Yeremiya 8:13 - Bible en Guidar

¹³ Əza nədawzeti Yawe aɗiymani vi uwa tay aka megezlembirke van ɓa, uwa tay aka sokoyo van ɓa, gaslamban aɓətka. Nəppetik sit ɗiy nawndepetini.

Yeremiya 8:13 ပူးပေါင်းရင်းမြစ်များ

Isaya 5:10

Kare kəlaw na guli net megezlembirkeɗ aɗotoŋ na litər kaklaw sle ɓa; zeŋve naslga marga aki na hĩlĩw ma way kəlaw kəlaw ɓa.

Yeremiya 14:12

An aɗɗaŋgək meme zlaŋgə, nəprəm na əkkam net ɓa. An adaŋ suwənək əvəl nawzla kurmbuɗuk gəm aɗɗaŋ suwənək əvəla, nənnek na dənɗaŋ ɓa. Ya də masalam, mayã gəm gəbaymərma nədawzeti.

Yeremiya 14:15

Vini kan Yawe anah vaŋka: Dəwəl sit məskəleŋɗe məs dəɗɗaŋ kəleŋ də iya nawa, ya in nislin ɓa, dənahaŋ na: aka dəlvəŋ na, masalam asan na ɓa, may ɓa. Ya də masalam gəm may yi məskəleŋɗes adawzaŋ gərakə.

Yeremiya 17:8

Wasan va wəlaŋga məmpan a met iŋkile, tay əka slalwayən kəla lolohõ. An təki kakãh adeke, awgeslne ɓa, van meddəkan adawsani. Aka əzva na koloy na tay dədawfayãn ɓa, appan na uwa ɓa.

Yeremiya 5:17

Ya wazəmnən zəga na mabardaw nok gəm way noko, wazimnin kirtuk mezeŋgleket dit muguluŋgiti, wazimnin wasliɗe dit gilew noko, wazimnin megezlembirkeɗ dit sokoyeɗ noko; wapuwetin walaŋgəleɗe gugriɗ nok na korgu məs kədawlan na zəga tay nawrəhuk sədak ɓaŋ də masalam.

Yeremiya 7:20

Vini kana, vaŋ Yawe Maŋgəlva anahə: Ədagədəv naw dit herɗe naw yeŋ əgbo'oŋ aka təkiyəŋka, aket ɗiyi, zəgeɗ memeyẽɗi, wəleŋɗe nawra gəm uwa na zəga na mabardaw. Wazlə, amtə na ɓa.

Ezekiyel 22:31

Yaŋ nəggbo' herɗe naw aketi; nəzetik də offo nawdagədəv nawa; nəkkpaŋgan sitik ədaw net aketi. Daya Yawe aɗiymani.»

Hose'a 2:12

Kakaŋ wanərban ərba wil nat a maheret gəreŋgiɗta, ya ɗəf tay nawtərət səvaw ɓa.

Yo'el 1:7

Tay əɗi guli na megezlembirke naw ka kapta-muyã, abəletik sokoyeɗ nawa. Aproɗike, ndən ndol əndolit afuŋ, kiyvet kpaŋ ofrohu.

Məsdəlveŋge 26:20

wakəyanən zukum samə, dəlvafuŋ agəɗ na zəga əmpa ɓa, wəleŋɗe naka dələv awaŋ na əmpa ɓa.

Habakuk 3:17

Vi sokoyo affuy na ɓa, tay nawrəh aket megezlembirkeɗ ɓa, wəza na hereme atərna wəray ɓa, zəgeɗ nawzəm aɗɗaŋ na a guli ɓa, gilew assoŋ na a gazlaŋ ɓa, wasli asan na taka dayday a gibek ɓa.

Haggay 1:11

Nəɗɗak koloy aka dəlva, aket mossorgoɗe gugriɗe, aka haykəmari, aka mbazla na meketepe, aka mẽlẽ gəm aka zəga na mabardaw pakə; aket ɗiyi, zəgeɗ memeyẽɗi də aka ərah na wəza nokum pakə.

Haggay 2:17

Nəraygənək wəza na vokum, də wəslən muŋgus, doŋgoyoŋ gəm ɓeɓrezleɗi, ya kəmulyoŋ azaw ɓa, Yawe aɗiyman na.

Malakiya 3:11

Wanətak zəga məzəm guli nokum, araygən na zəga na guli nokum ɓa gəm guli na megezlembirke nokum asan na ndarzlay ɓa, Yawe Məzuɓappak anahə.

Matiye 21:19

Awələk sokoyo taka aba tive, amzlahək ammbani, ya dərah zəga akan abbər gaslamba kaka' ɓa. Yaŋ Yesu anah sən sokoyo na: Kəwə na ɗah ɓa. Go'ləŋgə sokoyo akəlka.

Yakob 1:11

An pay tay əzla də təki kakãha, waɓət kevile, uffiyo nan wayo'u, lelew nan pak wagrakə. Vaski'e məsarya adawza də wəza nan pakə.