Yeremiya 9:18 - Bible en Guidar

¹⁸ Vaŋvəl na gəlabay tay əprəm sə Siyon: Haya mbar məzam vaŋ di? Mərbə səm wil gbaŋ di? Vi məppanək dəlva, gəleɗe nam aɓzlaŋka!

Yeremiya 9:18 ပူးပေါင်းရင်းမြစ်များ

Gəlyaɗe 119:136

Sin agilyoŋguk araw buwwa, vi dərmanən mahenziŋ nok ɓa.

Isaya 22:4

Vi vaski nənah na: Kədawlaŋ azaw ɓa, məppaw əhəm haraw pəreŋgi sin zletzleti. Kəyanən zukum əɓətgu aka əray na walaŋgəla net ɗiy naw ɓa.

Yeremiya 13:17

An kəprəmən əzga'əs ɓa, wanəhəm mahaɗama sən əkaɓ nokum, wanəmet sini, haraw wasan zletzlet dit sini, vi məkani gazlaŋ na Yawe aka balamə.

Yeremiya 14:17

Ya kəpel sitgin əpeliŋka: Sin dəssoŋ araw sliɓsliɓ məza ərsla ɓa dəfəɗ də kapay pakə, vi tatwãh metiŋgin aɗiyək vamvi azet ɗiy nawa vamvi məza anzaɗ kpak ɓa.

Yeremiya 3:24

Matuya na Ba'al, maŋgəlva net wil azanənək wəza net efiŋgiɗmə, gilew neti, wasliɗe neti, kirtit mezeŋgleket dit muguluŋgiti, far səka sawã namə.

Yeremiya 3:25

Məsamsəm addəvit wil namə, mətaf səm ərbet wil namə, vi məgəɗək mambray sən Yawe Maŋgəlva namə, mənamə va efiŋgiɗmə, far səka sawãmə hã gap pay dəpaŋka; məprəm ma Yawe Maŋgəlva nam ɓa.

Yeremiya 4:20

Tay ənahaŋ na əza aka əza, vi dələv pak azəka. Gurzik ləŋ mipiwwet gizlirkeɗe nawa, hara ɗəf pilim taka ləŋ mipiwwet məzlaraɗe naddəvit gizlirkeɗe nawa.

Yeremiya 6:26

Ɗiy nawa, mugul lukut na gəlabay azokum məpətukul aka moŋglo va əska morkoyo ammba wiyin karmalay dəmtə, muɓuh mokum ɓəluwɓəluwə, vi məzuraygən təki wade akam girziki.

Yeremiya 7:29

Afiw muhur kiyuk na iynama, azgani. Aya gəlya nawɓuh mok aka mossorgo məɓayən pəɗal pəɗalə. Vi Yawe azelik gəm azganək sayit ɗiy məs dəsilginin ədagədəv nani.

Yeremiya 9:1

Nawvay gəla a kapta-muyã va təki naffet net mədawaŋ malaka na! Kəta wanəppet ɗiy nawa wanəmbat faraɗa səzeti. Vi ɗiy məkuwaŋ a gizbeŋ baymeti ɗiy mbəreytiŋ.

Yeremiya 9:10

Wanəkkpaŋgan Yerusalem ka korguɗe, ka təki nawɗam net kirɗemuyã, wanəkkpeŋget walaŋgəleɗe gugriɗ na Yuda muyã məs dəf tay adak ɓa.

Yeremiya 9:20

Əmta atoŋguk də təkifoŋgo məpəl aza gəla namə, atoŋguk addivit gəleɗe lelewɗe namə, kawbay kirin səka tive gewleɗ tamə sə təki nakkala.

Əɓuhma 1:2

Ndən kim aka əhəma: Sin aran zletzleti. Ɗak tat nawɓətgən səret gəreŋgiɗin ɓa. Beyneŋgiɗin pak appanənka, kpaŋgaŋ məzuzelɗe nani.

Əɓuhma 2:11

Haraw pəreŋ sən əhəma, zəga van aɓlawka, makraw tay əziw a gəlan ɓa sən əray məs dərih ɗiy nawəŋka. Vi kirin memeɗeŋɗe dit en namet bide pak tay əmtaŋ a walaŋgəla-metiŋ.

Əɓuhma 2:13

Də Mi nədassak suk di? Mi nədaŋɗa nawsla də is di, walaŋgəla-metiŋ na Yerusalem? Mi nədawsluk dəndən naffeten suk mokrok di, walaŋgəla-metiŋ na Siyon? Vi əray nokuŋ diyɗay va pehe; Naway nawmbəlguk di?

Əɓuhma 2:18

Mekret ahəmsənək Daya, zlava nat waŋ na Siyon. Appet sin nok dəzlbaŋ va məlpa dəfəɗ də kapay pakə. Kədaffeten zuk ɓa, horok adaŋkəla ɓa.

Əɓuhma 3:48

Sin agilyoŋguk gekgek arawa vi əza nat waŋ net ɗiy nawa.

Amos 5:16

An Yawe Daya Maŋgəlva Məzuɓappak anah yaŋka: «A təki nakkal pak kaprəmi əɓuhma. Aket tiveɗ pak ɗiy wanahaŋ na: “Əraya haya! Əraya haya!” Ɗiy nawya a gəlabay na, ndəɗaŋgə məzənseŋgi, gəm ɗiy en dəsənaŋ əhəm na gəlabaya;

Luka 19:41

Aka Yesu azar go'o awla walaŋgəla-metiŋ, ahəmgənka.