Yeremiya 8:6 - Bible en Guidar

⁶ Nəzlgək sləma əprəmti təstəs tay addəv an apeleŋ ɓa. Ɗəf tay dədawɗi marava aka mambray nan dawnəh na: «Mi nəgəɗəŋ di ɓa?» Naway pak əzban ənza nan va pələs məgəm zən əmbat a ma əgaya.

Yeremiya 8:6 ပူးပေါင်းရင်းမြစ်များ

Ɗerewel na Yob 10:2

Wanənah sən Maŋgəlva na, kədaɗiyu ka məs mambray ɓa, arban su an nəgəɗ suko.

Ɗerewel na Yob 34:31

Ɗəf wanah sən Maŋgəlva na: Nəslanək wən nawa, nəgəɗ na mambray ɓa sa?

Ɗerewel na Yob 34:32

An məs nula ɓa na, arban suwa. An mbərayən nəgəɗə, nəzban na əɗɗan ɓa.

Gəlyaɗe 14:2

Sə disiŋ Yawe aɓe' aket ɗiyi, kawla na, məs əsən akan tay sa, tay məzukayan Maŋgəlva sa?

Isaya 30:18

Vi vaski Yawe waga pay nawgəɗ sukum mbəlembəle, wasil vi kawla sãsãhkum. Vi Yawe Maŋgəlva təstəsi. Zazay azet ɗiy en məzuganən pakə.

Isaya 57:17

Vi heslepe na əsim zəga nani yi nədə gədəva. Addəv ədagədəv nawa nərbəsənəka maw tay aka ulan ɓa aɓɓəlanək kini, agəmək tive məs aŋgələ.

Isaya 59:16

Awlak na ɗəf təttaka tay ɓa asiripik zəni vi ɗəf tay dətoŋ əbbah ɓa. Yaŋ van apsən əska wəla, təstəs nani, nan ampəsənək ɓəɓəla.

Yeremiya 23:25

Nəprəmək an məskəleŋɗe anahaŋgə. Məzupeleŋ va məskəleŋɗe də iya naw də uwawən dawnəh na: Nissinik na, nissinik na!

Yeremiya 3:5

Wakərma ədagədəv nok akaw faɗ sa? Wakərmu a mokrok sa?» Vas kədawpele, ya kəzbanək əɗɗa mambrayə!

Yeremiya 5:1

Məbbal aket tiveɗ na Yerusalem, kamə məwələ, məttoku; məkayan təki temtemi, an wakərahaŋ ɗəf təttaka məgəɗ təstəsə, təttaka məkayan ədaw aka tive təstəsə. Asna wanəvvuyon sən Yerusalem vani.

Ezekiyel 18:28

Awlaka, ndən buryok səka əɓoŋ nan temtem an aɓoŋgu: wasan madarani, amtə na ɓa.

Ezekiyel 22:30

Nəkayək ɗəf səret narka zlava, dəziw abaw a təki miɓliwin viliŋge, əka wən ammba dələv vi nədawzan kəta ɓa: ya nərah ɓa.

Daniyel 9:11

Mə Israyelɗe pak amzlahaŋgək səka mahenziŋ noko, aɓoŋgoŋko dəprəmən mok ɓa. Ndəni wəray məsway akan məverin addəv mahenziŋ na Moyis məgəɗ wəza nok is Maŋgəlva ade akamə vi məgəɗ sukuk mbərayən.

Mika 7:2

Ɗəf təstəs tay aka dələv ɓa, ɗəf tay taka mədaw sarara aweleŋgit ɗiy ɓa. Baymet pak sən əggbo' mbel avoŋgoŋ tive; ɗəf pak tay ənslən pew̃eŋ aba məlməni.

Sefanya 3:7

Nənah na: «Ageslne' su kaka'ə, kətafgən iyaka! Təki nassa nan azəna ɓa.» Va pay nəsil akan pakə, agəmənək zit əraygən zəga naɗɗa neti.

Haggay 1:5

Ya kakaŋ na, Yawe Məzuɓappak amna: Məɗɗumon ənziya nokum.

Haggay 1:7

Vaŋki Yawe afən gagdak apeli: Məɗɗum moggon aka ənziya nokum.

Malakiya 3:16

Vaski məzəgeslne' sənən Yawe adazgan meŋ a walaŋ ziti. Yas Yawe apak sləman aprəməka. An məɗɗumon tay məverin addəv ɗerewel aban aka wən net ɗiy məgeslne'eŋ sənən Yawe gəm məzəɗɗumon aka iya nani.

2Piyer 3:9

Daya tay əlya də əknahan iynama nan va ɗiy meɓɓet adaɗɗumoŋ ɓa. Ya tay əɓəs sukum vi dəŋgəl ɗiy meɓɓet dəzaŋgən ɓa, kəta ɗiy pak dəgapaŋgən aza əɗi marava.

Hənhən 9:20

Ɗiy məs dəmbraŋ tamə, məs dəmtaŋ sit gəbayɗe ɓa, dəɗiyaŋ marava səket wəzaɗe net aɗɗaŋ də vet ɓa, dəzbanən əgagdeket tuyeŋɗe, zəgeɗkamaŋgəlva na meleŋge awaniɓa na təbəz babara, na təbəz pepreŋge, na gərma awaniɓa na wəlaŋga, məs awɓapaŋ ula ɓa, əprəm ɓa, ədaw ɓa.