Yeremiya 6:26 - Bible en Guidar

²⁶ Ɗiy nawa, mugul lukut na gəlabay azokum məpətukul aka moŋglo va əska morkoyo ammba wiyin karmalay dəmtə, muɓuh mokum ɓəluwɓəluwə, vi məzuraygən təki wade akam girziki.

Yeremiya 6:26 ပူးပေါင်းရင်းမြစ်များ

Va'Atəŋ 21:16

Təmbat əsat ɓuhu, gap nawhon hara. Vi tat ənəh na: «Nədawla əmta na wiynəŋ ɓa!» Təslan wəlat təhəmə.

Ɗerewel na Yob 15:21

geŋgere nawgeslnegin tay əprəm a sləmani: Pay na zazaya, ɗəf mbərayən wade akani.

Ɗerewel na Yob 2:8

Yaŋ asan aka moŋglo, agəmək galmayã ərreɗen zən dəndəni.

Isaya 22:12

Pay dəpaska, Daya, Maŋgəlva Məzuɓappak wayukum kəhəmaŋgəni kəskaŋgən morkoyo, kəfaɗəngən kiykum gəm kəguloŋgən lukut na gəlabaya.

Isaya 22:4

Vi vaski nənah na: Kədawlaŋ azaw ɓa, məppaw əhəm haraw pəreŋgi sin zletzleti. Kəyanən zukum əɓətgu aka əray na walaŋgəla net ɗiy naw ɓa.

Isaya 3:24

A gəla tursan na zəga məŋgənən, a gəla helege nagze helege ɗarə. A gəla ətroɗ kiya təstəs na, kiya məklãhəŋ; a gəla lukut silip na sləma, lukut na gəlabaya. Əzla noffo a gəla gəɓa zə ɗəf lekeɗeklekeɗəki.

Isaya 30:13

Vini kana, mambray vanəs wasan sukum va əpɗak na zlava məɓayən asna ndən ədakɗaya gurzik na ndən əɓzla aka ma taka wow.

Isaya 32:11

Məkker kana mənokum məzulanən zukum va zəga tay dəmbər sukum ɓa, məgeslne'i, mənokum məzulanən zukum. Məppet zəgeɗ nawgul nokumu, məgbuku, minan gabaga na gəlabay addakkum.

Yeremiya 12:12

Aket mossorgoɗe məs daŋdaŋ na kapta-muyã pak məmõhẽtin ɗiy azzoŋko. Masalam na Yawe tay əzəm dələv təŋ sə metteɓ man hã metteɓ man mbərən, ɗəf tay dədawnan nek ɓa.

Yeremiya 13:17

An kəprəmən əzga'əs ɓa, wanəhəm mahaɗama sən əkaɓ nokum, wanəmet sini, haraw wasan zletzlet dit sini, vi məkani gazlaŋ na Yawe aka balamə.

Yeremiya 14:17

Ya kəpel sitgin əpeliŋka: Sin dəssoŋ araw sliɓsliɓ məza ərsla ɓa dəfəɗ də kapay pakə, vi tatwãh metiŋgin aɗiyək vamvi azet ɗiy nawa vamvi məza anzaɗ kpak ɓa.

Yeremiya 15:8

Nənzlirgitik gil net gəbayɗe hõnyõ' hõnyõ' day ki hoyoŋko a məlpa. Də tataŋ paya, nəkiyək əza akat ma gawla nalpa; midigirzike, nəggbo' əkker də geslne akata.

Yeremiya 18:22

Vaŋvəl dəprəm eŋgil anetda pay kədawki vanday net məzəlpaŋ girzik aketi. Vi aso'oŋguk vov karmuwa, aɗamanənək bizwil narma təlwa.

Yeremiya 30:5

Vasna, an Yawe anah yaŋka: ɓaɓəlma geslne nəprəmə, vaŋvəl na gəslne məza na zazayi ɓa.

Yeremiya 4:11

Pay nan dəpaska kawnah siti ɗiyiŋki gəm sən Yerusalem na: səmyã kakãh tay aka tive a kapta-muyã əzzan aket ɗiy nawa, məza vi kawseŋgerit ɓa məza vi katu'eti ɓa.

Yeremiya 4:20

Tay ənahaŋ na əza aka əza, vi dələv pak azəka. Gurzik ləŋ mipiwwet gizlirkeɗe nawa, hara ɗəf pilim taka ləŋ mipiwwet məzlaraɗe naddəvit gizlirkeɗe nawa.

Yeremiya 4:8

Vi askəska, məgul lukut na gəlabaya, məhəmə, mənɗəsə, vi offo nawdagədəv na Yawe dəffet səkam ɓa.

Yeremiya 6:14

Tahəŋ əgəm tatwãh net ɗiy naw va zəga an ɗarə, də wənah na: wən tay ɓa, wən tay ɓa, mbara wən tayi.

Yeremiya 8:19

In tat əprəm wəlat wətit ɗiy naw iya hã səka dələv faraɗa, vas na Yawe tay a Siyon ɓa sa? Məlĩ nan tay addəvən ɓa sa? Vimi adansuwən gədəvu də zəgakamaŋgəlva net gəm dit zəgeɗ ɗar na guw di?

Yeremiya 8:21

Sən vamvi məɗi sit ɗiy nawa, zu tay zamzamə; a gəlabay nani, əray arəhwəka.

Yeremiya 9:1

Nawvay gəla a kapta-muyã va təki naffet net mədawaŋ malaka na! Kəta wanəppet ɗiy nawa wanəmbat faraɗa səzeti. Vi ɗiy məkuwaŋ a gizbeŋ baymeti ɗiy mbəreytiŋ.

Yeremiya 9:10

Wanəkkpaŋgan Yerusalem ka korguɗe, ka təki nawɗam net kirɗemuyã, wanəkkpeŋget walaŋgəleɗe gugriɗ na Yuda muyã məs dəf tay adak ɓa.

Əɓuhma 1:16

Aka wən net zəgeɗiski nədawhəma. Sin araw gekgeki. Vi ɗəf nawɓətguwa gəm nawmbəlgu faraɗay səzawa. Kirtu azaŋka, vi məzuzel naw adayək kiwa.

Əɓuhma 1:2

Ndən kim aka əhəma: Sin aran zletzleti. Ɗak tat nawɓətgən səret gəreŋgiɗin ɓa. Beyneŋgiɗin pak appanənka, kpaŋgaŋ məzuzelɗe nani.

Əɓuhma 2:11

Haraw pəreŋ sən əhəma, zəga van aɓlawka, makraw tay əziw a gəlan ɓa sən əray məs dərih ɗiy nawəŋka. Vi kirin memeɗeŋɗe dit en namet bide pak tay əmtaŋ a walaŋgəla-metiŋ.

Əɓuhma 3:16

Anzləwək slayu dit gərmeŋge, gəm andəkwək ammba burɗuku.

Əɓuhma 3:48

Sin agilyoŋguk gekgek arawa vi əza nat waŋ net ɗiy nawa.

Əɓuhma 4:10

Gil də ulasahã net pak, adeninik kirtit diveti, kpaŋgaŋ ka zəga nawzəm net aka tatwãh ade aket ɗiy nawa.

Əɓuhma 4:3

Wawayɗe dayday tay əpsitin bide əwaɗgit kirtiti. Waŋ net ɗiy naw na, məs darawəktə va herkeseŋɗe a kapta-muya.

Əɓuhma 4:6

Heslepe net ɗiy naw gbefiyi day ki mambray na Sodom məs dəzə addəv hara ɗəf pilim taka məza va ɗəf dəslə akan ɓa.

Amos 8:10

Wanəkkpeŋget wəzləreɗ nokum ka gəlabayɗe gəlyeŋɗe nokum tam ka wəhəma. Ɗiy pak waynaŋ gomboɗok ama gizeti, kiyit ɗiy baymet wasan məfaɗən, wanəɗi va pay əmta na karmalay. As pak wagrak wəsɓəta mbərayən diyɗa.

Yonas 3:6

Alabaras agapək asləma məlĩ na Niniwe, ndən prik səka mazaŋga na məlĩ nani, lukut na məlĩ səzan gbuku, an na taɓak kulo, ndən aka moŋglo ɗewi.

Zakarya 12:10

Wanəknəh zev Davit gəm ɗiy na Yerusalem də əmpəs moggon gəm nakkama. Wawlaŋ azawa, in ɗəf məs ambokoŋ naka. Waɓuhnən met ammban va adawɓuhoŋ ma ammba wiyən karmalay. Waskaŋ morkoyo ammban va adaskaŋ morkoyo ammba uwa maddaabəŋ.

Luka 7:12

Adan agap gba a maddamba na walaŋgəla-metiŋ, daka ɗiy tay əkaŋ ɗəf məmtəni, taka yi avat mani, ndət vatə ga gəbaytə. Ɗiy diyɗa sə walaŋgəla-metiŋ tahəŋ dəndəta.

Yakob 4:9

Məssahan zukum məskə morkoyo, məhəmə vi mambray nokum, wəmas nokum dəkkpaŋ wəhəma, kədannekenən zukum ɓa məssahan zukum.

Yakob 5:1

Məpak sləmokum ammba wəpeləŋka, munokum məsaryeɗi. Məhəmə məngəsl vaŋvəla vi wəzəmsahã məs dədazan diyɗa akokum.