Yeremiya 7:3 - Bible en Guidar

³ Aŋki an Yawe Məzuɓappak, Maŋgəlva net mə Israyel anahə: Məzaɓan tive nokum də zəga naɗɗa nokum; asna wanəppokum kəssoŋgən a təkiyəŋka.

Yeremiya 7:3 ပူးပေါင်းရင်းမြစ်များ

2Milyeŋge 17:13

Yawe, akol sit slemet mə Israyelɗe dit mə Yudeɗ də met məskəleŋɗe gəm məzulaŋ pakgit, dawnəh na: «Məmil səka tive nokum mbəraynəŋka, mərme wəsəɓɗe nawa, wəzga'ɗe naw va mahenziŋ an nəɗi sit wən nan sit efiŋgiɗkum, gəm nəgapgən sukum də met məɗɗaŋ wəza naw məskəleŋɗe.»

Ezra 10:11

Kakaŋ na, mərban mambray nokum aba Yawe, Maŋgəlva net efiŋgiɗkum, məɗɗa əŋgla nani: məgoh səzet ɗiy naka dəlvəŋ dit gil molhõyẽɗi.»

Wənməkkpaŋga 28:13

Dəɗaman mambray nan na, ahhar na ammban ɓa; ya an dəɗi marava dəppan gabbani, warah ulasahã.

Isaya 55:7

Məsdaraw dəppan tive nani, məs mambray dəppan əɗɗum nani, dəmil aza Yawe, nan wawəlsahã akani, aza Maŋgəlva namə, vi muvvuy mambrayi sawɓa.

Yeremiya 17:25

asna milyeŋge dəssoŋ aka mazaŋga na məlĩ Davit, məzədawaŋ dit pilseŋge awaniɓa aket mawteɗ net pilseŋge, ɗiy gagdakɗe na wəza neti, ɗiy na Yuda gəm ɗiy na Yerusalem, ɗiyis pak watoŋgoŋ kəla maddambeɗe na walaŋgəla-metiŋgini, walaŋgəla-metiŋ vanəs wasan dit ɗiy addəvən hã faɗə.

Yeremiya 18:11

Kakaŋ na, anah sən ɗəf na Yuda pak dit en na Yerusalem dawnəh na: Vaŋki Yawe anahə: In yakəŋ əki əray akokum, niynanək an nədawgəɗ sukum, ɗəf pak dəmil səka tive nan mbərayən. Məzaɓan ədaw nokum də wəza nokum moggoni.

Yeremiya 18:8

an ɗiy naka dələv nəpel aket vet appanənək mambray net məs dədan su gədəvu vani, asna wanəppan tatwãh an niynan nawgəɗ siti.

Yeremiya 26:13

Ya kakaŋ na, məzaɓan tive nokum gəm wəza nokum, məprəm ma Yawe Maŋgəlva nokum, asna Yawe wappan əki tatwãh an apel nawki akokum.

Yeremiya 35:15

Nəbew dawslən sukum məskəleŋɗe məɗɗaŋ wəza naw pak azokum ɓa, əslinit dawnəh na: Ɗəf pak dəmil səka tive nan mbərayən, dəzaɓan wəza nan moggoni. Adazbet meŋgilveɗ meɓɓet kawgəɗ sit wəza ɓa. An kətafənka wakəssoŋ də gəla aka dələv məs nəpsukum anokum gəm sit efiŋgiɗkum. Ya kəpakən sləmokum ɓa, kəprəmwən ɓa.

Yeremiya 35:16

Kirtin Yonadab wətən Rekab azbanənək an məs efit aɗi sit wən nani, ya net ɗiyiŋ dəprəmwən ɓa.

Yeremiya 4:1

Israyel, an is tat əmilyok na, azaw kədawmilyeko Yawe aɗiymani. An kəzargitik zəgeɗ daryawɗe nok səma harawa, an kəsok slorslor ɓa,

Yeremiya 6:16

An Yawe anah yaŋka: məziw sosokko aka tive mula gəm məttok aka tive an lahəŋka. As tive an moggoni sa? Məzbani asna wakəssoŋ zayə. Yas anahaŋ na: Məzban na ɓa.

Yakob 4:8

Məzar aza Maŋgəlva nan pak wazar azokum. Məɗa vokum səza mambraya, məskoɓ mokrokum munokum muluvuluvuɗe.