Yeremiya 6:21 - Bible en Guidar

²¹ Vini in Yawe nənah na: Wanəɗi zəgeɗ nazlbe ɗiyən abet dəskotoŋgən aketi wazaŋ beymeti efiŋgiɗti dit kirtit sapə, megge də bayna.

Yeremiya 6:21 ပူးပေါင်းရင်းမြစ်များ

2Alabaraɗe Də Mabərkiziti 36:17

Gəm əmpa aɗɗa ka məlĩ net mə kaldiyeɗ ambat əgay dənɗaŋ, abey ɗiy en gewleɗ net də masalam addəv gəla salala neti, dula səsãh wiyəŋ gawla ɓa, waŋ goruk ɓa, mazza may dəf məsɓan ɓa: mipsini yi pak ammba vani.

Isaya 8:14

Wasan ka gəlamatuya gəm ka gərəm nawki gəbaya, ka milɓe nazlbe milyẽŋge na Israyel sulegiti, ka mazzaɗ gəm bizwil abet ɗiy na Yerusalem.

Isaya 8:15

Ɗiy diyɗa wataŋgbãyaŋ akani, waskotoŋgu, wanzlaŋgə, watoŋgoŋ addəv mazzaɗə warmaŋgə.

Yeremiya 13:14

Wanəɓeheti, an taka aka an mbərən, əfiŋgiɗit dit kirtit pak matakə Yawe aɗiymani. Nəmbər na ɗəf ɓa, nəwəl na sãhã ɓa, nə'ugit dawzet ɓa.

Yeremiya 13:16

Məgagdakan Yawe Maŋgəlva nokum tak adawki guzliyo, tak təlkum adaŋgbay azet mossorgoɗe sən guzliyo. Əkeɗeɗe kədawgaŋ kəta, ya akkpaŋganən ka guzli tiɗimi kpaŋgən va guzli na buna.

Yeremiya 18:21

Vini kana appet kirtit addəv mayã, appet ama masalam. Kirtit gil net dəmtaŋgə, zilŋgiɗit dəmtaŋgə, Dəbeyin gewleɗ net də masalam addəv əgaya.

Yeremiya 18:23

Ya isi Yawe kəsənək əsler net akaw gərak nawbaywa. Kəppan sit heslepe net ɓa, kəvvuyon mambray net səbok ɓa. Dəskotoŋ aboko, atawwən aket pay ədagədəv noko.

Yeremiya 21:7

Səɓɓa as əmpa na, Yawe aɗiymani, wanəppan Sedekiya məlĩ na Yuda, məɗɗaŋ wəza nani, ɗiy en dəppaŋ səddəv walaŋgəla-metiŋginiŋ səma gəbaymərma, masalam gəm səma maya ammba va Nabukodonozor məlĩ na Babilon gəm ammba vet məzuzelɗe net məzəŋglaŋ kawbeytini, Nabukodonozor wabey də masalam, sasãh ɗəf tay adawla ɓa, ɗəf tay adappa ɓa, awəl na sasãh ɓa.

Yeremiya 8:12

Wil adetinke vi zəga narba wil aɗɗaŋgə, Wil dədetin ɓa, dəsənaŋ zəga wil ɓa, Vini waskotoŋ aret ɗiy en dədaskotoŋgu; Pay nədassõh an aɗɗaŋgə waskotoŋgu Yawe anahə.

Ezekiyel 3:20

An ɗəf təstəs azarək səka təstəs nani, wanəɗi zəga nawtaŋgbay abani: wamtə vi kəssak sən aka mambray nan ɓa; wamtə, kaɗɗumi aka wəza təstəs nan agəɗəŋ ɓa; mbel nan avok nədassohẽti.

Ezekiyel 5:10

Vini yi, efiŋgiɗit kirin wazimnin kirtit anokda, kirin tam wazimnin efiŋgiɗti, wanətawwən akoko, wanəndolet madembirgit pak ammba səmyã.

Məsdəlveŋge 26:37

Wargislen aza zit va səba masalam, mbara ɗəf tay dədarɓehet dayday ɓa. Aɓapaŋ na əziw abet məzuzeltin ɓa;

Roma 11:9

Davit amna: Way net dəsan sit ka bizwil gəm ka mazzaɗə, ka zəga nazbərgiti gəm nawfaɗ an dəslə siti.

Roma 9:33

Va məverin na: Awle, a Siyon nədawɗi gərəm nawtaŋgbaygit ɗiyi, milɓe məzləb ɗəfa. Ɗəf məs dətaf pak, arbə na wil ɓa.

1Piyer 2:8

gəm əmpa na: Gərəm nawtaŋgbaygit ɗiyi, milɓe məzləb ɗəfa. Adaŋgbayaŋ na vi dətafən əpel na Maŋgəlva ɓa, aski dədawriti.