Yeremiya 9:23 - Bible en Guidar

²³ An ɗəf man aka əkaɓ na, dəkaɓ dərəŋ vi tay də əsən naprəm gabba wəna gəm asənwəka, Vi in Yawe tə nədaɗɗa an moggoni, an sarara gəm an təstəs aka dəlva. Vi addivit zəgeɗ vas nədawnan neki Yawe aɗiymani.

Yeremiya 9:23 ပူးပေါင်းရင်းမြစ်များ

Ɗerewel na Yob 32:13

Vi kədawnahaŋ na: «Mərahək maɗɗula yaŋka ɓa: Maŋgəlva dədarbə sən wil ɓa na, ɗəfi ɓa.»

Ɗerewel na Yob 41:15

Genhẽɗe tahəŋ azan diyɗa Ɓəlɓələŋ aɓlaŋ ɓa.

Gəlyaɗe 33:5

Aŋgələk təstəs də wən sarra; dəlvafuŋ aknahək də moggon na Yawe.

Gəlyaɗe 34:3

Də Yawe zu adannekke; ɗiy dəvoŋgənən kiyit waprəmnəni, wannekeŋgi:

Gəlyaɗe 44:9

Pay pak waməɗi ki Maŋgəlva, waməgagdakan iya nok hã faɗə. Əziwe

Gəlyaɗe 62:10

Ha'aw, ɗəf titir va enene yi ɗarə; ɗəf titir uwawəni kaka'ə. An məslani gagdak net sap na, kofot kofotəŋ dayki enene.

Wənməkkpaŋga 11:4

Arya awtər wəray pay nawdagədəv ɓa, təstəs awkõgən ɗəf səma əmta.

Wənməkkpaŋga 21:30

Maɗɗula tay ɓa, əwelen wən tay ɓa, may əsəɓ tay aba Yawe ɓa.

Wənməkkpaŋga 3:5

Appan kizuk sən Yawe də mokrok taka, kədawziw aka əsən nok ɓa.

Məsmaɗula 2:19

Naway dəsən di? Wasan məsmaɗɗula sa awaniɓa məza maɗɗula akan ɓa, wasan məlĩ aka zəga an nəgəɗ pak məs nəzəmsãhã ndəndəni, an nəgəɗ də əɗɗa maɗɗula ammban: as vani zəga ɗari əmpa.

Məsmaɗula 9:11

Nulak ammba pay na, məs kakara azet dedawgapaŋ daabəŋ addəv ənza kaka ɓa, məs mekret dədaskaŋ wəla kaka addəv wəgay ɓa, məsmaɗɗulet dədawrahaŋ way kaka ɓa, məs əsən aket dədawrahaŋ arya kaka ɓa, məs kokonet dədawrahaŋ mbəlembəle kaka ɓa, vi pay moggoni də an mbərayən azzan sit pakə.

Isaya 10:8

Vi tay ənah na: deyeɗe net məzəlpaŋ naw va məlyeŋgeŋ ɓa sa?

Isaya 20:5

Ɗiy məs dəɗiyən əɗɗum net aka Etiyopi gəm aka Eziptə gagdak neti, geslne dit wil warme!»

Isaya 47:10

Kəppanək əɗɗum nok aka əɗɗa darawə. Is tat ənah na, ɗəf tay məzulu ɓa. Maɗɗula nok gəm əsən nok amndagokunuk dirɓe yaŋ kənah a mokrok na: Ɗəf tay va in ɓa!

Isaya 5:21

Əray yi azet ɗiy en məzuɗinən kiyzit va məsmaɗɗula məzulanən zit va məs əssən aketi!

Yeremiya 31:34

Ɗəf tay nawyagan ɗəf maɓɓani awaniɓa məlmən əmpa də wənah na: Asən Yawe ɓa, vi wasənwən baymet təŋ səzet memeɗeŋɗe net hã gap azet gugriɗ neti Yawe aɗiymani. Vi wanəvvuyon sit heslepe net də mambray neti, nəɗɗum na akan əmpa ɓa.

Yeremiya 48:14

Mbar kədawɓap ənahaŋ na: Məs makram mənani gəm məzəlpaŋ mənani di?

Yeremiya 48:7

Ha'aw adan kəɗi əɗɗum nok aka wəza nok gəm aka ərəh noko. Is vat zlaŋ, kagulki yi! Kemos maŋgəlva nokum wal aka balam, məsdəlveŋge nani gəm ɗiy gugriɗ nan sapə.

Yeremiya 49:4

Mi kədawkaɓgən də walaŋ di? Walaŋ nok arayka waŋ məɓoŋgət məs təppan zət aka arya nata. Ənah na: «Naway dədazzan əwak su di?»

Ezekiyel 29:9

Dələv na Eziptə warayə, wasan kiməskiya; kawsənni na, intə Yawe. Vi anahək na: Nil nawi yi, intə nəɗɗa.

Ezekiyel 7:19

Wazganən təbəz babar net aket tiveɗi, meleŋge net wakkpaŋ mərnokni. Təbəz babar də meleŋge net awɓap əbitit pay na ədagədəv na Yawe ɓa. Giyorgiyor wəlet abə na ɓa, godomblokit aknah na ɓa; vi ndəni zəga nawtaŋgbay dəki sit heslepe.

Daniyel 3:15

Ya kakaŋ na məsla zukum, an kəprəmənək ɓaɓəlma Mohõ, Pozloro, Gaŋgara, Gəzləŋtədəŋ, Gozloro, Gazaŋvəla gəm na zev zəga nasmay pak na, kəɓe'eŋgən əppu' aba zəgakamaŋgəlva məs nəzaɓ kawgagdakani. An kəppu'oŋ ɓa na, kazgokumi kakaŋ kakaŋ addəv movoro offo zilim zilimi. Zev maŋgəlva awani nawkogukum səvaw di?»

Mika 6:8

Mənah suki an dəslə is ɗəfa, an Yawe adawkayan azok na: zəga mbərni balsən wəɗɗa təstəsə əŋgla moggoni əsla zuk ədaw də Maŋgəlva noko.

Sefanya 1:18

Təbəz babar də meleŋge net aɓap na əkõhgit ɓa, pay net herɗe na Yawe gəm pay na sələh nani dəlvafuŋ bayman wazlə; vi wazan zəga pakə, sesel zəga naw geslne' səni, wagəɗ aket ɗiy nammba dələv pakə.

Markus 10:24

Geslne armek gewleɗ aka wəpel nanəska, yaŋ Yesu azlani, aɓsit əmpa na: Kirtuwa tuwãhi ətoŋ məlĩ na Maŋgəlva sawɓa.

Roma 1:22

Əɗiyən kiyzit na va məs maɗɗuleti mbaraka dərweŋge akkpaŋgaŋgə.

1Korintus 1:31

Vi, va məverin na: Ɗəf məzukaɓa, dəɗi əkaɓ nan addəv Daya.

Əmsak aka Mahenziŋ 8:17

Kədawnəh a mokrok na: «Də wəɓap naw gəm gbogboŋ na vawi nəsaw məs aryaŋka ɓa.»

Filipi 3:10

Ka nəsəngən Kristu də əɓap na əsilye nan səka əmta, nəsapgən dəndən addəv əzəmsahã nani, nəsawgən va ndən addəv əmta nani.

Filipi 3:8

Arbək na, in tat ula zəga pak ɗarə, vi nərahək zəga an na sləma dayə: Əsən Kristu Yesu Daya nawa. Aka batamni nətaf əzgan zəga pakə, in tat ula zəga pak va dagərgiya ɗarə, ka nərahgən Kristu.

1Timote 6:10

Vi əsim deleɗi, ndəni slalwãy mambray pakə. Ɗiy meɓɓet asiminik sawɓa, hã amzləhaŋgək ki ətaf neti, akiyənək əzəmsahã diyɗa aka ziti.

1Samiyel 17:42

Mə Filisti nak asəŋgləkanək Davit, azelenke, vi Davit gawla slawraŋga yi tagay, vi wiyən pepreŋgi lelewe.