Vini Yawe anah vaŋ aka məlĩ na Asiri na: Atoŋ na addəv walaŋgəla-metiŋginin ɓa, ahon na har adak ɓa, aziw na aban də baray ɓa, akkpot na dələv aban ɓa.
Va nədawpel aka əpel nok pakə, in əŋzla vaŋvəl əyuk nabbaha sən ərma mama gəm əraya. Vi əpel na Yawe akkpaŋgək azaw ka zəga na əra gəm nawmas akaw pay pakə.
Awle məkkpotoŋ baray na dələv yeŋ əzzoŋ a walaŋgəla-metiŋgin vi kawzəmni; məpsiti walaŋgəla-metiŋ ammba vet mə Kaldiyeɗi, wabət avet məzəlpaŋ dəndən sən masalam, mayã gəm gəbaymərma. An kəpel pak agəɗka, is tat horok sekke.
Vi vaŋki Yawe Maŋgəlva na Israyel anah aka wən net gəleɗe na walaŋgəla-metiŋ əŋka, aket gəleɗe net milyeŋge na Yuda miɓzliwti, aka wən net korguɗe na dəlva gəm aka wən na masalam.
Aka wəzva mavaytakan na Sedekiya məlĩ na Yuda aka məlyã, də təla məkəlawani, Nabukodonozor məlĩ na Babilon adek dit məzəlpaŋ nan pak a Yerusalem, asərŋgəsləni.
Məlĩ na kəla disiŋ wade əgul walaŋgəla məs mərka kini, wakkpotoŋ dəlva, wazəmən walaŋgəla-metiŋ na korgu naka. Məzəlpaŋ na dohoŋ də vanday net an tekteki wassoŋ də gbogboŋ nawziw ɓa.