Yeremiya 7:13 - Bible en Guidar

¹³ Ya kakaŋ na, Yawe aɗiymani, adan kəɗɗetin wəzeɗes pakə, də nəpel sukum pay pakə zlaŋ na, kəprəmnən ɓa; də nəyukum zlaŋ na, kəzlanən ɓa.

Yeremiya 7:13 ပူးပေါင်းရင်းမြစ်များ

Wənməkkpaŋga 1:24

Adan nəyukumko, kəɓoŋgoŋko; nətəl sukumək vawa, ya ɗəf tay dəzlək sləma ɓa.

Isaya 50:2

Vimi gala nəde na, ɗəf tay aŋ təttaka ɓa di? Səza nəyə ɗəf tay dəzlan ɓa di? Vaw duɗukkoy an faɗ akõhgukum na ɓa sa? Awaniɓa, gbogboŋ tay azaw ta' sa nawpəlkum ɓa sa? Ya yaŋ də wəbay gagay kaka' nədakkpa' pehe wanəkkpeŋget məlpeŋge ka kapta-muyã. Sən iŋkile tahəŋ ɓa kilfeŋge wamtaŋ sit meme waŋgənaŋgə.

Isaya 65:12

Wanəŋɗokum ka na masalam. Wakəkdukun tokprokum pak vi kawtaw wəlokum. Vi nəyukumko ya kəzlanən ɓa, nəpel sukumko ya kəprəmwən ɓa. Kəɗɗaŋgək mambray ama harawa; an məs kəweleŋgi, zəga məs nəzeli yi!

Isaya 66:4

Nawa, wanəwel sit sãhã; wanəki zəgeɗ en nawgeslnegit aketi. Vi nəyeke ya ɗəf tay dəzlan su ɓa; nəpelke ya dəprəmwən ɓa. Aɗɗaŋgək mbərayən a maharawa, an məs aweleŋ na ndəni an nəzeli.

Yeremiya 11:7

Vi nəsəɓsitik efiŋgiɗukum gala nəgilgit səka dələv na Eziptə, hã gap dəpaŋka, nəppan gabba əsəɓ sit dawnəh na: məprəm əpel nawa ɓa.

Yeremiya 11:8

Ya dəprəmaŋ ɓa, dəpakən sləmet ɓa, naway pak azbanək əɓɓəlan kiyni. Ndəni nəɗɗa əpel naddəv wənmiynaŋ pak aketi, məs nəɗi sit wən nan dəɗɗanəngəni ya dəɗɗanən ɓa.

Yeremiya 13:10

Ɗiyəŋ mbəreytiŋ məzuɓoŋgoŋ daprəm əpel nawəŋ, məzəzbanən əɗɗum na mekretiŋ, məzəzbetin meŋgilveɗ meɓɓet kawgəɗ sit wəza gəm kappu' abetiŋki, dəkkpaŋgaŋ va helege na gizeŋ məs atər na kpak ɓaŋka!

Yeremiya 13:11

Va ɗəf adaynan helege na gize a gizeni, vaski niynet ɗiy na Israyel gəm ɗiy na Yuda pak Yawe anahə, dəkkpaŋgaŋ suwənəngən ɗiyi, ka sləmawa, ka zəga nawɗi kiywa gəm zəga na gawla nawa, ya dəprəmaŋ ɓa.

Yeremiya 25:3

Təŋ səza əzva kəlaw kiyən hoku na Yosiyas wətən Ammon məlĩ na Yuda hã gap pay dəpaŋka agəɗək əzva kaklaw sula kiyeŋ hoku, nəpel sukumuk əpel an Yawe apel su məza əppan gabban dawpelin ɓa, ya kəprəmən ɓa.

Yeremiya 26:5

ka kaprəm əpel net məɗɗaŋ wəza naw məskəleŋɗe məs nəslən sukum məza əppan gabban ɓa, məs nədawslən sukum kaprimnin ɓaŋka,

Yeremiya 29:19

Adan dəprəmən əpel naw ɓa Yawe aɗiymani, ndəɗaŋ məs nəzban əslən sit məɗɗaŋ wəza naw məskəleŋɗe məza əppan gabban ɓa, ya yaŋ dəprəmaŋ ɓa.» Yawe aɗiymani.

Yeremiya 32:33

Akkpaŋgan suwənək doŋgbolti məza heret ɓa. Nəppan gabba ərbə sit zəga ɓa ya dəprəmən əyak ka kawrəh maɗɗula ɓa.

Yeremiya 35:14

Mətafni əpel na Yonadab wətən Rekab məs aɗi sit kirtin na: «kədawsaŋ mbazla ɓa, ya dəsaŋ ɓa hã dəpaŋka, aprəmənək an afit aɗi sit wən nani. Ya naw nəyək sam əpel sukum, kəprəmən maw ɓa.

Yeremiya 35:15

Nəbew dawslən sukum məskəleŋɗe məɗɗaŋ wəza naw pak azokum ɓa, əslinit dawnəh na: Ɗəf pak dəmil səka tive nan mbərayən, dəzaɓan wəza nan moggoni. Adazbet meŋgilveɗ meɓɓet kawgəɗ sit wəza ɓa. An kətafənka wakəssoŋ də gəla aka dələv məs nəpsukum anokum gəm sit efiŋgiɗkum. Ya kəpakən sləmokum ɓa, kəprəmwən ɓa.

Yeremiya 35:17

Vini kan Daya Maŋgəlva Məzuɓappak, Maŋgəlva na Israyel anah vaŋka. In yakəŋ əki tatwãh aka Yuda, aket ɗiy na Yerusalem pakə, məs nəpel nawgəɗ siti. Vi nəpel sitike ya dəŋgereŋ əprəm ɓa. Nəyeke, ya dəzlanən ɓa.»

Yeremiya 44:23

Vi kəzlaŋgək tursan gəm kəɗɗaŋgək mambray aka Yawe, kəprəmən ma Yawe ɓa, kədawaŋ addəv mahenziŋ nan ɓa, aka an aɗi gəm aka an aziwgin ɓa ndəni ərayəŋ arəhkum va dəpaŋgənəŋka.

Yeremiya 44:4

Naw nəppan əslən sukum məɗɗaŋ wəza naw məskəleŋɗe ɓa, əslinit dawnəh na: Kədaɗɗaŋ zəga daryaw məs nəzel ɓa.

Yeremiya 5:21

Kamə məprəm wənəŋ ɗa, ɗiy məs əɗɗum net gbeslsle məza maɗɗula ɓa, məs hereti, ya awlaŋ ɓa, məs sləmeti, ya aprəmaŋ ɓa.

Yeremiya 6:10

Sən nawa nədawpel sən gəm nədawɗi ka miziwe naw dəprəməngən di? Sləmet asukko, aɓapən na əzga sləma ɓa. Əpel na Yawe tay va zəga na əra azeti; annekeŋ dəndən ɓa.

Yeremiya 7:25

Təŋ səza efiŋgiɗit agilyoŋ sə Eziptə hã gap dəpaŋka, nəbew dawslin məskəleŋɗe gewleɗ naw ɓa.

Hose'a 11:2

Addereŋgək səba məzuyeti: sit Ba'alɗe azaɓaŋ sitin maŋgəlva, sit zeŋgilet zəgeɗ azlaŋ sitin tursan.

Hose'a 11:7

Ɗiy naw aktuhənək gəɓet dazbawa: iyeti, ɗəf tay dədawsilyen ɓa.

Hose'a 9:17

Maŋgəlva naw wandole, vi dəprəmnən man ɓa, waddoŋ slorslor aret ɗiy-ɗarə.

Zakarya 7:13

Vaski «va nəye lahəŋ dəprəmnən ɓa, wayuwəni, ya nəprəm sit na ɓa, Yawe Məzuɓappak anahə.

Matiye 23:37

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken di, ya kəŋgereŋ ɓa.