Yeremiya 9:10 - Bible en Guidar

¹⁰ Wanəkkpaŋgan Yerusalem ka korguɗe, ka təki nawɗam net kirɗemuyã, wanəkkpeŋget walaŋgəleɗe gugriɗ na Yuda muyã məs dəf tay adak ɓa.

Yeremiya 9:10 ပူးပေါင်းရင်းမြစ်များ

Isaya 41:15

Awla nəɗikuk va mawta narga haya, məs slayən meleketeni. Wakəsir mossorgoɗe gugriɗe, wakətekeɗe, wakəkkpeŋget mossorgoɗe va eslesle.

Isaya 49:19

Dələv məɓzluwən məpiweni gəm mərayguk kənani. Wakəsok russo kakaŋ viyit ɗiy nani, ɗiy məzuzokun waddoŋ faraɗa.

Yeremiya 12:10

Məzuteɗeŋɗe diyɗa araygitinik megezlembirkeɗ nawa, andapanənək guli nawa. Akkpaŋganənək guli məs nəŋgəl ka kapta-muyã daŋdaŋgə,

Yeremiya 12:11

Məkkpaŋgani va kapta akkpaŋgək daŋdaŋ abawa, dəlev dəwən nan arayka vi ɗəf tay dəɗi makran akan ɓa.

Yeremiya 12:4

Pay gbəŋgbar dələv adawsan addəv əhəm na gəlabaya di? Pay gbəŋgbar geslembet sura adassoŋ akawɓət di? Zəgeɗ memeyẽɗ dit biŋgeɗ pak tahəŋ əmtaŋ vi mambray net ɗiy məs dəssoŋ aka dəlvəŋka, tay ənahaŋ na: Awla na ənziya nam nabe ɓa.

Yeremiya 14:6

Korɗe nawra aziweŋgik aket mossorgoɗe pəɗalpəɗalə, tahəŋ əffok mammba səmyã va wawayɗe. Heret ayək dawkay kevile ya tay ɓa.

Yeremiya 2:15

Bigawleɗ net ɓooliɗ tay əbayaŋ sənən gagay. Tay əbayaŋ gagay zit soksoku. Araygənək dələv nan kuɗupu. Məzleti walaŋgəleɗe gugriɗ nani, ɗiy tahəŋ addivit ɓa.

Yeremiya 2:6

Dənahaŋ na: Ŋgay Yawe məs dəpeŋgəm səka dələv na Eziptə məs dədawgəm a kapta-muyã, aka dələv məs daŋdaŋ dit məŋkparaɗe, aka dələv mukuro də guzli ndiɗimi aka dələv məs ɗəf dətoŋ ɗah dəkan ɓa, məs ɗəf dəsan ɗah də gəla adak ɓaŋ di?

Yeremiya 23:10

Dələv aknahək dit ɗiy məkuwaŋ a gizbe. Vaski dələv tay addəv əhəm aka wən na mefɗeke; təki nawtaɗ a kapta-muyã akəlka, əɗɗum net aka əɗɗa mambrayi gurom net dəslə aza an naɗɗa ɓa.

Yeremiya 50:3

Vi Vanday net ɗiy tay əzzan akan hã sə kəla disiŋ, nan wabar'ãt dələv nani ɗəf tay nassan akan ɓa. Təŋ səza ɗəf titir hã azet zəgeɗ mamayẽɗ pak anzoŋko, addoŋko.

Yeremiya 7:29

Afiw muhur kiyuk na iynama, azgani. Aya gəlya nawɓuh mok aka mossorgo məɓayən pəɗal pəɗalə. Vi Yawe azelik gəm azganək sayit ɗiy məs dəsilginin ədagədəv nani.

Yeremiya 8:18

Makraw tay əssawa, miyhã nan tay ɓa, zu pak zamzamə

Əɓuhma 1:16

Aka wən net zəgeɗiski nədawhəma. Sin araw gekgeki. Vi ɗəf nawɓətguwa gəm nawmbəlgu faraɗay səzawa. Kirtu azaŋka, vi məzuzel naw adayək kiwa.

Əɓuhma 2:11

Haraw pəreŋ sən əhəma, zəga van aɓlawka, makraw tay əziw a gəlan ɓa sən əray məs dərih ɗiy nawəŋka. Vi kirin memeɗeŋɗe dit en namet bide pak tay əmtaŋ a walaŋgəla-metiŋ.

Əɓuhma 5:18

Vi məzani mossorgo metiŋ na Siyon. Akkpaŋgək təki net balwayɗe.

Ezekiyel 14:15

An nəslənək zəga darawən aka dələv nan azetik kirtini, vasna əray metiŋgini, ɗəf tay nawtoŋ kəla dak ɓa, vi zəga darawən naka.

Ezekiyel 27:2

Wətən ɗəfa, ayə gəlya na gəlabay aka Tir;

Ezekiyel 29:11

Təl ɗəf atoŋ na adak ɓa, təl zəga mamayã atoŋ na adak ɓa; ɗəf asan na də gəla akan ɓa gap əzva kaklaw poɗo.

Ezekiyel 33:28

Wanəkkpaŋgan dələv kapta-muyã məraygəni, əkaɓ ammba gbogboŋ nan wazə; mossorgoɗe gugriɗ na Israyel warayaŋgə, ɗəf tay nawtoŋ dədak ɓa.

Ezekiyel 6:6

Təki kəssoŋ də gəla pak walaŋgəlaɗe gugriɗ nadak wassoŋ ka kiməskiya, kawzeti gəleɗe-nettuyeŋge wassoŋ məɓzluti. Kawzeti təkiɗe nawzaɓ-Maŋgəlva nokum atəraŋ na wəray ɓa, kaŋgrofti zəgeɗmeŋgilveɗ nokum wazaŋgə, kakrepti matuyaɗe nawzla tursan nokum, kawzani wəza nokum temtem pakə.

Hose'a 4:3

Vini yi, dələv van adawhəm na gəlabaya, ɗiy nakan waddakaŋ pak sap dit zəgeɗ nawra, dit biŋgeɗ na disiŋ; may kilfeŋge na pehe dayday wahhiyaŋgə.

Yo'el 1:13

Məsdəlveŋge miynan dadokkum, məɓuh mokum, məhəmə mənokum məɗɗaŋ wəza a matuya. Mide məvoŋ dit sakɗe azokum, ɗiy gugriɗ na wəza na Maŋgəlva nawa: vi awkiyaŋ əvəl də mbazla nawpesl addəv Gəla na Maŋgəlva nokum əmpa ɓa.

Yo'el 1:19

Anok nədawhəm suko, Yawe: offo tay əzəm təki nawtaɗ sura; nzilim nzilim na offo tay əpalket wəleŋɗe na guli pakə.

Amos 5:1

Məprəm əpeləŋka, maw nədawɓuh akokuməŋka mə Israyelɗe.

Amos 5:16

An Yawe Daya Maŋgəlva Məzuɓappak anah yaŋka: «A təki nakkal pak kaprəmi əɓuhma. Aket tiveɗ pak ɗiy wanahaŋ na: “Əraya haya! Əraya haya!” Ɗiy nawya a gəlabay na, ndəɗaŋgə məzənseŋgi, gəm ɗiy en dəsənaŋ əhəm na gəlabaya;

Mika 2:4

Pay nan dəpas na, kawyay yi gəlya na əhəm də mənokum, kawnəhi na: Agrakka, məmohõmi səkkay, atafənək ərəh net ɗiy nawa mbarmbar atafən səvaw di? Awɗakənək guli nam sit ɗiy məɓoŋti.

Mika 3:12

Aka wən nokum Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.