Yeremiya 9:11 - Bible en Guidar

¹¹ Naway ɗəf məsmaɗɗula naprəm gabba wənəs di? An Yawe apel sənək na dərban sit ɗiy na, vimi dələv azə, məɗi sən offo kpaŋ va kapta-muyã ɗəf awtoŋ dədak ɓa di?

Yeremiya 9:11 ပူးပေါင်းရင်းမြစ်များ

Nehemi 4:2

Yaŋ aslerin met ammba zit beymet kawaksən Yerusalem, kawraygəni.

Gəlyaɗe 107:43

Məsmaɗɗula dərme zəgeɗis pakə, gəm dəwelet wəzeɗe na moggon na Yawe.

Gəlyaɗe 44:19

Məmil dirɓe ɓa, məmzlah səka tive nok ɓa.

Gəlyaɗe 79:1

Gəlyanalva na Asaf. Maŋgəlva, ɗiy-ɗar azlalbaynənək təki noko, arga'ãnənək gəla nok salala, gəm aɓzluwənək Yerusalem.

Isaya 13:22

Derzliŋgeɗ wahəmaŋ addivit gəleɗe nani gəm wawayɗe addivit gəleɗe mogget na məlyã. Pay nazza nan gu'o yi, əvoŋ nan azzek na ɓa.

Isaya 25:2

Vi kəkkpaŋganək walaŋgəla-metiŋ ka girmeŋge kpewi, walaŋgəla gbogboŋ ka kiməskiya. Kəzetik gəleɗe gbogboŋɗe net molhõyẽɗ assoŋ na va walaŋgəla-metiŋ ɓa. Kamsaki ərkan ɓa hã faɗə.

Isaya 34:13

Geslembeɗ məs degirge azet wagilyoŋ akki gəla na məlyã, addivit gəleɗe gboloŋgboloŋ neti, kevile gəm nzewɗe wassoŋ hizikhiziki. Təki nawɗam net wawayɗe yi, gəm təki na herkeseŋ.

Isaya 44:26

Nəziwik aka əpel na gawla nawa, nəɗɗak an maslənɗe naw aɗɗumongu. Nənahək na Yerusalem na: Waknah dit ɗiyi. Walaŋgəleɗe gugriɗ na Yuda na: karketi yi. Kawsilgini əɓzla nani.

Yeremiya 1:15

Yawe aɗiymani, vi inyakən kawye mahəlfaɗe dit milyeŋge na kəla disiŋ pakə. Asna wazzoŋgu naway pak waɗi mazaŋga na məlĩ nan a maddamba na Yerusalem go'o. Wassoŋ ki zlava nan tərwəslə, warmaŋ mama aza Yuda.

Yeremiya 10:22

Məprəma, alabara tay əzani. Gogoyo metiŋgin tay əzan səka dələv na kəla disiŋ; kawzet walaŋgəleɗe gugriɗ na Yuda kakkpaŋget ka təki nassa net kirɗemuyã.

Yeremiya 16:10

Pay kədawnah zəgeɗis sit ɗiyiŋki, asna wanahaŋ sukun na: Aka mi Yawe apel tatwãh metiŋ vas akam di? Mi heslepe nam di? Mə mambray mi məraygən sən Yawe Maŋgəlva nam di?

Yeremiya 25:11

Dələvəŋ pak wakkpaŋ kiməski muyã ɗarə, ɗiy naka dəlvəŋ waɗɗaŋ wəza sən məlĩ na Babilon əzva kaklaw buhul.

Yeremiya 25:18

nəpsəntək Yerusalem, walaŋgəlaɗe gugriɗ na Yuda dit məlyeŋge nani, ɗiy gugriɗ nani, kakkpaŋget va kiməskiya, kafyok aketi gəm nawsla kiva əraygən ɗəf dənɗaŋ va pay dəpaŋgənənka.

Yeremiya 26:18

Aka pay na Hizkiya məlĩ na Yuda, Mika, ɗəf na Moreset məgəɗ kəleŋ apel sitik ɗiy na Yuda baymet də wənah na: An Yawe Məzuɓappak anah yaŋka: Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Yeremiya 26:9

Vimi kəgəɗ kəleŋ də iya na Yawe dawnəh na, gəlaŋ wasan va təki nakkaman Maŋgəlva na Silo gəm walaŋgəla-metiŋgin warayə ɗəf tay nassan addəvən ɓaŋ di? Ndəni ɗiy pak akkalaŋ aka Yeremiya addəv gəla na Yawe.

Yeremiya 34:22

wanəɗi sit wən nani, wanəki aka walaŋgəla-metiŋginiŋka, wagayan dəndəni, wamõhuni gəm waɗisənən offo, wanəkkpaŋget walaŋgəleɗe gugriɗ na Yuda va kapta məs ɗəf awsan adak ɓa Yawe aɗiymani.

Yeremiya 4:27

Vi vaŋki Yawe anahə: Dələv dəwən nan pak wakkpaŋ va kapta ya nəzan na kakãh ɓa.

Yeremiya 44:2

Vaŋ Yawe Məzuɓappak Maŋgəlva na Israyel anahə: Nokum kulanənək tatwãh nəki aka Yerusalem gəm aket walaŋgəleɗe na Yuda pakə, yeŋ pay dəpaŋ kiməskiya, ɗəf tay addivit ɓa.

Yeremiya 49:33

Hasor wakkpaŋ təki nawɗam net wawayɗe, təki məraygən faɗə. Ɗəf tay nassan adak ɓa ɗəf titir tay nassan də gəla akan ɓa.

Yeremiya 50:3

Vi Vanday net ɗiy tay əzzan akan hã sə kəla disiŋ, nan wabar'ãt dələv nani ɗəf tay nassan akan ɓa. Təŋ səza ɗəf titir hã azet zəgeɗ mamayẽɗ pak anzoŋko, addoŋko.

Yeremiya 51:37

Babilon wakkpaŋ va kiməskiya, təki nassa net wawayɗe, walaŋgəla məraygən nawɗi fofyoko akani gəm məza ɗiy addəvən ɓa.

Yeremiya 8:22

Miha' nawɗan gəla əssa tay a Galad ɓa sa? Awaniɓa zloktor tay adak ɓa sa? Vimi huwwa net ɗiy naw anzaɗ ŋgbəlay ɓa di?

Əɓuhma 1:4

Əhəmi yi aket tiveɗ na Siyon, ɗiy tahəŋ dədazzoŋ a təki əŋɗa va ɓa. Metiveɗ nan pak arayaŋka, məsdəlveŋge nan tahəŋ ənɗəsaŋgə. Zit gorɗeŋge nan tay baybayə; wən na dərwa dəɗar akani.

Əɓuhma 2:2

Bəbəh Daya abbəh təki nawtaɗ na Yakob, səɗək asɗək bayman məza ula səsãhən ɓa. Azetik walaŋgəleɗe na korgu na Yuda addəv ədagədəv nani, azlambrakanək afuŋgu. Araygənək dələv dit milyeŋge nani.

Əɓuhma 3:47

Geslne, vovu əza kuɓupu gəm tatwãhĩ akamə.

Məsdəlveŋge 26:32

wanəraygən dələv nokum dəvawa, məzuzelkumən en dəzzoŋ də gəla adak waggətaŋgə.

Mika 1:6

Wanəkkpaŋgan Samari va kiməskiya va muyã nampa megezlembirkeɗi; wanəɗɗa gərmeŋge nan dəderzeheŋgin də kakara addəv walaŋ, gabban wawəl appaka.

Mika 3:12

Aka wən nokum Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Mika 6:16

Is tat əzban an məlĩ Omri aziwgini, is tat ədaw va gəla na Akab adawə. Is tat əzban təlni! Wanəraygən walaŋgəla-metiŋ, kawmasi aket ɗiy nani. Əra net wil net ɗiy naw wakkpaŋ akokum.

Əmsak aka Mahenziŋ 29:23

Ɗiy na guw gboŋ pak wanahaŋ na: «Vimi Yawe agəɗ sən dəlvəŋ vaŋ di? Vimi aki herɗe akan gbaŋ di?»

Hənhən 18:2

Aŋgəslək vaŋvəl dayadaya na: Aɓəslka, aɓəslka, Babilon walaŋgəla-metiŋ naka. Akkpaŋgək təki nassa net tuyeŋɗe, təki nassa net əmpəsɗe mbəreyti, təki nassa net biŋgeɗ mbəreyit dit en nawmə' pakə.