Yeremiya 8:10 - Bible en Guidar

¹⁰ Vini nədapsit gil net sit ɗiy mbirti guli net sit ɗiy en nawmõhini Vi təŋ səka muzliya hã gap ɗəf metiŋgini, naway pak tay əkayan ərəh kaka; təŋ səza məskəleŋ gap aza məsdəlva, naway pak tay uwawəna.

Yeremiya 8:10 ပူးပေါင်းရင်းမြစ်များ

Ɗerewel na Yob 31:10

asna ɗak naw təsər sən ɗəf maɓɓani, gəm ɗiy meɓɓet dəvoŋgetəni.

Isaya 28:7

Məsdəlveŋge dit məskəleŋɗe pak tay əttapaŋ sən wən na mbazla tay əzaŋ sən əbay na mbazla, mbazla abeyike, tahəŋ gərəŋgərəŋ sən mbazla, tay əzaŋgə, awlanən an dədaɗɗa ɓa awɓapaŋ wətawwən ɓa vi mbazla abeyike.

Isaya 57:17

Vi heslepe na əsim zəga nani yi nədə gədəva. Addəv ədagədəv nawa nərbəsənəka maw tay aka ulan ɓa aɓɓəlanək kini, agəmək tive məs aŋgələ.

Yeremiya 14:14

Yawe azlan suwək na: Məskəleŋɗe wən adawaŋ də iya nawa. Nəslin ɓa, wən tay məs nəɗi sit naɗɗa ɓa. Nəpel sit ɓa. Wən ɗar adawlaŋgə, əpel mekeleŋgi, mekret dədawmbəɗet nawgəɗ sukum kəleŋ!

Yeremiya 14:18

An nigilik awra, ɗiy mimtit sən əgay nədawla. An nətoŋguk a walaŋgəla-metiŋgini, ɗiy məzəmtaŋ sən may nədawla. Vi məskəleŋɗe gəm məsdəlveŋge dayday abbalanənək dəlva: dərəhnən gabban ɓa.

Yeremiya 17:11

Va taɓraw məs dəvoŋ aket ɗeŋzle məs awəŋ ɓa vaski məgəɗ arya məs də tiveni ɓa. Aka dadak ənziya nani, arya nan wappani aza əggrak nan na wakkpaŋ mitemin.

Yeremiya 22:17

Ya nok horok də mokrok pak aka ərəh noki, gəm aka əggbo' mbel net ɗiy en də mazlibezlibe na meti, aka əsər met ɗiyi gəm aka əɗɗa darawi yi.

Yeremiya 32:32

aka mambray an mə Israyelɗe gəm mə Yudeɗ aɗɗaŋ nawdan su gədəvwa, ndəɗaŋ, milyeŋge neti, ɗiy gugriɗ neti, məsdəlveŋge neti, məskəleŋɗe net dit ɗiy na Yuda gəm en na Yerusalem.

Yeremiya 38:22

Gil dəppaŋ ana məlĩ na Yuda da pak kawketi sit deyeɗe na məlĩ na Babilon. Gil vet wayaŋ gəlya məmya'ən dawnəhaŋ na: «Beyneŋguɗuk ambəɗokunko, arəhənək gobboko. Təluk agəkək ara ndərɓa, ndəɗaŋ səmmbok vərzləhə.»

Yeremiya 42:1

Yas deyeɗe net məzəlpaŋ, Yohanan wətən Kareya, Yezaniya wətən Hosaya gəm ɗiy pak muzliya də ɗəf metiŋ pakə azzoŋ

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Əɓuhma 4:13

As pak agəɗ na aka mambray net məskəleŋɗe nani, gəm an məsdəlveŋge nan araygənəni yi, abeyinik ɗiy təstəs addəvni.

Ezekiyel 33:31

Wazzoŋ azok hiɗimhiɗimi, wassoŋ aboko, ndəɗaŋ ɗiy nawa, tahəŋ waprəmən əpel noko ya azbanən na ɓa, vi met aka əzban ənnek neti gəm ərəh an mekret asan akani.

Amos 5:11

«Vini kan Yawe anahə: mənokum tat əppət məzuraya, gəm əfaɗgən nzalaka na zəga na mabardaw. Kərkaŋgək gəleɗe dit gərmeŋge məslmeti kəssoŋ na addivit ɓa, kəmpaŋgək megezlembirkeɗ na sləma kəsaŋ na mbazla net ɓa.

Mika 2:4

Pay nan dəpas na, kawyay yi gəlya na əhəm də mənokum, kawnəhi na: Agrakka, məmohõmi səkkay, atafənək ərəh net ɗiy nawa mbarmbar atafən səvaw di? Awɗakənək guli nam sit ɗiy məɓoŋti.

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Mika 3:5

An Yawe anah aket məskəleŋɗe məzetin ɗiy nan yaŋka: An zəga tay a bereti, ndəɗaŋ ənahaŋ na zazay tayi, ya ndəɗaŋ əɗɗa əgay də ɗəf an dəgul sit zəga a beret ɓa.

Habakuk 1:6

Vi in yakəŋ əki mə Kaldiyeɗi, ɗiy tatrãhɗe awlaŋ sasãh ɗəf ɓa, məzəbbalanən ki dələv gboŋgu, vi kawmõh təki nassa məza neti ɓa.

Sefanya 1:13

Ya kawmohõni arya neti, kawreygiti gəleɗe neti. Warkaŋ gəleɗe, assoŋ na addəvit ɓa; wampaŋ megezlembirkeɗi, asaŋ na mbazla net ɓa.

Titus 1:11

Amsan meti, tahəŋ əraygitin ɗiy də gəla net pakə, də əɗɗa əyak məs dəslə ɓa vi kawrəh ərəh net wili.

Titus 1:7

Vi aslək məzutaɗa net məkristuɗe dəsangən məza də wən akan ɓa, vi ndəni məzudawgən wəza na Maŋgəlva. Adawsan ɗəf məzukaɓ ɓa, mədəgədəv ɓa, dəppan kiyən sən mbazla ɓa, məŋgəl əgay ɓa, məs mamayã na ərəh net wil ɓa.