Yeremiya 7:15 - Bible en Guidar

¹⁵ Wanəzgokum səbaw va nəzget milmiŋgiɗkum, ɗiy na Efrayim pakə.

Yeremiya 7:15 ပူးပေါင်းရင်းမြစ်များ

2Milyeŋge 17:23

Hã gap Yawe arɓehet səban va anah də met məɗɗaŋ wəza nan məskəleŋɗe. Məketiŋ mə Israyelɗe səka dələv net faraɗa a Asiri hã gap pay dəpaŋka.

2Milyeŋge 24:20

Zəgas agəɗ a Yerusalem gəm a Yuda na, vi Yawe adə gədəv hã gap ndən ndol əndolit faraɗa səbani. Sedekiya aɓoŋguk aka məlĩ na Babilon.

2Alabaraɗe Də Mabərkiziti 15:9

Yaŋ akkelet ɗiy naka dələv na Yuda də Benyamin baymeti dit molhẽyẽɗ məs dəzzoŋ səka dələv na Efrayim, na Manase gəm na Simeyon, vi mə Israyelɗe diyɗa armannək vet azani, səza awlanən na Yawe Maŋgəlva nan tay dəndənəŋka.

Gəlyaɗe 51:11

Akkpaŋgan horok səka mambray nawa, avvuyet heslepeɗe naw pakə, wanəkkpaŋ babar daykiyit ɓeɓrezlerizze.

Isaya 7:16

Tak wiyən van dəgapgən nawsən əzel mbərayən gəm əwel moggon na, ɗiy naket dəlveŋge sula məs kədawgeslne' sit milyeŋge net nak wappanəni.

Yeremiya 15:1

Yawe aɓsu na: Kəta Moyis də Samiyel dəziweŋ abaw əkkam ammbet zlaŋ, kiyu asan na aket ɗiyəŋ ɓa. Arɓehet səbawa, dəgilyoŋgu!

Yeremiya 23:33

An ɗiyəŋki, məskəleŋ awaniɓa məsdələv attokokunək dawnəh na: Miy zəga miynan nawsla na Yawe di? Asna kəzlan sitgin na: Miyə zəga miynan nawsla mədaykiykum di? Wanəppokum Yawe aɗiymani.

Yeremiya 23:39

Vini in yakəŋkə, wanəndukum, wanəzgokum mənokum də walaŋgəla-metiŋ məs nəpsukum gəm sit efiŋgiɗkum;

Yeremiya 3:8

Nulak va nəzgan Israyel məppan Maŋgəlva, va nuɗak dəndən dapsən ɗerewel nawɗaka vi agəɗ polkoyo. Də as pak na Yuda məgəɗ mbərayən məlmən dəgeslne ɓa. Ambatək əɗɗa polkoyo tamə.

Yeremiya 52:3

Aka wən nawdagədəv na Yawe yi, zəgeɗis aɗɗaŋ aka Yerusalem də Yuda, hã ndən ndol əndolit faraɗa sə maharanəŋka. Sedekiya aɓoŋguk aka məlĩ na Babilon.

Yeremiya 9:19

Mənokum gili məprəm əpel na Yawe kana; məpak sləmokum ammba əpel na mani. Məyagan sit əŋɗəs sit kirtukum muguluŋgiti, nawat pak təyagan gəlya nawhəm sət meggeta.

Ezekiyel 23:31

Kəzbanək tive nat məlmuko: wanəpsukət həloŋguk nat avoko.

Ezekiyel 33:25

Vini, anah sit na: An Daya Yawe anah yaŋka: Mənokum tat əzəmaŋ aket mbeli, mənokum tat əzi horokum aket zəgeɗmeŋgilveɗ nokum, mənokum tat əbayaŋ gəbaya, yaŋ kəŋglaŋ dələv dəsan sukumgəni!

Hose'a 1:4

Yawe aɓsən na: «Alvan na Yizrel, vi abe aŋ siɗikke əmpa na, wanəssõhõn wən net mbel na Yizrel a ma gəla na Yehu, wanəbayma əzəm məlĩ sə Israyel.

Hose'a 12:1

Ɗiy na Efrayim azzəŋgaŋgək kiyu dit tepelkeɗi, mə Israyelɗe tam də uwawəna. Yuda nan tay ədaw də Maŋgəlva tagay, tay ɗew ndərəsl də Salala.

Hose'a 7:13

Əray aketi, vi anzoŋ faraɗa səzawa, əray neti, vi aɓoŋgoŋgək akawa! Wanəbit kəta, yaŋ net awaŋ wən akawa.

Hose'a 9:13

In ula Efrayim na va Tir, va guli net gogozleɗ məmpet a təki zazay na kapta-muyã, Efrayim appetik kirtin sən məbay ɗəfa.

Hose'a 9:3

Aɓapaŋ na kassoŋ də gəla aka dələv na Yawe ɓa: Efrayim wamil a Eziptə, a Asiri wazəmaŋ zəga nawmə'a.

Hose'a 9:9

Akkpumoŋguk addəv əray va aka pay na Gibeya. Waɗɗumonən mambray neti, wanəmpəlkiya na mambray neti.

Yonas 2:4

Kəzgawək a pehe, addekit iŋkile kpukpumɗe. Helege net atəpguwəka, vovolumɗe nok gaŋgaŋ adappaɗaŋ dəkawa.

Əŋɗa 1:32

Net kirtin Yosef, net kirtin Efrayim na: An məgəmi iya net ɗiy məs wəzva kaklaw sula ədda abe məɓapaŋ əlpa, ɗerewel narban va awanən kiyit aza mahəlfa neti gəm aza məlma na zit