Yawe dəffet səkam ɓa.

Yeremiya 9:10

Wanəkkpaŋgan Yerusalem ka korguɗe, ka təki nawɗam net kirɗemuyã, wanəkkpeŋget walaŋgəleɗe gugriɗ na Yuda muyã məs dəf tay adak ɓa.

Ezekiyel 21:12

Pay adawnahaŋ sukun na: «Vimi kədanɗəs di na?» Kənahgən na: «Vi alabara an dədazzani, mekret ɗiy pak wazlahə; vet ɗiy wasan zamzamə; maɗɗulet ɗiy wagəɗ vẽẽhẽ; takpret ɗiy wagəɗ həyuhəyu dit iŋkile. Yaŋ tay əzzani, wagəɗə, Daya Yawe aɗiymani.»

Ezekiyel 27:31

Wafaɗnən kiyit ammboko, waynaŋ gomboɗok. Wahəmaŋ ammbok də mekret əsseti, waɓuhnən met diyɗa.

Ezekiyel 7:18

Waynaŋ gabaga na sak agzeti, geslne warme. Wil wassoŋ aret pakə, kiyit pak məfaɗən foslfoslə.

Hose'a 9:5

Miy kədaɗɗaŋ pay na wawya, gəm pay na wəzləra na Yawe di?

Yo'el 2:12

Yawe aɗiyman na, təŋ səza kakaŋka, məmndoŋ məde azaw də mokrokum paparə də wəɗɗa meme, də wəhəma, də əɓuh mokum.

Yo'el 2:14

Nawa dəsən di, kuzuŋ wappan wən nani, wapəl wəzaɓ dərɓagani, əvəl də mbazla nawpesl sən Yawe Maŋgəlva nokum.

Yo'el 2:17

Məsdəlveŋge dəhəmaŋ a walaŋgəla nawtoŋ dəddəvən a daŋgla də gəlamatuya, məɗɗaŋ wəza na Yawe dənahaŋ na: «Yawe, awla sasẽhit ɗiy noko; kədappet ɗiy nok aket wil ka ɗiy-ɗar dəmasaŋgən aket ɓa! Vimi adawnahaŋ aret ɗiy na: Aŋgay Maŋgəlva net di di?»

Əŋɗa 28:14

An məŋgla nawpesl afuŋ na ndən yaŋka: aza medgeɗge pak mbazla litər hoku, litər sula ammba ndargayã, litər taka də wəɗak nan ambat ndargayãk taka pakə. Aski əvəl nawzla kurmbuɗuk ammba ətəŋ na təlaper, məs naɗɗa də ətəŋ na təla ama gərəm addəv wəzva pakə.

Əŋɗa 28:4

Wət time mizilin taka kəfotgən də pummo, wət time mizilin an masulani kəfotgən də pay piriŋpiriŋgi,

Əŋɗa 28:7

Mbazla nawpesl nan ammba wət time mizilin an də mompumo na, litər taka də wəɗak nani. Ndəni mbazla nawpesl tatrãh napsən Yawe a təki nawzaɓ-Maŋgəlva.

Əŋɗa 29:6

Sap aza əvəl nawzla kurmbuɗuk na təlaper gəm əvəl də zəga na mabardaw nani gəm əvəl nawzla kurmbuɗuk məs naɗɗa ɗayɗay də əvəl də zəga na mabardaw gəm mbazla nawpesl ammbani. Va məsərəka, way məzlan məs məŋgənən nek sən Yawe yi.»

1Korintus 4:1

Muləm va məɗɗaŋ wəza na Kristu, va ɗiy məs məppan sit wən məɗama na Maŋgəlva aveti.

1Korintus 9:13

Kəsənnək na, məgəɗ wəza nawpal Maŋgəlva na əzəm nan pak səddəv Gəla na Maŋgəlva adawrəhəni, məɗɗaŋ wəza a matuya səza an na matuya adawrəhən haran neti ɓa sa?

2Korintus 11:23

Məɗɗaŋ wəza na Kristu wəŋ sa? Anəpel va na dərwa: In dayə. Addəv əya, in dayə; əssa a fərsəna, in dayə; ərəh ərga, in day pelepele. Addəv mandara namta, naw təl ɓaɓayə.

2Korintus 3:6

Ndəni dəɗɗəm nawɓap əsam məɗɗaŋ wəza na wənmiyna meleketeni, məza səza an məverin dəveri ɓa, səza Əmpəsi, vi an məverin awbay ɗəfa, Əmpəs tam apsən zeŋgile sən ɗəfa.

2Korintus 6:4

Addəv zəga pak mənam tat ərban dərəŋ na, məɗɗaŋ wəza na Maŋgəlva mənan də əɓəs diyɗa addəv tatwãhã, addəv vavyakə, addəv geslne.

Hənhən 11:3

Wanəslin miziweɗe naw sula, dəɗɗaŋgən kəleŋ də lukut na gəlabay azet zəga na əvoŋ gabal də səkat sula də kaklaw sləre (1 260).