Yeremiya 7:9 - Bible en Guidar

⁹ Mənokum tat əhala, əbay gəbaya, əɗɗa polkoyo, əsway ɗarə, əzaɓ-Maŋgəlva sən Ba'al, əzbet meŋgilveɗ məs kisinnin ɓa, məs tay dəsopokum dənɗaŋ ɓa.

Yeremiya 7:9 ပူးပေါင်းရင်းမြစ်များ

1Milyeŋge 18:21

Eliya zar azet ɗiy dəwənnet go'o, yaŋ amna: «Hã dewe kədappanən ndosndos nokuməŋ di? An Yawe yi Maŋgəlva, məzban anani, ya an Ba'ali yi, məzbani!» Ɗəf tay dəzlan sən wən taka ɓa.

Əgilye 20:3

Meŋgilveɗ nok meɓɓet adassoŋ abbəru ɓa.

Isaya 1:13

Məppan gabba əkisu əvəl məza tay də ətərwəray ɓa, əzla tursan, nan nəzelike; təlaperi, pay naffete ətəlma na wəkkal metiŋgini, zəga ɗari azawa, nətaf na əkkal nokum naɗɗa mbəraynəŋ ɓa.

Isaya 58:2

Aza əvoŋ pak tahəŋ ədder azawa, aŋglaŋ dəsənnəngən tive nawa va ɗiy məzəɗɗaŋ miyi pak də tiveni. Va ɗiy məs dəzganən an Maŋgəlva ataw naɗɗa ɓa. Tahəŋ əttokowən an Maŋgəlva aziwgini, aŋglaŋgək Maŋgəlva dəsangən go'o azeti.

Yeremiya 1:16

Wanətawwən naw aketi vi mambray neti: azgawənka, yas azlaŋ tursan sit meŋgilveɗ meɓɓeti, gəm appu'oŋ abet zəgeɗ wəza na veti.

Yeremiya 11:13

Yuda əŋɗa net walaŋgəleɗe gugriɗ nok tay gba net meŋgilveɗ noko gəm gəleɗe net matuyaɗe məs kərkaŋ sən ərba wili, Yerusalem, əŋɗa net gəleɗe net matuyaɗe nok nawzla tursan sən Ba'al tahəŋ gba tiveɗ noko.

Yeremiya 11:17

Yawe Məzuɓappak məs dəmpuk apelik aka wən noko, vi mbərayən məs ɗiy na Israyel dit ɗiy na Yuda aɗɗaŋgə: adansuwənək gədəvu də əzla tursan sən Ba'al.

Yeremiya 13:10

Ɗiyəŋ mbəreytiŋ məzuɓoŋgoŋ daprəm əpel nawəŋ, məzəzbanən əɗɗum na mekretiŋ, məzəzbetin meŋgilveɗ meɓɓet kawgəɗ sit wəza gəm kappu' abetiŋki, dəkkpaŋgaŋ va helege na gizeŋ məs atər na kpak ɓaŋka!

Yeremiya 18:15

Ya ɗiy naw azgətaŋgək kiwa. Sit zəgeɗ en tektekiŋ ɓa ndəɗaŋ əzlaŋ sitin tursan yaŋ amzlegitin səket tiveɗ net en adazban farə, vi kawmbat də maksaf məza dəka tive təstəs ɓa.

Yeremiya 19:4

Vi azgawənka, araygənənək təkiyəŋ də əzla tursan sit meŋgilveɗ meɓɓet məs ndəɗaŋ zək net dəsinnin ɓa, efiŋgiɗit ɓa, milyeŋge na Yuda ɓa. Aknahənək təkiyəŋ dit mbel net ɗiy məs də mezlibezlibe na meti.

Yeremiya 32:29

Mə Kaldiyeɗ watoŋgoŋ əlpa də walaŋgəla-metiŋginiŋka, waɗisənən offo, wazlətin gəleɗe məggbo'o məs adawzlaŋ tursan aket sən ba'al, aggbo'oŋguk mbazla kawpesl meŋgilveɗ meɓɓet vi kawdan su gədəvwa.

Yeremiya 44:3

Sən zəga naɗɗa net daryaw aɗɗaŋ suwən də əmbat əzla tursan sit meŋgilveɗ meɓɓet məs dəsinnin ɓa, mənokum ɓa, efiŋgiɗkum ɓa.

Yeremiya 44:8

Mənokum tat ədansu gədəvu də wəza na vokum, mənokum tat əzla tursan sit meŋgilveɗ meɓɓet aka dələv na Eziptə məs kəddoŋ əssoŋ adaka, ka mənokum kawza ka kakkpaŋ zəga na mefɗeke gəm zəga na əra aweleŋgit ɗiy naka dəlva.

Yeremiya 44:9

Kəzgətaŋgək ki zəga daryaw məs efiŋgiɗkum, milyeŋge na Yuda dit gil neti gəm zəga daryaw nokum, net gil nokum məs dəgəɗ aka dələv na Yuda gəm aket tiveɗ a Yerusalem sa?

Yeremiya 48:35

Wanəzet ɗiy məddoŋ a matuya kawzla tursan sit meŋgilveɗ net sə Mo'ab, Yawe aɗiymani.

Yeremiya 5:2

Də adawnahaŋ dayday na: «Yawe madarani na» na uwawən na ndəɗaŋ əswayaŋgə.

Yeremiya 5:7

Aka askəsna wavvuyan suk sa? Kirtuk azgawənka, aswayaŋgək də zəga məs Maŋgəlva yi ɓa. Nəbetke, də as pak ndəɗaŋ əku a gizbe, ndəɗaŋ əsap addəv gəla nat məpolkoyoku.

Yeremiya 7:6

kədawzəmgənən sahã na molhoyõ ɓa, na mitiwe ɓa, nat gagəbay ɓa, kədawbayaŋ ɗəf də mezlibezlibe na man a təkiyəŋ ɓa. Kədazbetin meŋgilveɗ meɓɓet kawki əray akokum ɓa.

Ezekiyel 18:18

Vi na afən amõhuk zəga dəmõh, ahãlək məlməni, dəgəɗ moggon aret ɗiy nan ɓa, ya wamtə vi heslepe nani.

Ezekiyel 20:30

Vini, anah sit mə Israyelɗe na: Vaŋ Daya Yawe anahə: Vasna! Də əzban ədaw va net efiŋgiɗkum kərnokonən zukum ɓa sa? Dit zəgeɗ daryawɗe net kəpolkoyonən zukum ɓa sa?

Ezekiyel 23:39

Pay atawnin wəlet kirtit sit zəgeɗmeŋgilveɗ neti, dəpaska'e atoŋgoŋ addəv gəla naw vi kawraygəni. Awle vas aɗɗaŋ addəv gəla nawa.

Ezekiyel 5:11

Vini, va nəsaw madarawa Daya Yawe aɗiymani: sessel adan kərnokonək gəla naw salala dit zəgeɗ daryawɗe gəm dit zəgeɗ daryawɗe nok pakəŋ na, naw wanəfaɗ fafaɗə, nəwəl na sasãh ɓa, naw pak tay an nədambra ɓa.

Hose'a 2:13

Wanəɓətgən ənnek nat pakə, wəzləra nata, təlaper də pay naffet nata, gəm dit wəkkalɗe na wawya nata.

Hose'a 6:9

va vanday net məvoŋgoŋ tive, vanday net məsdəlveŋge tay əbay ɗiy aka tive na Sikem: awle zəga narba wil məs aɗɗaŋgə!

Amos 4:5

Məzla peŋ mədan də wuɗo ka əzaɓ-Maŋgəlva naɗɗa soko! Mətəlma na əvəl an də makra, məprəman siti, vi vaski kəŋglaŋ mənokum mə Israyelɗe.» Yawe Maŋgəlva aɗiymani.

Sefanya 1:5

gəm məzəppu'oŋ aka təgbalka abet məzəlpaŋ na disiŋ, gəm məzəppu'oŋ aba Yawe ndəɗaŋ əswayaŋ də iya na maŋgəlva net Melek.

Malakiya 3:5

Wanədder azzokum vi kawtaw wəna. Wanəsaw məziwe nawgəm zən əpel aket məɗɗaŋ tetele, aket məkuwa a gizbe, aket əswayɗe na tepelke, aket ɗiy məzutakən hanza na məgəɗ wəza, nat gagəbaya gəm na mitiwe, məzəzəmgənən sahã na molhõyõ gəm en awgeslne'eŋ suwən ɓa, Yawe Məzuɓappak anahə.

Roma 2:2

Məsənək na, ətawwən na Maŋgəlva aket ɗiy məɗɗaŋ zəgeɗ vas aslək də gegesiŋ.

Əmsak aka Mahenziŋ 32:17

tay əziyaŋ mbel sit tuyeŋge, məza sən Maŋgəlva ɓa, sit meŋgilveɗ məs dəsənin ɓa, dəzzoŋ kakaŋkakaŋka məs efiŋgiɗkum dəsənin ɓa.

Hənhən 21:8

Ya ɗiy mədekti, məɓoŋti, məɗɗaŋ zəga an na henziŋ, mãy məbayaŋ ɗiyi, məkuhwaŋ a gizbe, məɗɗaŋ sekene, məzbetin zəgeɗkamaŋgəlva, məwaŋ tepelke pakə, net təki net na, ndəni pehe məs offo adawzla adak va muhurən, ndəni kan əmta an ma sula'ən.

Hənhən 22:15

Ya məɗɗaŋ ɗarɗarə, dit məɗɗaŋ sekene na tuya, dit məɗɗaŋ mana'a, dit məbayaŋ gəbaya, dit məzugagdeketin zəgeɗkamaŋgəlva, dit məŋglaŋ tepelke dit məwaŋ tepelke, vavyak azeti wassoŋ amapoho na walaŋgəla nani.

Mətawaŋwəna 5:8

Ɗiy aweleŋ meŋgilveɗ meleketeti, ndəni wəgay asan kan a met maddambeɗe net walaŋgəleɗe; Tuwãhi nawrəh baray taka də tulhõ taka, avet zel gabal kaklaw poɗo a Israyel.