Yeremiya 7:30 - Bible en Guidar

³⁰ Yawe aɗiyman na, ɗiy na Yuda aɗɗaŋgək mbərayən ama harawa, aɗiyənən tuya net zəga daryaw addəv gəla məs adayanən iya naw adaka yaŋ arga'anəni.

Yeremiya 7:30 ပူးပေါင်းရင်းမြစ်များ

2Milyeŋge 21:3

Arketik gəleɗe-nettuyeŋge en Hizkiya afən aɓəsl neki. Arkək matuyaɗe sən Ba'al, ampək Astera va Akab məlĩ na Israyel agəɗə. Appu'uk abet məzəlpaŋ na disiŋ baymet agəɗ sit wəza.

2Milyeŋge 21:4

Arket matuyaɗe addəv Gəla na Yawe, an məs Yawe apel lahəŋ akan na: «A Yerusalem nədawɗi iya nawa.»

2Milyeŋge 21:7

Aziwgənək zəgakamaŋgəlva Astera an agəɗ addəv Gəla an məs Yawe anah sit may Davit də Salomoŋ wətən na: «Addəv Gəla əŋki gəm a Yerusalem, təki nəwel sə weleŋgit mahəlfaɗe na Israyel pak nədawɗi Iya naw ka faɗə.

2Milyeŋge 23:12

Aɓzluwik matuyaɗe en naka təgbalka na gəla məzarŋgasla na Akaz məs milyeŋge na Yuda aɗɗaŋgə gəm matuyaɗe məs Manase agəɗ addəvit daŋgleɗ sula na Gəla na Yawe; məlĩ aɓzliwke, akrep sədaka, aggbo' moŋglo net a lolohõ na Kedron.

2Alabaraɗe Də Mabərkiziti 33:15

Yaŋ agilgit meŋgilveɗ meɓɓeti gəm tuyeŋge səddəv gəla na Yawe may matuyaɗe məs arkə aka mossorgo na gəla na Yawe gəm a Yerusalem, azget a mapoho na walaŋgəla-metiŋ.

2Alabaraɗe Də Mabərkiziti 33:3

Amsak ərket gəleɗe-nettuyeŋge məs Hizkiya afən aɓəsl neki, arket matuyeɗe sit Ba'alɗe, ampək Astereɗi, appu' sit məzəlpaŋ na disiŋ, agəɗ sitik wəza.

2Alabaraɗe Də Mabərkiziti 33:7

Azaɓək zəgakamaŋgəlva, aɗi addəv gəla na Yawe məs Maŋgəlva anah sən Davit gəm sən Salomoŋ wətən na: «Addəv gəlaŋka gəm a Yerusalem məs nəwel sə weleŋgit mahəlfaɗe na Israyel pakəŋ nədawɗi iya naw dəsangən adak faɗə.

Isaya 66:4

Nawa, wanəwel sit sãhã; wanəki zəgeɗ en nawgeslnegit aketi. Vi nəyeke ya ɗəf tay dəzlan su ɓa; nəpelke ya dəprəmwən ɓa. Aɗɗaŋgək mbərayən a maharawa, an məs aweleŋ na ndəni an nəzeli.

Yeremiya 16:18

Wanəfaɗ sit heslepe net də mambray net təɓələn sula, vi arnokonənək dələv naw də kiygəbayit zəgeɗ daryawɗe neti, aknahənək dələv nawzəmgəla naw də zəgeɗ net mbəreyti.

Yeremiya 23:11

Məskəleŋɗe dit məsdəlveŋge zlaŋ arayaŋka. Ha addəv gəla naw dayday nərahək mambray neti, Yawe aɗiymani.

Yeremiya 32:34

Aɗiyinik zəgeɗ daryawɗe net addəv gəla məs adawyanən iya naw adaka, araygənka.

Yeremiya 32:35

Arkaŋgək gəleɗe-nettuyeŋge sən Ba'al a walaŋ na Ben-Hinnom kawzi mbelit kirtit mezeŋgleket də an net muguluŋgit sən Molek. Zəga məs in nəɗi sit wən nan ɓa; əɗɗum nan dəde ɗah a makraw ka kaɗɗa zəga daryawəs kamzlahgən Yuda əɗɗa mambray ɓa.

Ezekiyel 7:20

Lelew na miypa'a net dəkkpaŋget məkaɓaŋgə; fotoɗe na zəga net naɗɗa daryaw dit zəgeɗ daryawɗe aɗɗaŋgə, vini nəkkpaŋgan ka narnoketi.

Ezekiyel 8:3

Yaŋ atəl zəga va va ɗəfa, armu aza muhur kiywa; Əmpəs aslaw aka walaŋ dəlvafuŋ də disiŋ, akiyu a Yerusalem addəv ula temtem na Maŋgəlva a maddamba na kəleŋgil məs haran ta' kəla tapaslay pay də disiŋ, adaki zəgakamaŋgəlva na kotorok məsilgin kotorok na Maŋgəlva asani.

Daniyel 11:31

Ɗiy səmmbet məzəlpaŋ nan warnokonən Gəlamatuya na Maŋgəlva mərka kini. Waziwginin əzaɓ-Maŋgəlva nawda ɗayɗay sən Maŋgəlva ya waɗiyaŋ zəga daryaw məraygən təkiya.

Daniyel 9:27

Waska wəlet ɗiy də wənmiyna addəv wəzva buhul, səza pəɗak na pay van atoŋgu, watak wən na əzaɓ-Maŋgəlva gəm əvəla. Məzan zəga van waɗɗa zəga daryaw nani, hã gap pay nawzan va an məɗiyən pay mbes əmbesni.