Yeremiya 7:19 - Bible en Guidar

¹⁹ Yawe aɗiyman na, anaw adawdan suwən gədəvu sa? Ana ki zit tusso adarbaŋ sənən wil dərəŋ ɓa sa?

Yeremiya 7:19 ပူးပေါင်းရင်းမြစ်များ

Ezra 9:7

Səza pay net migilmə, gap dəpaŋka, mbərayən nam metiŋgini, vi mambrayɗe namə, mənamə, milyeŋge namə, məsdəlveŋge namə, məppami avet milyeŋge naka dəlvəŋka, sən masalam, əkəm aka balam, əmõhẽt zəgeɗ namə, gəm mbəgəm aket wil va dəpaŋkəŋka.

Ɗerewel na Yob 35:6

An kəgəɗək mbərayən, azok na səni sa? An wətem nok adayək ki lahəŋ na, mə kədawgəɗ sən di?

Isaya 1:20

Ya an kətafən ɓa, kəɓoŋgoŋko, də masalam adawbay kuməni. Vaski, ma Yawe dəpeli.

Isaya 1:24

Vini Daya Yawe Məzuɓappak Məzuɓap na Israyel aɗiyman na: «Haya əraya, wanəmpəlkiya aket məzuseɓɗe nawa wanəfaɗ sit məzuzelɗe nawa.

Isaya 45:16

Wil wadenini məzaɓaŋ zəgakamaŋgəlva warbaŋ wili baymeti wassoŋ sap pak addəv ərba wili.

Yeremiya 15:9

Məs tuwə kirin buhul tətdakka əmpəs agilik səzata. Pay nat atəpək də kapaya. Zəga net wili azata, zət baybayə. Medembirgit na, wanəppet ama masalam abet məzuzelti, Yawe aɗiymani.

Yeremiya 2:17

As van arəhuk na vi kəzgan Yawe Maŋgəlva noko, gala adakuk tive tive yi ɓa sa?

Yeremiya 2:19

Mambray nok dəzga suko, kəta əppan Maŋgəlva dəkisuk əzga'a! Vasna asəna kulagən na wəzgan Yawe Maŋgəlva nok gəm wəgeslne sən tay ɓa na, wən nan təraŋhi, mbərayni, Yawe Maŋgəlva Məzuɓappak aɗiymani.

Yeremiya 20:11

Yawe tay də in va məzəlpa gurom. Vini məzərɓahawən adaskotoŋgu; askaŋ na wəla ɓa. Warbaŋ wil diyɗa, vi ahhar na ammbet ɓa wasan sit zəga net wil an faɗ məs kazgəti kiyən ɓa.

Yeremiya 22:22

Səmyã watreyet məzuteɗeŋɗe noko: vaski, gəreŋgiɗuk waddoŋ aka balamə. Asna wil wadukuni gəm wakərbə wili sən mambray an kəgəɗ pakə.

Yeremiya 25:7

Kəprəmwən ɓa hara Yawe aɗiymani. Yaŋ dərəŋ kədan suwənən gədəvu də wəza na vokum ka mbərayən akokum.

Yeremiya 3:25

Məsamsəm addəvit wil namə, mətaf səm ərbet wil namə, vi məgəɗək mambray sən Yawe Maŋgəlva namə, mənamə va efiŋgiɗmə, far səka sawãmə hã gap pay dəpaŋka; məprəm ma Yawe Maŋgəlva nam ɓa.

Yeremiya 44:3

Sən zəga naɗɗa net daryaw aɗɗaŋ suwən də əmbat əzla tursan sit meŋgilveɗ meɓɓet məs dəsinnin ɓa, mənokum ɓa, efiŋgiɗkum ɓa.

Yeremiya 8:19

In tat əprəm wəlat wətit ɗiy naw iya hã səka dələv faraɗa, vas na Yawe tay a Siyon ɓa sa? Məlĩ nan tay addəvən ɓa sa? Vimi adansuwən gədəvu də zəgakamaŋgəlva net gəm dit zəgeɗ ɗar na guw di?

Yeremiya 9:19

Mənokum gili məprəm əpel na Yawe kana; məpak sləmokum ammba əpel na mani. Məyagan sit əŋɗəs sit kirtukum muguluŋgiti, nawat pak təyagan gəlya nawhəm sət meggeta.

Ezekiyel 16:26

Kəkuwək dit mə Eziptiɗ meggeŋgiɗuk mes gəmnit siwirsiwiri; kuwanək polkoyo noko, vi kawdan su gədəvwa.

1Korintus 10:22

Awaniɓa mam aka əsilgin kotorok na Daya sa? Gbogboŋ mənan daykiyən sa?

Əmsak aka Mahenziŋ 32:16

Akkpaŋganənək məskotorok də əzbet meŋgilveɗ meɓɓeti, dit zəgeɗ nawmə'a, adan sənən gədəven,