Yeremiya 7:23 - Bible en Guidar

²³ An nəpel sit dərəŋ na, dəprəməngən mawa, asna wanəsaw Maŋgəlva nokum ya wakəssoŋ ɗiy nawa. Nəɗi sukumuk wən nan kəzbanəngən tive nawa, ka zazay dəsan sukumgəni.

Yeremiya 7:23 ပူးပေါင်းရင်းမြစ်များ

Ɗerewel na Yob 36:11

An tahəŋ əprəməni, tahəŋ əɓe'en sənəni, wagrakənən əssa net addəv zazaya, gəm əzva net addəv ənneke.

Gəlyaɗe 119:3

Aɗɗaŋ vurum kpak ɓa, tay əzbanən tive nani.

Gəlyaɗe 40:6

Sekeneɗ dit wəzeɗe kərəm naɗɗa viməŋ na, diyɗaŋgə Yawe Maŋgəlva nawa! Ɗəf tay nawslan də is ɓa. Wanətəl ma, wanəpel wən neti, vi diyɗaŋgə, adayaŋgək ki naŋɗa.

Gəlyaɗe 81:13

nəppetik addoŋ də mekret ɓərəsɓərəsə: dəzbanən va mekret aɗɗumu!

Əgilye 15:26

Amna: «An kəprəmək ma Yawe, Maŋgəlva nok moggoni, an kaɗɗa zəga təstəs ama harani, an is tat əpak sləmok ammba əpel na ənziya, an is tat ərma wən an aynə pakə, gbəgba nəki aket mə Eziptiɗiŋ ade na akok ɓa, vi intə Yawe nawmbəlguko.»

Əgilye 16:32

Moyis amna: «Aŋki əpel an Yawe aɗi wən nani: kawɗi Manhu van maway ɗap taka ta'ə, vi sayit ɗiy nok dulanəngən peŋ məs nəzəmgukum dəndən a kapta-muyã, gala nəgilgukum səka dələv na Eziptə.»

Isaya 3:10

Mənah na: dəɗah net ɗiy en təstəs vi wazəmən ətərwəray na wəza neti.

Yeremiya 11:4

məs nəɗi wən nan sit efiŋgiɗkum gala nəgilgit səddəv movoro offo nawhə̃s təbəz ana Eziptə dawnəh na: “Məprəm əpel nawa, kəɗɗeningin zəgeɗis pak va nəɗi sukum wən nani. Asna wakəssoŋ ɗiy nawa, naw nəsawgən Maŋgəlva nokum.

Yeremiya 11:7

Vi nəsəɓsitik efiŋgiɗukum gala nəgilgit səka dələv na Eziptə, hã gap dəpaŋka, nəppan gabba əsəɓ sit dawnəh na: məprəm əpel nawa ɓa.

Yeremiya 13:11

Va ɗəf adaynan helege na gize a gizeni, vaski niynet ɗiy na Israyel gəm ɗiy na Yuda pak Yawe anahə, dəkkpaŋgaŋ suwənəngən ɗiyi, ka sləmawa, ka zəga nawɗi kiywa gəm zəga na gawla nawa, ya dəprəmaŋ ɓa.

Yeremiya 22:21

Nəpel sukuk aka kəsok kiyuk foŋgo, ya kənahək na: nəprəm na ɓa. Aski ədaw nok far səka gawloko; vi kəprəm maw ɓa.

Yeremiya 22:3

An Yawe anah yaŋka: Məgəɗ təstəsə gəm an sarara, məmõh ɗiy en adappətaŋ səvet məzəppitetini. Kədawzəmgənən sahã na molhõyõ, mitiwe gəm gagəbay ɓa, kədaɗɗaŋ gəgay ɓa. Kədawbayən ɗəf də mazlibezlibe na man a təkiyəŋ ɓa.

Yeremiya 24:7

Wanəpsit maɗɗula dəsənwəngən na intə Yawe. Wassoŋ ɗiy nawa, ya naw wanəsaw Maŋgəlva neti an azzoŋguk azaw də mekret taka.

Yeremiya 31:33

Vi aŋki wənmiyna məs nədawziwgin dit ɗiy na Israyel dərɓaga payəska Yawe aɗiymani: Wanəɗi mahenziŋ addivti, wanəver a mekreti, wanəsaw Maŋgəlva neti, net wassoŋ ɗiy nawa.

Yeremiya 32:23

Yas azzoŋ əmõhuni, ya dəprəmən mok ɓa, dədawaŋ aka mahenziŋ nok ɓa, məs kəɗi sit wən nan naɗɗa pak dəɗɗanən ɓa, yas kəki tatwãhəŋ pak aketi.

Yeremiya 38:20

Yeremiya amna, appokun na avet ɓa, aprəm əpel na Yawe məs nədawnah suk ɗa. Wasan suk moggoni, wakəsok modoroko.

Yeremiya 42:6

Dəsan moggoni, dəsan mbərayni, əpel na Yawe Maŋgəlva nam məs məslənuk azan mədaprəma, zəga pak wasan səm moggoni vi waməprəm ma Yawe Maŋgəlva namə.

Sefanya 3:2

Dəprəm iya ɓa, dətaf iyak ɓa, dəppan zən sən Yawe ɓa, dəzar go'o aza Maŋgəlva nan ɓa.

Zakarya 6:15

En məs faraɗa wazzoŋ karka Gəla na Yawe, wakəsənnən na, Yawe Məzuɓappak dəslənu azokum. Wagəɗə, an mənokum tat əprəm ma Yawe Maŋgəlva nokum lewlewi.

Zakarya 7:7

Aski əpel an Yawe anah də met məskəleŋɗe far pay Yerusalem asan fendeŋ, walaŋgəleɗe gugriɗ nan kiyən tərwəslə, Negev də dələv na Bagərəm məknihit dit ɗiy addəvit ɓa sa?

Roma 16:26

Ya kakaŋ kan na, arbanək zən də ɗerewel net məskəleŋɗe: Va wən məs Maŋgəlva Məfaɗ aɗi wən nani, arban sitik ɗiy nammba dələv pakə, vi dəɓe'eŋ sənəngən də ətafa.

2Korintus 10:5

gəm zəga məzutak əsən Maŋgəlva pakə. Mənam tat ərma əɗɗum pak kawkiyən dəɓe' səngən Kristu.

Əmsak aka Mahenziŋ 11:27

wəzaɓa, an kəprəmənək an Yawe Maŋgəlva nokum aɗi naɗɗa məs nəɗi sukum wən nan dəpaŋka;

Əmsak aka Mahenziŋ 13:4

kədaprəm əpel na məskəleŋ awaniɓa na məzula vanəs ɓa. Vi Yawe Maŋgəlva nokum dədawslukum, kawsənən na, kəŋgluwənək Yawe Maŋgəlva nokum mokrokum taka sa gəm də megenegenekum sa iyi.

Əmsak aka Mahenziŋ 13:5

Yawe Maŋgəlva nokum kədazbaŋ kaka'ə, anan kədawgeslne'eŋ sənən kaka'ə, əpel na ənziya an aɗi kədarmaŋgə, man kədaprəmaŋgə, anan kədaɗɗaŋ sənən wəza, azan kədawbaynən zukum.

Əmsak aka Mahenziŋ 30:2

wakəmndok ammba təl Yawe Maŋgəlva noko, wakəprəm man va nəɗi suk wən nan dəpaŋka, is dit kirtuko, də mokrok pakə, megenegenok pakə.

Əmsak aka Mahenziŋ 30:20

də wəŋglu Yawe Maŋgəlva nokum, də wəprəm mani, də əssa zləmba' azani. Vaski kədassoŋ madorokum, kədazzekenən pay nokum aka dələv məs Yawe asway napsit efiŋgiɗkum, Abraham, Isak, gəm Yakob əŋka.

Əmsak aka Mahenziŋ 30:8

Nok na, kəmndokgən əprəm ma Yawe, kəgəɗgən wəza dit wəsəɓɗe nan nəɗi suk wən nan dəpaŋkəŋ pakə.

Əmsak aka Mahenziŋ 4:10

Gala pay kəziw aba Yawe Maŋgəlva nok a Horeb, gala Yawe adawnah su na: «Akkelet su ɗiy aŋka, nəprəman sitgən əpel nawa, dəyaganəngən əgeslne' su pay nanziya net aka dələv pakə, gəm dəyagan sitingin kirtiti.»

Əmsak aka Mahenziŋ 4:40

Kərmeningin mahenziŋɗe gəm əpel na ənziya nəɗi sukum wən nan dəpaŋka vi mokrokum dəvoŋgən də an net kirtukum dərɓogokum, vi ənziya nokum dəzzekgin aka dələv an Yawe, Maŋgəlva nokum apsukum ka nokum Pay pakə.

Əmsak aka Mahenziŋ 5:16

Agagdakan afuk dət moko, va Yawe Maŋgəlva nok aɗi suk wən nani, vi əvoŋ nok dəzzekgəni, kənangən nek aka dələv məs Yawe Maŋgəlva nok apsuko.

Əmsak aka Mahenziŋ 5:29

An sə mekreti yi agil nawgeslne' suwa gəm narma əpel na ənziya ɗayɗay pak vi moggon dəsangən viyti gəm kirtit ka faɗə!”

Əmsak aka Mahenziŋ 5:33

Kədawaŋgən aka tive an Yawe Maŋgəlva nokum aɗi sukum wən nan pakə, vi kəssoŋgən madarokum gəm zukum neki, vi əvoŋ nokum dəzzekgin aka dələv məs kəŋglaŋ əgəm ka nokuməŋka.

Əmsak aka Mahenziŋ 6:3

Kəprəmgəni Israyel, kəgəɗgən maɗɗula naɗɗa wəza dənɗaŋgə: vasna zuk wanneki, kənzləraŋgən diyɗa aka dələv məs moŋvo də amama adawdawaŋ loklok va Yawe Maŋgəlva net efiŋgiɗuk anahə.

Ibriɗe 5:9

Adan Yesu agrak əzəmsãhã nan temtem də wəza nan pakə, akkpaŋgək afən wəkõh an faɗ viyit ɗiy məs dəprəmən man pakə.

1Samiyel 15:22

Samiyel amna: «Əvəl nawzla kurmbuɗuk də an nawda Yawe aŋgəl day ki əprəm ma Yawe sa? Vaski ɓa! Əprəm ma aŋgəl day ki əzaɓ-Maŋgəlva, əɓe'gən kiya day ki səlhã net ndergeyẽɗi.