Yeremiya 7:31 - Bible en Guidar

³¹ A walaŋ na Ben-Hinnom, arkaŋgək gəleɗe-nettuyeŋge Tofet, ka kawzla kirtit mezeŋgleket dit muguluŋgit adak akoffo. An məs nəɗi wən nan ɓa, əɗɗum nan dəde a makraw ɓa.

Yeremiya 7:31 ပူးပေါင်းရင်းမြစ်များ

2Milyeŋge 17:17

Azletinik kirtit mezeŋgleket dit muguluŋgit akoffo; awlaŋgək heligi, askaŋgək pəɗe. Appanənək zit sən əɗɗa mbərayən a mahara Yawe kawdan sən gədəvni.

2Milyeŋge 23:10

Arnokonək Tofet na walaŋ na Ben-Hinnom, vi ɗəf adawzla wətən mizilin may muguluŋgut aka iya na Molek ɓa.

2Milyeŋge 23:20

Atawək wəlet məsdəlveŋge net gəleɗe-nettuyeŋge dəssoŋ adak dəpas pak aka matuya, azlek sleŋsleŋɗe net ɗiy aketi. Ndən buryok a Yerusalem.

2Alabaraɗe Də Mabərkiziti 28:3

Azlək tursan a walaŋ gərəm na Ben-Hinnom gəm azlə kirtin akoffo, əzban zəga nawla gəbay net ɗiy-ɗar məs Yawe arɓah səbet mə Israyelɗe neki.

2Alabaraɗe Də Mabərkiziti 33:6

Azle kirtin akoffo a walaŋ na Ben-Hinnom; awələk heliki, agəɗək tetele, agəɗək garzlaw, ayək məsvevɗe, apelik ma na zeŋgile. Awanək əɗɗa zəga mbərayən ama hara Yawe vi kawdan sən gədəvən.

Isaya 30:33

Məkkpuɓtiŋ motoffoɗe dafsən a təki net ammba məlĩ vani məzaɓani, kpumi, sloproki diyɗa offo dit wəleŋɗe tahəŋ diyɗa əmpəs na Yawe tay va lolohõ na busuk məzuzla addəvən. Ndəni əmpəs na Yawe adawɗi offo, va offo məzuziya.

Isaya 57:5

Mənokum tat əvoŋ ammbet wəleŋɗe na matuya ammbet wəleŋɗe məs də vet pakə. Mənokum tat ətaw wəlet kirtukum a lolohẽɗi, a poporit gərmeŋge.

Yeremiya 19:2

Kəgilgin də walaŋ na Ben-Hinnom, məs dəsan a maddamba net galmayãɗe; Adaka, kətəlgən ma na əpel an nədawnah suko.

Yeremiya 2:23

Mbar kədawnah na: kərga'an zuk ɓa kəzban ba'al ɓa di? Awla va kədaw a walaŋ! Asən an kəgəɗə! Zlogomo məguluŋgut məzənzat slorsloru.

Yeremiya 32:34

Aɗiyinik zəgeɗ daryawɗe net addəv gəla məs adawyanən iya naw adaka, araygənka.

Yeremiya 32:35

Arkaŋgək gəleɗe-nettuyeŋge sən Ba'al a walaŋ na Ben-Hinnom kawzi mbelit kirtit mezeŋgleket də an net muguluŋgit sən Molek. Zəga məs in nəɗi sit wən nan ɓa; əɗɗum nan dəde ɗah a makraw ka kaɗɗa zəga daryawəs kamzlahgən Yuda əɗɗa mambray ɓa.

Ezekiyel 16:20

Kəndek kirtuk mezeŋgleket dit muguluŋgit en kəwə suwa, kətewik wəlet a meti. Polkoyo nok gəsi sa?

Ezekiyel 20:26

Nərnoketik dit əvəlɗe net məs dədaɗɗa dətawnəngən wəlet tiziɗe net sən tuya; vi nəppetgən əzəmsahã, ka dəsənnəngən na intə Yawe.»

Ezekiyel 20:31

Pay kəkinin əvəlɗe nokum, pay kədawzlenin kirtukum akoffo, zukum kədarnokonən dit meŋgilveɗ nokum pak hã dəpaŋka! Naw wanəppan zu kəssohõwəngən sa mə Israyelɗe? Va nəsaw madarawa. Daya Yawe aɗiymani, nəppan zu kəssohõwəngən ɓa.

Məsdəlveŋge 18:21

Kədapsən wutuk vi kawzlan sən Molek ɓa, kədawraygən iya na Maŋgəlva nok ɓa. Intə Yawe.

Mika 6:7

Yawe watef timeŋgiɗ məza anɗaŋ ɓa gəm mẽl diyɗa va məlpa sa? Nəpsən tizi naw ka dəvvuyongən əɓoŋ naw sa? Gəm uwa naddəvu aka mambray naw sa?

Əmsak aka Mahenziŋ 12:31

Kədaɗɗa vas sən Yawe Maŋgəlva nok ɓa; vi zəga daryaw an Yawe azel pakə, anan aɗɗaŋ sit meŋgilveɗ neti, vi tahəŋ əzlennin kirtit mezeŋgleket dit muguluŋgit dayday akoffo sit meŋgilveɗ neti!

Əmsak aka Mahenziŋ 17:3

yaŋ alə, agəɗ sit wəza sit meŋgilveɗ meɓɓeti, may appu' abeti, aba paya, aba təla awaniɓa aba dula na disiŋ pakə, zəga an nəɗi wən nan ɓa.

Əmsak aka Mahenziŋ 18:10

Ɗəf adawsan məzaɓ-Maŋgəlva də wətəni awaniɓa dət wətəni, məgəɗ tetele, məpel dit məsvevɗe, məgəɗ sekene, may məsgarzlaw sərokum ɓa.

Yosuwa 15:8

Siske meŋge apeŋgeŋ də miktik na Ben-Hinnom, dəka təkzləm mossorgo net mə Yebusɗe də dohoŋ nani, va ənah na də Yerusalem, gəm siske na, meŋge apeŋgeŋ hã a dadwar ki mossorgo məs dəsan aba miktik na Hinnom dəmmba pay na moskoyo, a metteɓ ma miktik net mə Rafayɗe də disiŋ.